| Passwort vergessen?
Sie sind nicht angemeldet.  Anmelden
Alle haben nur noch ein Thema heiraten!!!!! nerv
 1 2 3
06.12.10 11:14
teufelchen 
Alle haben nur noch ein Thema heiraten!!!!! nerv

Hallo zäme

Min schatz und ich mer sind sit 4 jahre zäme und sehr glücklich. Am 1.Februar 2011 werde mer endlich zämezieh! freue mi sehr.

Nun eigentlich zum Thema:

Es kunnt jetzt öppe jedi wuche vor das gfragt wird wenn hüratet ihr!!! Mein Vater spricht oft davon verwandte fragen wie sieht es mit heiraten aus. Wir sind gester abig zum ässe iglade gsi bi Fründe und de hends gseit min schatz und ich mer söllet an Tisch sitze und über euisi Hochzytsvorbereitge rede!!!! Ich han zimlich blöd gluegt und min Fründ het gar nüd gseit. Ich han de druf gantwortet ich warte no uf en hüratsantrag!!!! Langsam frag ich mich öb sie öppis meh wüsset als ich!!!! Ich weiss es ned. Mer hei scho oft übers hürate gredet aber da mer erscht jetzt zäme zieh wämmer euis no chli zyt lah.

Bin also gspannt was zuekunft bringt!!!

Gruess

06.12.10 11:29
nimbini 

Re: Alle haben nur noch ein Thema heiraten!!!!! nerv

Oh je teufelchen, ich fühle mit dir mit! bi eus isch das au so gsi.... mir sind nach 5 jahre beziehig zäme züglet und händ eus mit em hürate echt zyt glah, jetzt a eusem 9jährige hämer s'zivile gha....

ich würd mir en spruch überlege, wo du de lüüt chasch säge, dörf au chli zynisch si, so dass sie sich nüme getraued zum fröge! mim schwiegervater hani mal gseit, er söll ufhöre, mich mit dem thema z'nerve, er chöng gern sin andere sohn und d'fründin stresse, aber bi eus seigs keis thema und es göchi bestimmt no 3 jahr!

bi eus fangts jetzt defür scho a mit em chinder-thema! ob ich dänn schwanger vo de honeymoon zrugg chume etc.... ich wird mir jetzt e richtig zynischi antwort überlege, so dass ganz sicher niemer 2 mal frögt, wänns chind git! es nervt echt und ich finde das total astandslos! ich meine, vi llicht willsch du unbedingt hürate und din liebschte nöd und es isch es striit-thema bi eu, dänn chan das no meh striit uslöse! gnau so bim schwanger si... villicht versuecht meh sit jahre schwanger z'werde udn es klappt eifach nöd! es isch eifach absolut rücksichtslos vom umfeld, so züügs fröge....

die sölled doch zerscht mal abwarte, bis ihr zämezüglet sind! wünsche dir uf all fäll viel spass bim wohnig irichte und zämezügle, isch au ganz en lässige schritt.....

lg
nimbini

06.12.10 11:50
sheilyn 

Re: Alle haben nur noch ein Thema heiraten!!!!! nerv

tüfeli.. die fragerei hört leider nie uf.

glaubs mer, i chann so guet nochefühle, bi üs esch zwar keis hochzits-gstörm gsi, aber es baby-gstörm, sett mer gseid hend mer hürotet heds ahgfange, BRUTAL!!! i säg ders i ben so hässig worde, es hed denn en chorzi phase gäh wot frogerei fascht usgstorbe gsi esch ond chum semmer ghürote gsi, hanis vo öberall weder JEDE verdammti schiss tag mösse ahlose. inzwösche esches gottseidank weder chli abgflacht. es närvt eifach. sägs dinne lüt klar odn dütlech, au wenner vor hend i 1-2 johr hürote, säg eifach ehr hürotet nie. beste wot chasch mache.
soöpis belaschtet ongemein. säg das dinne lüt klip ond klar ond öber dütlech!

nimbini seits, due eifach grad zynisch ond dütlech ome gäh, dass sie nömme trouet z froge!
i säge jedem wo störmed:" wenn eine goofe wott, de channer sälber mache, i wörd au gärn grosi, tanti, gotti wärde, s chend nor it arme näh för 30 minute, wenns lached ond wenns t hose voll hed weder abgäh." das hani zemmli bös i 3-4 lüt gseid, ond sett denn esch au zemmli rueh.

