| Mein Heiratsantrag |
|
|
1
|
|
Michi79 nicht registriert am 31.01.2011
Mein Heiratsantrag
Hallo Zäme
also ich weiss jetzt nid ob ichs richtig mache (verzeihet mitr aber ich bin grad neu agmeldet...), ich nimme a do söll mer sin Hürotatrag inne setze...
Also min Schatz het mich am 6.10.2010 miteme Vorwand per SMS zu de Grasburg glockt. Kollege welled es mittelalterliches Brätle mache und heget gfragt ob mir au mitchämed. Er würd sowieso goh und wenn ich well chönd ich mit sim beste Fründ am Obe nachem Schaffe mitgah. Da mir beidi Mittelalter-Fans sind, hani zuegseit und mich is Mittelalterchleid gsteckt. Sind beste Fründ het mich uf die Siebni abgholt, natürlich au verchleidet. Mir sind denn zäme zur Grasburg gfahre und vom Parkplatz us muess mer no es rechts Stuck z Fuess gha. Bi de Stäge sind denn uf jedere Stufe Kerzli gsi und ich han no denkt, die hend aber es schöns Ambiente gmacht.
Obe acho hani grad richtig Füürstell welle laufe, do het mi sin beste Fründ gfragt ob mir nid no bi de andere Kerzli wend go luege. Han echt nüd g'ahnt und bin mit. Bim 1. Kerzli isch denn es Foto vo mir und mim Schatz gsi und ich han mi liecht gwunderet. Bim 2. mitem nächste Foto hani chli gstutz aber irgendwie immerno nix g'ahnt. Bim 3. hanis denn gschnallt und ihn gfragt ob ich mich uf öppis gfasst muess mache? Er het nur grinsed und isch witer gloffe. Es sind denn ca. 14. Kerzli mit verschiedene Fotos gsi und ich bin so nervös worde, dass ich sim beste Fründ zu jedem Foto die entsprechendi Gschicht verzellt han, um zyt z schinde...lach
Schlussendlich hani vom Hügel us uf d Bergruine gseh, wo Fackle a de Muure glüchtet hend. Devor isch us Kerze es Herz gformt gsi und dehinter min Schatz i de Ritterrüstig! Eifach es traumhafts Bild!! Woni denn zu ihm bi, simmer is Herz gstande und er het mir mit zitternde Händ de Atrag gmacht!
Schöner hetis echt nid chöne ha und das ich ja gseit han, isch wohl klar!!
PS. Sin beste Fründ isch natürlich ab dert woni ufem Hügelgstande bin, dezent verschwunde!
Verlobt seit 6.10.2010 Unsere Hochzeit: 16.7.2011
|
|
|
Schlumpf79  am 31.01.2011
Re: Mein Heiratsantrag
Hoi Michi79
Wow, da het sich din Schatz epis ganz schöns überleid. Gratuliere nu ganz herzlich zur Verlobig und wünsche en ganz schöni Vorbereitigsziit!
Mer säget ja am 18.2.2011 und am 2.7.2011
|
soraya1 am 31.01.2011
Re: Mein Heiratsantrag
Liebi Michi
Da wünsch i alles gueti zur Verlobig : ) Da het er sich würkli öpis ganz schön u persönlichs uf eu abgstimmts usdenkt. Au de besti Fründ het da ja super mitgspielt  Würkli u herzig.
Na denn viel Spass mit vorbereite. Geit ja gar nüm lang u de ischs so wit 
Glg Soraya
|
|
PrinzessinN nicht registriert am 01.02.2011
Re: Mein Heiratsantrag
Wow, was für ein romantischer Antrag!
...Weil es Liebe ist, sagen wir am 8. Oktober 2011 JA zueinander....
|
|
Michi79 nicht registriert am 01.02.2011
Re: Mein Heiratsantrag
Danke eu allne!!
Ja er isch würklich min Ritter (und ich hoffe fürs Lebelang). Freue mich scho richtig druf obwohl d Vorbereitige nid würkli zu mine Lieblingsbeschäftigungen ghöred!
Verlobt seit 6.10.2010 Unsere Hochzeit: 16.7.2011
|
steyne  am 01.02.2011
Re: Mein Heiratsantrag
Wow, so schön! Härzliche Glückwunsch!
üsi Grosse Täg si am 19. u 20. 8. 2011
|
Kate82  am 02.02.2011
Re: Mein Heiratsantrag
isch also würklich e super romantisch Aatrag und au vo däm Früd lieb, dass er so guet mitgspilt het!
Ich wünsch euch zwei nume s'Bescht ufem gmeinsame Wäg. Und die Vorbereitige packet ihr scho, au wenn's nid di Lieblingsbeschäftigung isch 
|
|
MaiBraut2011 nicht registriert am 02.02.2011
Re: Mein Heiratsantrag
Wow, mega schön. Gratuliere!!!
|
sigport am 02.02.2011
Re: Mein Heiratsantrag
Das esch ja e mega schöne Atrag!! Gratuliere euch
~°~°~ Liebe ist.... der 25.08.2012 ~°~°~
|
|
|
1
|
Anmelden
