Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Heiratsantrag & Verlobung    ›   Heiraten Ja oder nein?
Heiraten Ja oder nein?
 1
steph1990  am 26.05.2014

Heiraten Ja oder nein?

Ich bi 24 und en Ma und mini grossi liebe isch 36. Ich liebe sie sehr und überlege mir ihre en atrag zmache mir sind es halbsjahr zeme Sie wartet scho druf wie mir ihri best kollegin gseit het. Ich ha aber angscht das ich sie in 10 oder 20 Jahr vilich nüme Attraktiv finde.... Ich bin no jung und vielles cha sich ändere.... drum wür ich gern wüsse vo andere Paar mit me grosse alters unterschied was ihri erfahrige sind :) Ich 1990 und Sie 1978



Evass  am 26.05.2014

Re: Heiraten Ja oder nein?

Hey Steph, ich find de Altersunterschied nöd es Problem wenns für eu keis isch.. aber so unsicher wiä du no tönsch würd ich mit dem Schritt no es bitzeli warte, und das nöd nur mache well sies erwartet. Nach 6 Mönet beziehig kennt mer sich zwar scho chli, aber ich denke nonig gnueg guet zum entscheide dass mer de Rest vom Lebe mitenand wett verbringe.. Und du tönsch au nöd grad so als wärsch dir sehr sicher :)

übrigens au e frau miteme chlinere Altersunterschied wird irgendwenn alt und vilicht nüm so attraktiv, und du wirsch au irgendwenn alt und nüme so attraktiv.. bi jedere Frau wo de Rest vo dim Lebe wettsch mit ihre verbringe wird sie irgendwenn nüme glich jung und knackig sii wiä denn wo sie kenneglernt häsch. um da gohts jo unter anderem au binere hochziit, dass diä Person au denn no liebe wettsch und mit ihre zämebliibe wettsch, au wenn sie alt und runzlig isch



_janedoe  am 27.05.2014

Re: Heiraten Ja oder nein?

Hallo Steph

Ich finde allei d Ussag, dass du sie irgendwenn vielleicht nümme attraktiv finde chönntsch erschreckend. Wenni so Sache liese, denn wunderets mich au nöd, wieso d Hälfti vo allne Ehe wieder gschiede wärded.

Chan das wo d Evass gschribe hed nume unterschribe. Ich würd dier empfehle mal no 1, 2 Jahr zwarte, denn wie du seisch, vieles cha sich ändere, wennmer so jung isch sowieso.

Vill Glück.



elea  am 27.05.2014

Re: Heiraten Ja oder nein?

hallo steph

mi maa ond i hend zwar ned sone grose altersundersched wie du ond dini fröndin, aber ha denkt i schribe der glich mol wasi denke zo dem wo du gschrebe hesch. die regel esch verlobe nach 6mönet scho eher früeh. aber i fende das muess jede för sech entscheide ond das goht di andere denn au gar nüt a ;) aber wenn der jez scho onsecher besch ob du si i es paar johr no atraktiv fendsch denn werds sehr wahrschinlech au so cho. au wenn dini fröndin gern gli wet hürote, mach ehre ned nor en atrag well si das möchte. dass muess genau glich fest au din wonsch si. i denke me esch bereit zom hürote wenn me weiss dasss me de ander au no wird vergöttere wenner alt ond deck esch ;)
loh di eifach ned zo so emne schrett dränge ond bes ehrlech zo dinere fröndin. velecht wers guet wenn du mol met ehre wördsch rede und sege, log i liebe di mega aber em Moment stemmts för mech ned z hürote. es esch wechtig dass me offe redet öber d zuekunft, ned das sech de eint falschi vorstellige macht oder züg erwartet wo ehm de Partner ned (oder nonid) chan ge!
ond ebe wie du schribsch, du beshc jo no jong, au die 20er veränderet me sech no mega ond lehrt erst was me eigentli vom eigete lebe well ond erwartet.
wönsche euch alles gueti!!!!



MonikaFreibach  am 30.05.2015

Re: Heiraten Ja oder nein?

Wenn d'Liäbi gross gnug isch, spillt's Üsere kei Rollä!



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.