| Passwort vergessen?
Sie sind nicht angemeldet.  Anmelden
Verlobigsfiir
 1 2
26.03.09 11:38
Muus2 
Re: Verlobigsfiir

Ouu nei Inessa, das duet eim sicher Weh wenn öber wo eim Nostoht so reagiert, au wenns bi ehne ide Ehe ned so guet lauft. Für euch freue cha mer sich ja trotzdem und es mues jo ned heisse dases bi euch au so usechont.. das hoff ich zomendist schwer!
Bi mer händ au ned alli glich reagiert. Vo mim Papi beni au zemmli entüschd, aber deför het mis Mami sich omso meh gfreut, was mir sehr vell bedütet het!
Wir/minSchatz het mini Eltere au nid gfragt.

28.08.2010 - endlich mit mim Engel vereint!!!

26.03.09 11:49
Inessa

nicht registriert

Re: Verlobigsfiir


@frangipani: ja war echt hart und fies. zu ihr hatte ich nie einen guten draht aber ich wir haben nebeneinanderher existiert mit höflichkeit und anstand. aber das ging mir zu weit. ja es war eigtl. eine ehre und ich war traurig dass der teil der familie nciht dabei war die sich wirklich und richtig gefreut haben..

das mit den brauteltern um erlaubnis bitte ist altmodisch aber ich bin so ne klassikerin, bzw. eher eine romantikern. es war auch eher eine schöne geste an meine eltern. mach dir keine sorge wegen deinen eltern, wahrscheinlich war er so verblüfft d. ihm keine andere reaktion in den sinn kam

@muus : gott sei dank standen sie mir nicht extrem nah aber es ist nun mal die familie in die ich einheirate und zwar ersten grades. das war schon ein schlag ins gesciht und wir waren so sprachlos und unsicher dass wir sie noch nicht mal drauf angesprochen haben. erst später wurde uns klar (als wir im auto darüber redeten) was da eigtl. passiert ist.. wir sind ein sehr liebevolles inniges paar und das hatte das andere paar wohl nie, sie wurde ungewollt schwanger und hatten eine weniger schöne zivile hochzeti.. da spricht wohl der neid?

*Das Deutsch-Schweizer Bündnis startet am 29. Mai 2009 mit der zivilen Trauung
& erreicht seinen Höhepunkt am 30. Mai 2009 mit dem kirchlichen Segen

"Ich ergebe mich der Liebe weil Liebe dich ergeben hat" H.-C. Neuert*

26.03.09 14:04
queen 
Re: Verlobigsfiir

Eine direkte Verlobungsfeier haben wir nicht gemacht, aber wir haben an Weihnachten, als eh die ganze Familie zusammen war, mitgeteilt, dass wir heiraten.
Vorgängig haben wir meinen Vater und die Mutter meines Freundes unter einem Vorwand zu uns nach Hause gelockt. Ich habe seine Mutter vor dem Haus abgefangen und wir sind dann zuerst bei einer Bekannten gewesen. In dieser Zeit hat mein Freund meinen Vater um Erlaubnis gebeten. Nach ca. einer Viertelstunde bin ich dann mit seiner Mutter nachgekommen. Dann haben wir mit Champagner und Lachsbrötli zu viert darauf angestossen. War ganz toll, mein Vater hat sich riesig darüber gefreut, weil er gar nicht damit gerechnet hätte, dass er gefragt wird. Er hat meinem Freund anscheinend auch ein paar Tipps gegeben und ihn gebeten, mich gut zu behandeln (mein Freund schweigt sich aber über die Details des Männergesprächs aus).

Ich finde dies auch im Nachhinein noch immer ganz toll, dass mein Freund unbedingt an dieser alten Tradition festhalten wollte und meinen Vater um meine Hand gebeten hat.

Zuletzt bearbeitet am 26.03.2009

26.03.09 17:07
pearl 
Re: Verlobigsfiir

Hallo Muus2,

muess der do glaub nochli Vorfreud metgäh!

Mer händ also au en Verlobigsfiir gha met Reng tuusche und de Famelie offiziell z verchönde, das mer wärdet hürote. Es säge der, chasch die ächt freue!
Es esch so schön gsi, me cha eifach scho mol sech es betzli lo fiire ohni a ergend en Verpflechtig müesse z dänke (am Hochziit hesch jo denn s volle Programm)

Wenn die Frönd no öbbis speziells vorhed om so besser. A settigi Fameliefiire wersch di no gärn lang erennere.
Mer händ also de ganz Tag om d Wett gstrahlet, üsi Eltere send rechtig stolz gsi ond mi Papi hed sogar en chlini Red gschwonge.

