| Passwort vergessen?
Sie sind nicht angemeldet.  Anmelden
Antrag auf dem gemeinsamen Land
 1
21.08.12 16:45
CoRa 

Antrag auf dem gemeinsamen Land

Bevor dasi das cha verzelle, muenni no paar sache im vorus zu mim frönd schribe.
Är het vor ca 13 Johr vo sim grossvater bi üs im dorf am waldrand land geerbt (landwertschaftlechs). Uf däm land het ca 54 Nussbäum und no paar anger früchtebäum.
Min fründ esch zemmlech en naturburst obwohl är im büroschaffet und im momänt im letzte Johr in witerbildig zum betrebsökonom esch.
Vor paar mönet het är mer gseit är möcht uf sim Land s'Holzbänkli ersetze und zuesätzlech no en dreifuess grill chaufe dametmer mol obe chönd grilliere etc...

Am 24.05.12, bini de am obig hei cho, ha mi schatz begrüesst und gfrogt
wörom daes ir wohnig so komisch nach fisch schmöcki, är het gmeint das sigi s'neue chatzefuetter...
Ech "Ok" und ha mi scho welle ufs Sofa schmeisse wöui so döre gsi be. En Couch Patato obe het nachmer gruefe.
Mini besseri hälfti hetmer denne grad en strich dör d'rächnig gmacht...
Är het gmeint är müessi mer jetzt unbedingt sis neue Bänkli( heiger vom zivilschutz becho) und de grill zeige woner
jetzt ääääntli kauft het....Mannnnn!!!! Hani dänkt und be ned ganz wederstandslos met...

Im Auto gsehni ir konsole for Fahrertüre en fläsche dickflüssige Balsamico, hane gfrogt was är met däm möchi?!
Är nor oooops, hani vergässe, esch no vom z'mettag, hei im zivildienst am mettag brötle- aha...
Guet ufem land acho,lauft är vorus, böcktsech und nuschlet im höche gras ume...
ähm was tribsch jetzt hanine gfrogt,är heig en blindschliche gse wonermer wett zeige heter gmeint! *kreeeeeiiiisch* ech hasse aues schlangeartige!

I däm momänt dreitersech zu mer um, geite uf d'chnöi, het en schatule vom KURZ Schmuck ir hand,metmene wunderschöne wissgoldring mit diamant! Ha i däm momänt s'mul nömme chönne zuedue!
Deheter mi ganz ufgregt gfrogt öbi sini frau wett wärde ond met ehm dörs läbe go wörd,
är liebi mech öber aues! ha alles durne schleier gse, *schluchz*heul* und denne mis JAAA!!!

Är het mi denne in arm gno, zum Bänkli gfüehrt wo natüli s'alte und ohni grill gsi esch…
derför hets döte en chline bistrotisch ka, wiss deckt, metere roterose und cherze drufe. Usem gebüsch heter en chorbgholt met champagner, lachsbrötli (wäge däm het ir wohnig so gschmöckt), parmesanmöckli (för das de balsamico!) - meeeeeega härzig.
Und de heter zuemer gseit und jetzt esch das üses gmeinsame Land!



CoRa

21.08.12 18:40
angiyves 

Re: Antrag auf dem gemeinsamen Land

Voll härzig!

21.08.12 18:51
schmetterling84 

Re: Antrag auf dem gemeinsamen Land

Jöö CoRa so schön....... Di schatz het sich jo öbis wunderschöns ifalle loh!

22.08.12 07:31
Noelle 

Re: Antrag auf dem gemeinsamen Land

WOW so schön!

22.08.12 07:49
Daninici10

nicht registriert

Re: Antrag auf dem gemeinsamen Land

Das tönt ja wunderschön

22.08.12 09:35
CoRa 

Re: Antrag auf dem gemeinsamen Land

Ja esch esch wörkli wonderchön gsi, wenni dra dänke stigemer grad weder träne id auge

 1
landwertschaftlechs   dickflüssige   chatzefuetter   büroschaffet   parmesanmöckli   wederstandslos   zuesätzlech   bistrotisch   schlangeartige   zivildienst   kreeeeeiiiisch   früchtebäum   wunderschön   betrebsökonom   gemeinsamen   wissgoldring   wunderschöns   blindschliche   wunderschöne   dreitersech