| Passwort vergessen?
Sie sind nicht angemeldet.  Anmelden
Kein Heiratsantrag bekommen
 1 2 3 4 5
07.03.08 13:57
Lina 
Re: Kein Heiratsantrag bekommen

nei z stansstad han i nüd gno wo mer uss dem lade sind han i scho gwüsst dass i det sicher nüd niemä au wenns mis absolute traumkleid gsi wär...
D Chefin hed sogar d Frechheit gha mini Muetter öbe zweimal abzbutze will sie öbis gseit hed wo d Chefin anderer Meinig gsi isch... De isch mer de Lade entgültig abe! Und dass ich ned e mal han dörfe luege was es für Chleider hed sondern eifach id Kabine gsteckt worde bin isch ja au de absoluti Hammer gsi! Und am Schluss fragt sie öb ich au no i ander Läde gange, han ihre de gseit ganz sicher! Also de Lade chan i niemertem empfehle.

Aber s best isch ich han mis Kleid au bi de Joli-Mode gfunde Die sind würklich absoluti spitze, extrem agnehm und zuvorkommend. Freu mi imene Monet dörf i verbii go s Chleid probiere!!

Editiert 07.03.08

07.03.08 14:06
Pluto

nicht registriert

Re: Kein Heiratsantrag bekommen

Also mech heds ned gstört hindere Vorhang zgo, ech ha ehne ou chönne säge was ech wott, well ech vorhär in Root scho mis Stil gfonde han. Sie hend mer tolli kleider brocht, aber ebe, de Abschied esch ned das gelbe vom Ei gsi. Mech hed die Chefin ou mol abeklöpft, wo ech öbis gmeint ha wo ned ehri Meinig gsi esch. Schad, die hätte nämli scho no schöni Kleider gha.

Be aber ou absolut glücklich met dem wo ech jetzt gfonde ha. Mage scho gar nömm warte besi weder cha verbigo ond mis Kleid alegge. Has halt erst bestellt, jetzt gods no 3 Monate. Mini Trauzeugin hed det ou ehres Traumkleid gfonde. Mer send absolut happy.

Vell Spass de bem Brautkleid anprobieren... ond Aussuchen vom Zubehör. Das macht secher ou vell Spass. Ech studiere momentan no ade Frisur ome.

Grüess

21.10.08 17:22
aengeli 

Re: Kein Heiratsantrag bekommen

i ha ou kei Hüratsatrag becho. Weni uf so öppis gwartet hetti, de wäri no i tuusig jahr nid verhürotet. Mi Schatz isch nid unromantisch, aber settigi Aktione liege ihm jetz de grad gar nüt. Mir hei ir letschti vou übers Hürote gredet, und einisch hei mr eifach irgendwie beschlosse, dä Schritt jetzt ändgültig zgah. Soo schlimm isch das ja ou nid, o weme sech das sicher syt kindheit anders vorgstellt het.

Houptsach mis Hochzyt findet statt..

12.01.09 19:41
Sunny83 

Re: Kein Heiratsantrag bekommen

Hallo zäme!
Mir gats au so. Ich han au kein Atrag übercho. Defür hämmer das zäme entschide
und das isch au guät so. Eigentlich bin i au gar nöd entüscht.
Ich freu mi das i äntlich dörf afa plane und das gar nöd im stress.

Wiä du seisch Aengeli : Hauptsach d'hochzit findet statt

20.01.09 11:17
Nadine123 

Re: Kein Heiratsantrag bekommen

Tja, ich würde mal sagen, so ist es wenn man einen realisten als Freund hat. Ich habe auch kein Antrag bekommen und bin auch fast ein bisschen eifersüchtig. Aber Schlussentlich sind es ja genau diese Karakterzüge, welche ich sonst im Leben an ihm schätze. Und das wir heiraten ist ja Liebesbeweis genug.

26.01.09 17:04
regenbogen07 
Re: Kein Heiratsantrag bekommen

Wir haben auch gemeinsam entschlosse, dass wir heiraten. Ich habe meinen Antrg doch vor der Zivielhochzeit denoch erhalten. Das ist ein wirkliches Glcksgehühl. sprecht doch eure Männer an, dass ihr euch dass noch wünscht? Vielleicht getrauen sie sich auch nicht.

06.03.09 05:25
susimichi 
Re: Kein Heiratsantrag bekommen

mini frau und ich sind eher romantisch, und do isches für mich klar gsi, dass ich sie irgendwänn werd froga. der ziitpunkt muass aber für beidi stimma, ich dänk so spieli mit ultimatum setza und so, das goht hina usa! für mich isch der ziitpunkt do gsi, wo ich gwüsst han, dass mer zäma au schwierigi phase chönd bewältiga und zu enand stöhnd und immer für enand do sind. ich ha sie denn sehr eifach und romantisch gfroget, ob sie mini frau werda well. miner frau hets sehr gfalle und ich ha s gfühl üsi beziahig isch sit dem obig no viel itensiver worda...

bin der meinig es git au kei muschteratrag, dänk jedi frau het do iri eigna vorstelliga und ideal...

ob realischt oder nid, ich find as het damit nüd z tua, bin der meinig as ghört eifach zum guata ton dass ma mit sich das abmacht

Zuletzt bearbeitet am 06.03.2009

06.03.09 07:57
canadienlady

nicht registriert

Re: Kein Heiratsantrag bekommen

o mir heis gmeinsam entschlossä das mir wei hürate. mir si amene supperschöne tag ga loufe u hei ufemne bänkä äs pöiseli gmacht wo me d bärgä u der see schön gseht. u dert heimer über das afa redä u si beidi der meinig gsi, doch mir wei hürate.

ha natürlech dänkt ohni atrag geit de das scho nid u so hani mir öbis la ifalle. u ig muäs sägä, so sprachlos u grüehrt hani mi schatz scho lang nüm gseh

liäbi grüäss



Die Braut, die sich im 2010 traut...

06.03.09 13:04
Frangipani 

Re: Kein Heiratsantrag bekommen

Hi zäme
Das beruhigt mich grad echli, min Zuekünftige isch au nöd so dä Romantiker... hät scho viel brucht, bis ich ihn han chöne überzüüge dass er muess dä Atrag mache ..ich wär ja scho lang bereit gsi zum hürate...
Aber immerhin hät er dänn eine gmacht, und es isch au speziell gsi... halt ebe nöd klassisch romantisch und gar nöd usgfalle, aber s hät doch gstumme.. und das isch d hauptsach!

14.04.09 00:17
Haexli 

Re: Kein Heiratsantrag bekommen

Hallo na ich warte schon lange auch auf einen Heiratsantrag leider. Ich würde in gerne Heiraten ,gut wir sind erst seir drei jahre zusamenwir haben schon vieles miteinander gemacht. als erstes ein Altes Bauernhaus umgebaut, und in dieser zeit in einer 1Zimmer wonung gewohnt.(ich bin schon nach 3Wochen zu ihm gezogen da hatten wir noch eine 4 1/2 Zimmer Wohnung)Ich bin 32 jahre jung, und er sagt immer es lauft nicht dafon

 1 2 3 4 5
Super-romantisches   Flitterwocheziel   Ultimatum   Trauzeuginnenkleider   Trauzeuginnenkleid   bekommen   romantische   TRAUMMAAAAAAAAAAAAAA   Brautkleid   Organisationstalent   Verlobungsringe   Vorbereitungszeit   verkaufsförderlich   hüratsatrag   Pappenheimergeschädigten   Feuerwehrübungen   Heiratsantrag   Heiraten   Deutsch-Schweizer   Grüessli