Ech fends öberhaupt nüüd öberflössigs oder Gäldverschwändig. Das tuet doch em Härz ond de Seel guet wenn mer met sine allerliebschte cha sini Freud teile
Ond nochhär chönd er met dem ganze Enthusiasmus ond dem riise Gfühl vo Liebi, Freud ond Schmätterling im Buuch euche schönschti Tag plane

Wönsche euch en schöne Tag, gniesses in volle Zög!!!!

Ganz en liebe Gruess pearl

26.03.09 17:33
surri 

Re: Verlobigsfiir

Sali Muus 2

Mir hei au e chlini Verlobigsfire gmacht! Hand d' Eltere und Gschwisterti iglade und bi üs deheim es Apero gmacht. Den hei mir ihne gseit. Und s' erste wo mini Schwiegermuetter usegloh het isch: Jezt verlier i au no mi Sohn
Und nochedocket het sie mit: Hoffentlich werde dir glücklich aber meh het jo kei Garantie!
I bi so hässig gsi und enttüscht das i mi schnell is WC verzoge ha unter eme Vorwand.
I ha den einisch sie mir zur Brust gnoh und gseit wie Enttüscht i bi. Und den het sie mir versichert das sie nur e schlechte Tag gha het. Aber i glaub nit das i ihr das cha verzeihe und e Funke Wohrheit isch jo in jedem Wort!
Naja i glaub unterdesse isch wieder alles ok und ich chumme au sehr guet mit ihre us.

Dr Rest het sich aber mega gfreut und mim Schwiegervater si au Träne cho. Er het uns gwunsche so lang verhürotet si wie er und mis Schwiegermami ( 40 JOhr)!

Mini Eltere sind leider nit derbi gsi und das isch für mi au sehr komisch gsi. Aber zu däm Zitpunkt isch das eifach nit Möglich gsi. Aber sie freue sich riesig und an unserem zivile het mis Mami scho ghült wie es Schlosshund.

Mini Schwögere het den au grad afoh plane und i ha sie fast muesse bremse

Mi Maa het mi Papi au nit gfrogt do isch er doch z'schüchter.

I finds em mega schöni Geste vo dim Verlobt. Gniess dr Tag und planet schön fliessig!

Cu surri



Glücklich verhürotet sit em 19.12.08 mir chönnes chumm erwarte 22.08.09

27.03.09 07:54
Muus2 
Re: Verlobigsfiir

So schöön, ha scho gmeint mir sind die einzige wo das mached :-)!

@Pearl: Das freut mich sehr för dich das ehr so e schöne Tag gha händ. I fendes au öpis speziells das mit allne z gnüsse chönne. Mer händs zwar allne scho gseit, dass mir wänd Hürate, aber astosse wämmer alli gmeinsem und denn wirds för eus au richtig Offiziell

@surri: Da verstahni di voll und ganz, das trifft eim scho wemmer so öpis ghört. I fend die Ussag sowiso chli altmodisch, meine verlührsch doch ned dis Chend, sondern mer gwönnt ehner no öper dezue, nämli dich als Schwiegertochter! I be zom Glöck sehr gut uf gno worde vo sinere Familie! Aber du merksch es sicher schnell eb sie das Ernst gmeint het, und dass ehr euch weder so guet verstönd esch doch es guets Zeiche.

Danke für euchi Glückwünsch, ich loh mi eifach mal öberrasche was de Tag so bringt !!

28.08.2010 - endlich mit mim Engel vereint!!!

30.03.09 16:10
Krispy 

Re: Verlobigsfiir

Ich habe auch nicht gedacht, dass so viele das noch machen. Wir haben unsere beiden Familien zum Dessert bei uns eingeladen und bei dieser Gelegenheit gesagt, dass wir jetzt (endlich) wissen, wann wir heiraten wollen. Und plötzlich waren wir ofieziell verlobt und Verwandte gratulierten.... voll komisch am Anfang. Ich habe gar nicht erwartet, dass das so eine Resonanz geben könnte. Jetzt finde ich es aber auch supertoll und geniesse es verlobt zu sein.

 1 2
Gäldverschwändig   wahrscheinlich   Verlobungsfeier   Schwiegermami   kirchlichen   allerliebschte   Verlobungsparty   nebeneinanderher   Schwiegervater   Verlobigsfiir   dahintersteckte   Männergesprächs   Schmätterling   zeitverschwendung   Deutsch-Schweizer   verlobigsring   angesprochen   Schwiegertochter   Schwiegermuetter   Verlobigsfestli
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!