| Passwort vergessen?
Sie sind nicht angemeldet.  Anmelden
Bim Vater um d'Hand ahalte
 1 2
25.02.08 21:26
Manuela24

nicht registriert

Bim Vater um d'Hand ahalte

Hoi zämme

Ha mal welle wüsse, ob ich mit mim Wunsch völlig allei da stande oder ob anderi no so 'altmodisch' sind.

Min Fründ und ich redet scho länger drüber, dass mer hürate wänd. Er hät mir aber no kein Hüratsatrag gmacht. Jedefalls han ich mir vo ihm gwünscht, dass er zerst bi mim Vater um mini Hand ahaltet. Ich weiss, dass isch nümme so aktuell, aber ich finds romantisch und mir gfallt die Vorstellig, dass mich min Vater ihm übergit.

Isch das jetzt völlig schräg oder hät das suscht no öpiert gmacht?

Liebi Grüess

Manuela

p.s. er häts no nöd gmacht, isch irgendwie ziemlich nervös. Wets aber in dä nächste 2 Wuche mache.

26.02.08 07:41
nordliecht 
Re: Bim Vater um d'Hand ahalte

why not?

wär aber nid meys ding, da es en härzänssach zwische meym schatz und mier isch. de pfarrer het de nagel fir mey gschmack uif de chopf troffä. es gaht um eppis ähnlichs. es isch drum gangä, eb de bruitvater d'tochter an altar bringt oder mey schatz und ich zämä zum altar schreytät. de pfarrer het gmeint, dass er kei frind vom vater a altar bringe isch. de bruich chemi vo friächer, vo nu eppis fir d'tochter zahlt worde isch (zäh kamel ). aber eigentlich segi das ja scho grundfalsch, dass das de vater miechi. schliesslich het der einisch nur so es chleysäs "impilsli" gäh und d'muetter heig dänn de ganzi chrampf gha. wenn schon, dänn miässi d'mueter de job ubernäh.
het irgendwie eppis. mey schatz und ich sind vor lache jedefall schier unter em tisch glägä

aber wie gseit, jedem das seinä, meys wärs nid. chan deyn wunsch trotzdem nahvollziäh

griässli
nordliecht
miär freyid eys uif de 6. septämber 2008 :-)

26.02.08 08:09
Pfu

nicht registriert

Re: Bim Vater um d'Hand ahalte

Also mir tut der Mann leid. Da es ja nicht seine Idee ist, und da es schon ein alter Zopf ist, kann ich mir schon vorstellen, dass es für Ihn unangenehm ist.
Für mich als eigenständige, mitten im Leben stehende Frau, wäre ich sogar sauer, wenn mein Freund so was machen würde. Bin doch keine Ware, über die man verhandeln kann.

Editiert 26.02.08

26.02.08 09:51
Manuela24

nicht registriert

Re: Bim Vater um d'Hand ahalte

Hmm. Bin jetzt grad chli unsicher worde...

Ha ebe scho an ä moderni Variante denkt. Also, dass min Fründ mim Vater eifach seit, dass er mir en Hüratsatrag wet mache und ob er öpis dägege hät. Nöd so, dass mich min Vater mim Fründ 'verkauft' oder wie au immer.

Hans eigentlich als romantischi Geste gseh, aber irgendwie ischs wohl au glichzietig komisch.

26.02.08 11:42
Mara

nicht registriert

Re: Bim Vater um d'Hand ahalte

Aso mi Schatz het, zwar meh us Scherz, 20 so Gummitierli kauft (Esel, Rösser, Küeh) und se ufenes Holzbrett mit Gras kläbt. Das hätt er eigentlech mim Vater weue gäh so im Sinne vo, eg biete der 3 Ross, 2 Küeh und 5 Esel für dini Tochter... er hets när nid gmacht aber meh weu ers vergässe het dä Löu, aber ebe isch meh als Witz gmeint gsi.

Mi Vater het öbrigens au nid mis Mami gfrogt sondern mini Tante (???) öb er mis mami dörfi hürote



Tamara & Simeon ~01.06.07~09.08.08~

26.02.08 13:39
trulla09 
Re: Bim Vater um d'Hand ahalte

Also min Schatz bestaht druf, das z mache und das find ich irgendwie au mega herzig. Aber das wird ja au keis "verkaufe", sondern meh es Bier mit em zuekünftige Schwiegerpapi...

Weis aber nöd, öb ers unterdesse scho gmacht hät. Die beide verstönd sich ebe sowieso mega guet, dene trou ich alles zue....

Ich findes würkli en gueti Idee, nur setts dim Schatz na wohl si derbi. Fragen mal, wenn er das gern macht für dich - wieso nöd?!?



grüessli nadja

28.02.08 17:02
trulla09 
Re: Bim Vater um d'Hand ahalte

Geschter han ich doch tatsächlich ufem Sässeli-Lift de Hüratsatrag vo mim Schatz becho und jetzt träg ich absolut stolz und mit me RIIIIIIESE en wunderschöne Diamantring (mit 20 chliine und eim grosse Brilliant, en richtige Frauetraum!!!) a mim Finger... *freud*

Allerdings hät min Schatz also doch nöd bi mim Papi um d Hand aghalte, da ihn de Muet (min Papi wohnt ebe au no e Stund vo eus entfernt) glaub verlah hät. Jetzt gaht er halt ersch nach de Verlobig mit sim bald-Schwiegerpapi gah es Bier trinke.

Ich bin jetzt uf jede Fall uuuuuu glücklich und han rieeeeesig freud!!! JUHU!



Liebi Grüessli

Editiert 28.02.08

28.02.08 19:49
Manuela24

nicht registriert

Re: Bim Vater um d'Hand ahalte

Hey trulla

Gratuliere Dir ganz herzlich! So lässig, freu mich mega für Dich!!!

Bi mir gahts wohl no so 3 Wuche. Händ gestern üsi Verlobigsring bstellt und die chömet erst in zwei Wuche. Aber Vorfreud isch ja die schönsti Freud!

Lg

Manuela

29.02.08 08:24
trulla09 
Re: Bim Vater um d'Hand ahalte

Hallo Manuela,

danke vill mal!!!
Ja, Vorfreud isch en schöni Freud, aber wennd denn din Ring allne chasch zeige, wirsch na vill glücklicher sii...

Glaub mir

Macht dir din Schatz dänn au en Aatrag?

grüessli

01.03.08 11:57
Manuela24

nicht registriert

Re: Bim Vater um d'Hand ahalte

Hoi trulla

Ja, er macht mir denn au en Aatrag. Ha ihm aber gseit, dass es nöd öpis speziells muen werde oder er gross öpis vorbereite söll. Freue mich eifach uf d'Geste.

Treisch denn Du jetzt eifach dä Ring oder hät Din Verlobte au eine?

Lg

Manuela

 1 2
eigenständige   Verlobigsring   Schwiegerpapi   Hüratsatrag   Gummitierli   onveressliche   geschäftlichen   unvergesslich   wunderschöne   anschliessend   Verlobigsringe   irgendwie   umfunktioniert   Hochzietsring   Fründschaftsringe   bald-Schwiegerpapi   schliesslich   Schwiegersohn   romantischi   Sässeli-Lift