| Passwort vergessen?
Sie sind nicht angemeldet.  Anmelden
wann ist man bereit?
 1 2 3 4
28.10.13 18:32
Lula 

Re: wann ist man bereit?

Hoi

wenns stimmt
I chönnti mir nie vorstelle min GG zhürote, wenn mir nit scho zämä würde wohne, wüu me lernt dr Partner denn haut ou no mau vore andere Site kenne. Mir hei üser Höchs u ou Tiefs erläbet, u glich, oder genau wäge däm si mir üs sicher, dass mir di richtigi Entschtscheidig hei troffe nächts März zhürote! U das trotz Widerstand us dr Familie
U für mi isch 18ni oder ou 20gi no zfrüech zum hürote, hätti mir das i däm Alter nie chönne vorstelle. Aber ebe, schlussendlich muess es für jedes Paar säuber stimme, u de isch es dr richtig Moment, wenn de ar Entscheidig nit muesch zwifle, u drhinter chasch stoh! U ou wenns mau gfetzt het, weisch es isch dr Richtig / di Richtigi...

Wie geits eigentli Dim Kolleg? U sire Ehe?

28.10.13 19:49
purpurblume

nicht registriert

Re: wann ist man bereit?

Ich find die Frag sehr spannend. Früehner hetti gseit, wemmer gnueg lang zäme isch, es Ziitli zäme gwohnt het usw. Mittlerwiili tänk ich, dass mer das ned so allgemein cha säge, das isch vo Paar zu Paar sehr individuell. Selber bini 9 Jahr mit mim Maa zäme gsi, bevor mer ghürate hend. Ich ha vo Afang gwüsst oder zumindest sGfühl gha, dass ich mit ihm mis Läbe will verbringe (anders als bi minere Beziehig devor). Lang hani tänkt, eigetli chunts ned druffah wämmer hürated, jetzt wo mer scho einigi Jahr zäme sind, ich bin so oder so parat, ob mer jetzt vor 3 Jahr ghürate hetted oder jetzt. Jetzt im Nachhinein muessi aber säge, dass de Ziitpunkt doch ned so egal gsi isch, wie ich tänkt han. Jedefalls hani all di strahlende und lachende Gsichter uf eusne Hochziitsföteli gseh und mir isch bewusst worde, dass das eso vor paar Jahr no gar ned möglich gsi wär, da mir e paar Schicksalsschläg hend müse erliide und verarbeite und das het offebar einigi Jahre bruucht bis mir (und aus eusi Familie, was mir au sehr wichtig isch) hend chöne säge: Jetzt chömmer en Schritt wiiter gah. Und zgseh, dass min Maa immer a minere Siite blibt, egal was passiert, isch natürli für mich de ultimativi Liebesbewiis

Es het au scho Lüüt gha, die hend erscht nach 30 Jahr ghürate und denn gits settigi die hüürated scho nach paar Wuche. sGfühl muess eifach stimme.

29.10.13 10:35
apple-pie 

Re: wann ist man bereit?

ich finde das sollte jedem selber überlassen sein. Dabei spielt es keine Rolle wie lange man bereits zusammen ist oder wie alt man ist. Im Leben hat man nie eine Garantie. Eine Beziehung kann auch erst in 10 Jahren zu Ende sein, andere gar nicht und manche leider schon sehr schnell. Aber das weiss vorher niemand. Also warum zögern? Wenn Das Herz "ja" sagt, dann sollte man es tun.
Ausserdem finde ich dieses "Erst einmal ausprobieren wie es zusammen klappt" absolut sinnlos, denn selbst nach mehreren Jahren kann der Patner oder die Patnerin noch ganz andere Seiten von sich zeigen, über die Zeit verändert man sich und auch das kann man nicht vorhersehen.
Und das andere ist, das eine Ehe ja eigentlich nur eine Sache ist, bei der öffentlich gemacht wird und wobei anerkannt wird, das man zusammen gehört ... die Liebe jedoch bleibt die Selbe!

