| Passwort vergessen?
Sie sind nicht angemeldet.  Anmelden
Er hat mich gefragt!!!
 1 2 3
19.10.10 15:16
Palchen 

Re: Er hat mich gefragt!!!

Liebi Sigport

Auch von mir herzlichen Glückwunsch!!

Lg Plachen

@-->-- Zivil 20.05.2011 --- Freie Trauung 28.05.2011 --<--@

19.10.10 15:32
soraya1 

Re: Er hat mich gefragt!!!

Hey Sigport
Ja, genau. Jetzt si mer scho 2. Isch doch gad schöner t Ungeduld z teile (falls du sie au scho hesch).

Das tönt mega schön. I cha mer emal öpis drunter vorstelle. Isch de Diamant (ischs eine?) i Ring igla? Find i meeeega schö das er eine für die kreiert he. Da macht ihn doch gad no viiiel Wertvoller (was er ja sowiso scho wär). Also mega herzig.

Mer wüsse scho wo, wer, was aber da s nonig offziell isch chö mer nonig Bueche, sust gings ke Wuche u sini Familie wüsti bscheid. (U die Verkündig we mer den selber mache)

Lg Soraya

19.10.10 17:34
sheilyn 

Re: Er hat mich gefragt!!!

@soraya

es CHANN sie, dass gwössi belibti sache scho ah wonschdatom usbueched send! ;)
han grad letschti weder eine wo imene resti schaffed, sie send metem saal för 2 johr usbueched! eschmer weder einisch meh bestätiged worde.
aber wenn mer echli flexibel esch, länged s bueche scho 1 johr im vorus! mer darf halt eifach ned onzverrecke nor 1 resti ah nor 1 datom welle ha! das meini demet!

i han 1 johr ond 3 mönet vorhär ahfoh afroge, han au ned sofort reserviert! aber mer sett drah blibe...
fotografin han ech 12 mönet vorus bueched gha 11 mönet vori s resti. mer hend aber au ned soooooo die mega wahnsenns belibete gh sache gha ;)
söscht wäri scho vorhör druf los!
mer send allerdengs vom datom ihgschränkt gsi. hend ah KEIM anderem tag welle.



.oO°Oo..26.06.2010..oO°Oo.

19.10.10 19:21
sunneschii86 
Re: Er hat mich gefragt!!!

Liebi Sigport

Alles Gueti zur Verlobig. Das tönt ja würkli traumhaft.

Ich schlüsse mich au no a, dänn ich hürate au im 2012 :-)

Grüessli



Verlobt am Strand vo Khao Lak am: 22.11.2009
Euse Traum wird wahr im Juli 2012

19.10.10 22:11
soraya1 

Re: Er hat mich gefragt!!!

@sheilyn
I ha di scho richtig verstande gha. I wür nur scho soo gern Nägel mit Chöpf mache, u mer wüsse doch scho sooo genau was mer möchte, da wett i wen i dini liebi Hilfestellig lise natürli am liebst die aneh u s ganze fixe. Geit leider nid. Also hoff i fest das du mit ander Location, Dienstleister, Kilche,.... recht hesch u nur nid mit üse bis mers fixe chö.
Jedefalls werde mer jetzt mal nach de Verplanig für 2012 nafroge, so wüsse mer gad wie fest mer pressiere mü.
Damit si mer au chli abgsicherter. Danke schööön für dr Hiwis.

20.10.10 08:33
sheilyn 

Re: Er hat mich gefragt!!!

aha ok :)

also wiso goht denn das noned? also wiso chönder noni reserviere?
teil restis hend sogar listene im internet, wo/wenn sie scho usbueched send, fendi mega praktisch!
i wörd au uf all fäll mole nochefroge! dass ehr wössed wo drah ehr send. aber du machsch das jo scho guet! chond guet! :) es ged jo au emmer weder pärli die düend ganz, oder relativ chorzfreschtig hürote! nor die müend denn leider au "ihbuesse" mache ond flexibel si. 2 johr vorus föhnd scho die wenigste ahfoh plane! also gniessed üche vorteil! :)

wenn ehr aber s wechtigste mole reserviert hend, wörd ech s thema hz wiiit ewäg schiebe. nor so als tip. söscht chonds üch no vell länger vor, de gg möcheder au wahnsennig ond üch säber duets uf duur au ned guet. ond imfall uh plötzli goht ziit uuh schnell verbih! gniesseds. ;)


.oO°Oo..26.06.2010..oO°Oo.

20.10.10 12:31
soraya1 

Re: Er hat mich gefragt!!!

Hallo Sheilyn
Üsi Familie wüssed no nüt dervo u wen mer reserviere würed würs warschinli ke Wuche ga u sini Familie wüsti via Buschtelefon bscheid. U mer hend plant das mer beidi Familie an en Tisch bringed u gmeinsam überraschet
I bi ja scho es halbs Jahr da am schnoigge u das isch scho e rechte Vorteil. Au wen mer sust chli umeluegt, mer findet so geniali Sache u dur die ganzi Zit cha mer ja würkli jedes Detail uf der Site la bis mer zuefällig mal über DIE LÖSIG stolperet.
Uf de Site la chan is ebe nid eifach. Wen i gad e Phase ha wos mi fesslet de mun i (wils mi zu fest phakt) u wen i gad e Phase ha woni nid wot de mus i ned. Aber de Tip mit dr Pause isch sicher guet. I wird s zu Herze ne.
Üses Resti het die Website leider nid aber für das hä mer ja es Telefon wo mer das au chö kläre.
I bi eigentli würkli no froh (au wes mit de Zit sicher Geduld chostet) das mer sooo viel Zit he. Genau das wo du schribsch, uf die optimali Lösig verzichte oder ke Zit me ha zum Details plane, damit het i müe.

Glg Soraya

20.10.10 12:43
sheilyn 

Re: Er hat mich gefragt!!!

ahaaa, also seid ihr irgendwie bekannte von dem resti, eure familie... jä soo, ja das ist scheisse!
könnt ihr nicht einfach so mal reservieren, hat keiner geburtstag, den ihr als vorwand nehmen könntet??

hihi, i han för üsi hochzit ned 1 telefon gmacht ^^. ALLES per mail abgweckled ^^...
aber de einte lid telefoniere besser, als maile!


.oO°Oo..26.06.2010..oO°Oo.

20.10.10 23:19
Loved 

Re: Er hat mich gefragt!!!

Gratuliere zur Verlobung und wünsche dir eine wunderschöne vorbereitungszeit!

21.10.10 14:05
sigport 

Re: Er hat mich gefragt!!!

Merci vill mal förd Glöckwönsch! Ech freu mi mega uf d'Vorbereitigs Ziit..ben au scho es Ziitli im Forum ond han scho vill gueti Idee ufgschnappt!

Mini Familie weiss au nonig das mer wend Hürate.. ben uf ehri Gsichter gspannt!!


@soraya1 Ja, de Diamant esch in Ring iglah, ond ech ben definitiv scho ungeduldig! Wörd am liebschte alles scho jetzt vorbereite, aber mues nochli warte... Jetzt gohts erscht mal as Reserviere ond denn gits es Päusli.. wenn das klappt

 1 2 3
chorzfreschtig   Familie   churzfrischtiger   Heiratsantrag   gefragt   Silvesterabend   wunderschönen   usbueched   Dienstleister   Anschliessend   reserviere   reserviert   wonschdatom   vorbereitungszeit   Glückwunschskarte   bearbeitet   längvorchunnt   Gratulation   Täschmeischter   abgsicherter
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!