| Passwort vergessen?
Sie sind nicht angemeldet.  Anmelden
Er fragt nicht...
 1 .. 8 .. 14 15 16 17 18 .. 25 .. 32
07.10.10 14:59
sunneschiin 

Re: Er fragt nicht...

@kiki:
Jo es isch besser wenn nüt me schribsch. Mich zum Bispiel interessiert dini Meinig nit.

@sheilyn:
Ja, du hesch recht. Es isch schön zwüsse, dass me zämme passt.

07.10.10 15:01
sheilyn 

Re: Er fragt nicht...

weisch kiki.. es problem esch emmer ahsechtsach.
för jede esch es problem persönlech, ned jede chann das verstoh, es ged einigi wo sech chönd i anderi infühle ond weder serigi wie du wo hende ond vore kei ahnig vo de mönsche ond ehrne gfühl hend. so stellsch du dech emu jetzt häre! fendi schad!

es ged lüt, die hend met sonnere situation sehr, sehr müeh, das chann enorm belastend sii.
wie velecht för en andere es problem, wo weder en andere ned chann verstoh.
serigi wönsch wommer muess druf warte, chönd sehr erdröckend sii.

i fende mer sett ned anderi lüt so belächle, well mer sälber das ned chann nochvollzieh, ond wenn denn, chli nromal säge, oder ebe nüd säge!


.oO°Oo..26.06.2010..oO°Oo.

Zuletzt bearbeitet am 07.10.2010

07.10.10 15:12
cosa87 

Re: Er fragt nicht...

JO, es git sicher schlimmers uf dere Welt (Krieg, Stritereie, Krankheite, TOD...)
aber den törftemor gar nümme diskutiere i dem Forum... wills jo immer öbbis schlimmers git..
es isch würkli asichtsach..
und jede het sin Schwerpunkt irgendwo anderst...

@ Sunneschiin : aber au min Tipp woni schomol erwähnt ha, nid under druck setze.. also bi mim fründ wer da es schlimmste gsi... ich wünsch dir vo herze das de Atrag glie chunt :)



am 27.08.2011 isch üsen grosse Tag
*****Du bist ein Teil von mir*****

07.10.10 15:17
sunneschiin 

Re: Er fragt nicht...

@coas87:
Merci. Jo ich nimm mir din Tipp zHärze, ich denk, ich ha es vilicht scho chli übertriebe, wenn ich en ständig agsproche ha wege dem Atrag. Er seit immer "los di überrasche". Und genau das wird ich jetzt au mache, ich wart und los mi überrasche. Ich hoff aber glich, dass es bald mol so wit isch.

07.10.10 15:23
cosa87 

Re: Er fragt nicht...

guet ich weiss isch amigs eifacher gseit wie gmacht... aber machs oder probiers dir zlieb.. will den isch Überraschig grösser :


am 27.08.2011 isch üsen grosse Tag
*****Du bist ein Teil von mir*****

07.10.10 16:11
Krispy 

Re: Er fragt nicht...

No en Kommentar zor Kiki: Das Atrags-Problem cha onder omstände sehr belaschtend si ond esch i dem Momänt werklech es grosses Problem. Nes es schlemms, aber es grosses! Also ech wörd niemerem säge, das sini Problem, i weler Art ou emmer, ned schlemm onder ned gross send!

Denn zo de Reng. Ech ha emmer en Verlobigsreng welle Ha mine Maa dezue öberschnöret ond er hets sech denn ned lo nä, dä elei z zahle Mer hend vorhär ke Fröndschaftsreng gha, well är ned gärn Reng het. De Verlobigsreng hani ade rächte Hand ond de Ehereng hemmer zom Verlobigsreng passend lo mache. Ez hani eine rächts ond eine lengs wo zäme passe. Chönt si ou metenand am gliche Fenger träge...

Ond no wägem Atrag: Leider ghör ech zo dene Froue wo chli "Störmifödle" send. I ha mine Maa rächt bedrängt wäg hürote ond Atrag ond Reng. Aber dör das hemmer emmer vel gret ond emmer gwösst wora das mer send. Ech weiss, dass das e schlächti Eigeschaft vo mer esch ond er weiss das. Drom belaschtets üs ned. D Problem esch ez nor, wenn de Frönd/Maa ned gärn ret... De müesst i höre störme

07.10.10 20:58
garfield5 
Re: Er fragt nicht...