ben froh esch das ned au no so bim hochzitsgstörm gsi. mer send 1,5 johr vorem hochsit zäme zoge, hend aber eigentlech scho "inoffiziell" 3 johr scho vorhär zäme gwohnt, also 4,5 johr im ganze evt grad wells mer üs vo ahfang ewäg so schlichend zämegläbt/gwohnt hend, heschs nie es thema gsi.

au ech wönsch der vell spass bim zämezögle! :)

@nimbini
gäll, s chender thema, wörd mer au en guete zynische satz öberlegge!
mini arbetskollegin wosi im 09 ghürote hed, hed sech au so gnärvt ab dene frogereie wäge nochwochs, sie hed denn nocheme zitli de lüt gseid: "mer probierets scho sett 4 johr, aber es goht eifach ned", sie hed mer gseid, die gsechter hättisch mösse gseh! natürli hed sie de grad gseid, "nei nor scheiss, aber höred mole uf froge, wel er wössed jo ned was los esch wiso ond öberhaupt". sett doh esch au rueh gsi!

.oO°Oo..26.06.2010..oO°Oo.

Zuletzt bearbeitet am 06.12.2010

06.12.10 11:52
teufelchen 
Re: Alle haben nur noch ein Thema heiraten!!!!! nerv

Hallo nimbini

Ohje das mit em wenn bisch endlich schwanger isch au sehr mühsam!!! Das hani bi minere kollegin gseh. Sie hed 2 Jahr brucht bis sie schwanger isch worde. Ich hoffe das es bi dir au bald klappt. So wit bini zum glück na ned!!! darf ich frage wie alt du bisch?

Mal luege öb mer öppis ifallt das sie sich nümme getraut zfrage... Jede mensch weiss sälber wenn de richtig zytpunkt da isch. Ich möcht also zerscht euisi erste gemeinsame wohnung geniessen und luege wies zämeläbe so funktioniert.

Liebe gruess

06.12.10 12:09
nimbini 

Re: Alle haben nur noch ein Thema heiraten!!!!! nerv

@sheilyn, hehe das hani scho dänkt, dass du au so direkt bisch zu dine lüüt! aber isch echt s'beschte, dänn häsch wenigstens rueh! isch doch echt müehsam und ich finds voll fräch vo dene lüüt! wänn hüratisch oder schwanger bisch, teilsch es ja eh mit und solang nüt degliche tuesch, gahts au niemer öppis a *nerv*! aber häsch mer grad en guete input gäh, wänn öpper frögt, chani ja säge "mach doch sälber eis, wänn unbedingt willsch bäbele"

@teufelchen, das isch genau die richtig istellig! zerscht muess es ja au no klappe mit em zäme wohne, ich finde das au en grosse schritt und meh muess sich au a vieles wieder dra gwöhne und da dörf meh sich mit em hürate au no chli zyt lah! die lüüt sind eifach nur nervig! ich bin 31i, will aber hüt und morn nonig schwanger werde, mir händ jetzt i zwei wuche eusi trauuig und s'grosse fescht und dänn gömer zerscht mal no 4 mönät go reise! die lüüt, wo dänn amigs fröged, ob ich dänn schwanger hei chume, die frög ich dänn amigs, ob sie s'gfühl händ, ich seig blöd! dänn luegeds mich immer eso blöd a und ich säge, ja sorry, han doch kei bock, in asie ständig müesse näbed de schüssle hocke, will doch eusi flittermönät gnüsse und nöd no irgendwelchi schwangerschafts-näbedwürkige ha oder mir no e chrankheit ufläse oder so! also mängisch überleged die lüüt scho nöd für 5 rappe!

ich mach mir au kein stress wägem schwanger werde, es wird dänn cho, wänns chunnt udn wänns nöd söll si, dänn hät das au sini gründ!

06.12.10 13:18
Bonsei 

Re: Alle haben nur noch ein Thema heiraten!!!!! nerv

Hoi nimbini

Wow da bini dänn froh ich bin au 31 und s Thema Chind isch scho ume aber hüt und morn nanig.

Läck die Sprüch wie, ja du bisch au nümm die jüngscht und setsch langsam luege han ich langsam so satt das chan ich dir säge.

