| Passwort vergessen?
Sie sind nicht angemeldet.  Anmelden
Antrag auf dem Gipfel
 1
02.01.07 13:42
swissmiss 
Antrag auf dem Gipfel

Hallo Zäme

E ha ou öppis chlises bi z'schtüre zom Thema Hüratsatrag:-)

Am Sonntig, 31.12.2006 hani mim Frönd ändli nach gli 15 jahr zämsesi of em Wildstrubel of 3245 müM de Hüratsatrag gmacht.

E ha e Fläsche Champagner im Rocksack of e Gipfel uechi treit u är het vo all däm nüt gmerkt ghäbe. Of em Gepfel denne hani de Chämpis u d'gläser usignah u be vor ehn äne knüled u ha ihn de gfräget ob är me welti am 10. August deses Jahr hürate.

Är escht zerscht grad es betz baff gsi well er ned drmet grächnet het ghäbe. Aber nach ere chline Erholigsphase het er de ja gseit us ganz luut is tal gruefe. Es escht a ganz spezelle moment gsi u wier si no ganz enzige gsi u ergendwie wie in Trance. Es het eifach alles zäme passed.

Am Abe he wier denne ir Hötte met dem Hötteteam (dört woni im Sommer gschaffet ha ghäbe) no wiiter gfiret u de o no grad förs nöie Jahr zäme agschtosse!!!

Belder chännet ihr go aluege of: www.gipfelbuch.ch denn klicket ihr de Wildstrubel a vom 31.12.06..

Es escht e wonderschöne tag gsi, prachtvolls Wätter, super schön Warm, de Schnee escht ok gsi u wier hes so rechtig chönne gniesse.


Liebi Grüess
swissmiss

02.01.07 14:24
Anasazi

nicht registriert

Re: Antrag auf dem Gipfel

Das dönt au mega super für en Hürotsatrag... wirdi doch grad echlii nidisch!!!

Ech wünsche euch mega viel Power zum organisiere und viel Vorfreud ufs Hochziit!

Wend Froge oder süscht öbis zum diskutiere hesch, mir sind im Chat azträffe... do chonsch uf jedefall immer en Antwort über!!!

Ech hürote min Ängu am 07.07.07

 1
ergendwie   swissmiss   jedefall   Rocksack   wonderschöne   Wildstrubel   gipfelbuch   Erholigsphase   diskutiere   Hüratsatrag   Vorfreud   organisiere   spezelle   Hürotsatrag   Hochziit   Champagner   agschtosse   Hötteteam   prachtvolls   gschaffet