| Passwort vergessen?
Sie sind nicht angemeldet.  Anmelden
Min Hürotsatrag
 1 2
05.10.06 17:09
Anasazi

nicht registriert

Min Hürotsatrag

Juhuu, due no s`letschte offnige Thema bsetzte...

Eigentlich han ech mir dä chlii romantischer vorgstellt, aber min Schatz esch do nid so de verträumti Typ derzue....

Är hed mir am morge gseit, um die 10ni müessi parat sii und den giengs los: mir sind de mitem Zug ir 1. Klass vo üsem Wohnort nach Aarau gfahre wells dete so es härzigs Café hed, wo mer üs parmol troffe händ bevor mir zäme cho sind und au sitt mir zäme sind. Mir händ den Zmittag gässe dete und den simer in Park glofe wo z`mitzt ir Stadt ine isch. Vor eme wunderschöne Bluememeer isch är ufd Chnüe und hed de die Frage der Fragen gstellt.

Ihr chönd euch das nid vorstelle, er isch eso chribbelig und ufgregt gsii, das är am Obig chrank esch worde (Grippe...). Das esch leider typisch für en, wenn är so mega under Druck isch .... mmhh, und trotzdem hanis schön gfunde!!!

17.10.06 20:07
sposabella 

Re: Min Hürotsatrag

i welem cafe sind ihr gsi in aarau? kenn mi det drum mega guet us

17.10.06 20:10
Anasazi

nicht registriert

Re: Min Hürotsatrag

Wie heisst das au... mmhh Caffessano oder so ähnlich? Esch ar Hauptstross a...

17.10.06 20:21
sposabella 

Re: Min Hürotsatrag

jo kenni, isch schön det und mer isst no guet det.

17.10.06 20:22
Anasazi

nicht registriert

Re: Min Hürotsatrag

Esch ömu bequem zum höckle und mir gfallt d`Atmosphäre no...

17.10.06 20:26
sposabella 

Re: Min Hürotsatrag

jo stimmt. demfall sind ihr no viel in aarau?

17.10.06 20:28
Anasazi

nicht registriert

Re: Min Hürotsatrag

Nei, jetzte nüme so... han äbe Bruefschuel in Aarau gmacht und das hed mi Schatz öbe mole aglockt, mich cho abzhole oder so

17.10.06 20:30
sposabella 

Re: Min Hürotsatrag

aha. ok

30.10.06 09:02
Cicca5 

Re: Min Hürotsatrag

So jetz isch es au bi mir passiert

mir händ am sa. en wunderschöne nomitag verbracht, sind am abig fein go ässe und wo mer hei händ welä isch min schatz dihei verbii gfahre, witer duruf zu de wunderschöne belüchtete chile...
mir sind zu de chile spaziert und dänn hät er mich in arm gno und gseit, sis herzli ghöri für immer mir, ich müsi sehr guet ufs ufpasse und das er mim herzli immer wird sorg geh.... und dänn hät er gfrögt öb ich am 24.05.08 sini frau möcht werde...

ich ha brieget wie en schlosshund

03.11.06 22:44
siri

nicht registriert

Re: Min Hürotsatrag

I ha mi Hüratsatrag am morge früech z oberscht obe ufem Niese übercho, nachdäm mi dr Schatz zumne Burezmorge im Nieserestaurant iglade het.

 1 2
Bruefschuel   Hauptstross   Nieserestaurant   zuekünftige   Burezmorge   s`letschte   Hüratsatrag   verträumti   d`Atmosphäre   Caffessano   vorgstellt   belüchtete   romantische   schlosshund   Eigentlich   Hürotsatrag   wunderschöne   Bluememeer   romantischer   chribbelig