Aber ebe mir hend au kein Stress und ich dänke i dä hütige Ziit isch das au nümm so e s Thema went du erscht nach 30 gi Mami wirsch

Gruss Bonsei

06.12.10 13:26
sheilyn 

Re: Alle haben nur noch ein Thema heiraten!!!!! nerv

diräkt, oder gar öber diräkt esch s beschte fend ech.

wie du seisch, "mer" teilets de lüt denn scho met, wenn öpis esch, hend die eigentli angst, ech gebe es telefon: "üses chend esch höt uf t wält cho", kei angscht mini lüt, ehr verpassed scho nüd, werd alles früeh gnueg gseid.

ech meine die rogerei änderet jo nüd, es goht ned schneller ond mer möched wäg dem jetzt au keis chend... eher im gägeteil!

s esch so. momentan esch das min "standart" sproch. "mach doch sälber eis wenn eis wotsch"....

hahaha, die kommentar esch geil, die lüt ehri gsechter wetti jo au mole gseh!

mer wend momentan au ned. drom send t spröch mol fähl am platz, und wenn mer mole wend onds ned grad klapped (was emmer sehr guet chann si) denn send so spröch erscht rächt fähl am platz, wells denn nämli eifach weh düend.

i säg dene stömris: "chammer ned eifach ghürote sie?" oder: "chammer ned hürote well mer sech liebt?, muess es emmer grad en familie hendergrond ha?"
"froged mi das früehstens i3-4-5 johr weder vorhär ned" das hed bi minne eltere no zoge.

tüfeli
gniess du jetzt dä schrett vom zäme zieh, werd gnue neus gäh... ;)
ond au zäme wohne muess glernt si. ^^
hochzit plane brucht en gueti bezihigs grondlag, well en hz plane ged stress meinigsverschedeheite etc.
das chasch du der secher dänke, aber han nor welle säge, du dänksch rechtig ond machsch das rechtig, eis nochem andere!

1 frächi frog hani aber no. wiso mäldet mer sech "för das" imene hochzitsforum ah? glich scho chli am hochzitsloft schnoppere? ^^
nor fräche wetz sorry.

.oO°Oo..26.06.2010..oO°Oo.

06.12.10 13:28
nimbini 

Re: Alle haben nur noch ein Thema heiraten!!!!! nerv

@bonsei, dänn sitzed mir ja im gliiche boot ;o)! ich finde au, hüt chasch ja au guet mit 34i oder älter no chind ha! die zyte händ sich halt eifach gänderet... mini eltere sind au 35i gsi, wo ich uf d'welt cho bin und früehner isch das natürlich scho alt gsi, aber hüt chunnts ja würklich nüme druf a! meh isch immer so alt, wie meh sich fühlt und ich muess säge, ich würd mit niemer anderem welle tuusche, für mich stimmts total eso, han letscht jahr am mim 30te gseit, bin happy, bini nonig gühratet und han no kei chind, andersch hettis für mich eifach nöd gstumme!

schlussendlich chömed die chline chnöpf sowieso, wänn sie wänd, erzwinge chasch es eh nöd, drum möchted mir eus da au völlig nöd unter druck setze lah!

grüessli
nimbini

06.12.10 13:38
Bonsei 

Re: Alle haben nur noch ein Thema heiraten!!!!! nerv

Genau grins so isch es. Ich han au kein Stress und dur das das min Zuekünftige Maa nu 5 jahr jünger isch als ich, fühl ich mich grausam jung im Moment und das isch ja s wichtigscht.


Finde hesch ä super Istellig

Schöne Tag

Gruss Bonsei

06.12.10 15:04
teufelchen 
Re: Alle haben nur noch ein Thema heiraten!!!!! nerv

@sheilyn

Du häsch natürlich recht. Was mach ich uf heiraten.ch. Ich weiss es sälber au ned. Ja wie du gseit hesch wohl chli umeschnuppere....

Ich han paar kollegine wo scho kind hend. Die einti het finanzielle Probleme und die anderi seit sie kas nümme so gniesse wie vorher. kein Usgang meh etc. Dänn hani müesse säge ich warte no bis 30+. fange jetzt no en neue Job a mache nomal en witerbildig und min schatz macht au nomal en witerbildig und ines paar jahr kömmer wieder übers thema kind rede. Also ich han au kei stress...

Grezzz

 1 2 3
Zusammenziehen   schwangerschafts-näbedwürkige   schwanger   Hochzytsvorbereitge   berücksichtigen   Standartantwort   meinigsverschedeheite   hintergedanken   Schwangerschaft   Forumsbräutli   Kinderkriegen   schwiegervater   schlussendlich   arbetskollegin   heiraten   hochzitsforum   hochzits-gstörm   Scheidungsgrund   zusammenreimen   hochzitsgstörm
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!