Sali zäme

Sunnäschii, ich cha di verstah, ha au über 6 Mönet uf de Atrag gwarted. Es sich zwar klar gsi, dass mer hüratet, will mer scho mehrmals drüber gred händ.
Min Fründ het mer aber no en Atrag wellä mache (was ich sehr schöööön gfunde han).

I bi am Afang sehr ungeduldig gsi, ha viel vom Hürate gred dra dänkt und immer ghofft das de Atrag bald chunt....
Nach öppe 4 Mönet häts denn bi mir nah la... i ha gmärkt / igseh, dass es nid schnäller gaht wenni immer nur a das dänk

Und denn a me Abig isch de Atrag cho... bi Sunneuntergang... uuuuuu schön.
Er isch würkli überraschend cho und en Traum gsi.

Jetzt bini überglücklich.... und voll im "Planingsfieber"

I has a mir sälber gmerkt, das es mängmal nid eifach isch zum warte... aber es lohnt sich, wänn de Atrag denn überraschend chunt.



<3 am 14. Juli 2011 gäbemer eus sJA-Wort <3

09.10.10 14:16
sunneschiin 

Re: Er fragt nicht...

nomol Hallo zämme

Ha mich no welle für euri nette Wort welle bedanke. Es het mir extrem guet do. Ich bi jetzt nüm so agspannt wege dem Atrag.

@cosa87: Ich ha nomol mit mim Fründ gredet ka, ha em gseit dass es mi eifach beschäftigt. Druf het er mir versicheret, dass ich nüm so lang muess warte. Ich bi jetzt chli relaxed und wart eifach ab und los mi überrasche.

@garfield5: Ich ha es hoffentlich au langsam igseh, dass es nüt bringt, wenn me stürmt. Ich verstiff mi zu fest uf das Thema. Ich ha eifach langsam sGfühl ka, dass mi Fründ doch nit hürote will, aber ha die Wuche nomol mit em gredet (und er het usnahmswies emol richtig zuegloost). Dr Aatrag chunnt bald.

@krispy: jo ich bi ebe au so e Stürmi. Aber ich versuech ab jetzt mich e chli zrugg zhalte und mich eifach überrasche loh.

@sheilyn: danke für dis grosse Verständnis und din Isatz wege dere Kiki. Es stimmt, es isch scho sehr belastend für mich (au für anderi Fraue).

Nomol e grosses DANKESCHÖN an alli.

Grüessli
sunneschiin

12.02.11 21:56
Lilian 
Re: Er fragt nicht...

Wenn man sich einen Antrag wünscht und der Mann auch nach langer Zeit keinen macht (ohne Druck) ist es Zeit, sich zu trennen. Es gibt genug Männer, die bereit sind dazu.

12.02.11 22:19
Belle85

nicht registriert

Re: Er fragt nicht...

Hallo Lilian

Ich finde das ist eine sehr krasse Einstellung. Meine Meinung dazu ist dass es heute nicht mehr unbedingt nötig ist zu heiraten und wenn jemand nun mal nicht heiraten möchte finde es auch nicht schlimm wenn er es nicht tut. Blöd ist es natürlich wenn der eine Partner will und der andere nicht aber wer fragt schon am Anfang einer Beziehung "könntest du dir vorstellen mich mal zu heiraten" .

Für mich ist das oberste Ziel in einer Beziehung zusammen zu sein ob jetzt mit oder ohne Trauschein. Wir heiraten, für uns stimmt das so für Andere vielleicht nicht.

Es ist glaube ich leichter gesagt als getan sich einfach zu trennen wenn der Partner keinen Antrag macht. Würdest du das wirklich machen? Dich von deinem Freund trennen den du liebst nur weil er dich nicht heiraten will und dir einen anderen zu suchen?


Liebe Grüsse
Belle



Wir feiern das Fest unseres Lebens 28.05.2011

 1 .. 8 .. 14 15 16 17 18 .. 25 .. 32
natürlich   sondern   Hochzeit   vielleicht   wünsche   bearbeitet   gemacht   eigentlich   richtig   Problem   Beziehung   einfach   partner   heiraten   Zusammen   unbedingt   darüber   wichtig   verlobt   wirklich
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!