29.10.13 11:38
Moneypenny

nicht registriert

Re: wann ist man bereit?

Hallo zämä

Ig gseh das ähnlech wie d Purpurblume und apple-pie....i gloube, äs chunnt nid druf a, wie alt mä isch oder wie lang das mä scho zämä isch, sondern das z eigete Buchgfühl stimmt und mä säch würklech cha vorstelle, zämä alt z wärde. Und ä Garantie gits sowieso nie....mä veränderet säch ja im Verlauf vom Läbä und mängisch gits o schwäri Schicksalsschläg, wo äs Paar nid verkraftet.

29.10.13 11:54
Pfingstrose 

Re: wann ist man bereit?

Ich glaub au dass vor allem s eigete Gfühl stimme muss. Mer muss ja am Schluss i de Ehe läbe chöne und niemert anderst. Mir persönlich isches zwar scho wichtig, dass mer zerst mal mit em Partner gwohnt hät. Mir händ extrem viel Chritz gha am Afang. Aber mir hend eus zäme grauft und eus anenand gwönt. Vor allem aber au nomal extrem entwickled. Bevor mir zämezoge sind simmer au scho 4 Jahr zäme gsi. Und jetzt wohned mir 1.5 Jahr zäme und mir händ momentan die schönsti Ziit vo eusere Bieziehig. Vo afang ah hani aber gwüsst ich wird immer für de Mensch kämpfe er isch mis ein und alles. Ich persönlich finds, wie öpert scho gseit hät, nöd so guet wenn mer i de absolute Verliebtheitsphase hürated. Aber au das isch je nach Gfühl anderst. E Gschicht us mim Umfeld, sie sind mehreri Jahr (glaub 6) zäme gsi und händ au zäme gwohnt händ dän ghürate und sind i d Flitterwuche. Nach de Flittis sinds hei cho und händ sich scheide lah und sind us de gemeinsame Wohnig uszoge. Es hät eifach alles nüme gstumme. Und anderi woni känne sind au 10 Jahr zäme gsi händ den mit 32 ghürate und sie het sich mega Chinde gwünscht. Er hät sie den zwüsched Hochziit und Flittis afange betrüge und eifach nüt gseit. Id Flittis ischer den no und nachher heters ihre müsse beichte will die ander schwanger worde isch. Es chan eifach alles passier! E Garantie hät mer nie. Mer söll aber eifach glücklich sie und werde egal was chund.

13.01.14 03:31
boomi 
Re: wann ist man bereit?

Das Alter spielt keine Rolle, ist vollkommen egal und ich glaube man merkt es einfach wenn man soweit ist! :) Das kann nach 2 Jahren Beziehung sein oder nach 10 ... oder sonst wann solange man sich zu 100 % sicher, mit dem Menschen möchte ich alt werden ist alles andere egal

13.01.14 14:54
Palibu 
Re: wann ist man bereit?

Ich denke auch, dass es hierfür keine richtige oder falsche Antwort ist. Mancha Paare sind 10 Jahre zusammen bevor sie heiraten und lassen sich dann nach 1 Jahr wieder scheiden und andere sind erst seit 1 Jahr zusammen, heiraten und es hält. Natürlich kann es auch genauso gut anedersrum sein. Aber das ist etwas ganz persönlich, was jeder für sich selber entscheiden muss. Den perfekten Zeitpunkt gibt es sowieso nicht....

 1 2 3 4
unverhältnissmäsig   Verliebtheitsphase   richtig   heiraten   Lebensabschnitt   Durchschnittsmann   Männererlebnisse   Schlussentlich   Hochziitsföteli   Blitz-Hochzeiten   schlussendlich   persönlich   Ausgangserlebnisse   Beziehung   kennengelernt   Frischverliebt-sein   verheiratet   Schicksalsschläg   zusammen   Entschtscheidig