| Passwort vergessen?
Sie sind nicht angemeldet.  Anmelden
Wie habt ihr euch verlobt? Wer hat wen gefragt?
 1 2 3 4
27.09.06 13:35
sposabella 

Re: Wie habt ihr euch verlobt? Wer hat wen gefragt?

mine het mich zersch gar nid gfrögt, mir händ das eifach so zäme beschlosse und denn wos um planig vo üsere verlobigsfiir gange isch isch er plötzlich uf knü und het mi gfrögt. bin total grüert gsi (aebr zersch feruckt wils so unromantisch, zwüsche büroarbeit und hushalt gsi sich) aber denn hani ihn in arm gno un jo gsait

04.10.06 11:58
Ivory 
Re: Wie habt ihr euch verlobt? Wer hat wen gefragt?

mina isch zwor nid vor d knü aber er hät in dr ganza stuba kerzli azündet!

04.10.06 11:59
Ivory 
Re: Wie habt ihr euch verlobt? Wer hat wen gefragt?

allerdings ischs nid sooo a grossi überraschig gsi wil i han schu lang wella hürota aber er nid darum händ miar immer davo gredt...

17.11.06 14:28
Teenspirit 

Re: Wie habt ihr euch verlobt? Wer hat wen gefragt?

bi eus isch das ned e so spektakulär gsieh, mer händ das halt meh oder weniger "beschlosse" womer im 03 z Australie gsieh send. Det hämmer denn au Verlobigsringe kauft, wobi min Schatz sine gschlisse hed, woner inere Kantine gschaffed hed und jetzt hämmer sed letscht johr nuei

und nächst johr geds jo de Eheringe.

Wir heiraten am 28.07.2007

26.01.07 11:02
sani 

Re: Wie habt ihr euch verlobt? Wer hat wen gefragt?

mir hend min zuekünftige en himmlische atrag gmacht!
SANI S`TRAUMHOCHZEIT 07.07.07

26.01.07 21:15
Manon 

Re: Wie habt ihr euch verlobt? Wer hat wen gefragt?

mir sind grad 3 wuche zäme gsi und ich han ihn uff d hochzyt vo sim vater beleitet. alles neuig gsichter... aber nach der trauig sind mir alli zäme go phöteli mache und natürlich het de fotograph gfunde das hübsche junge paar mues är speziell nonemol abliechte. denn sind mr zrug zum auto gange und alli mit ihr wage wäg gfahre nur mir nit. mi schatz het mich ganz fest in d'arm gno vor em standesamt und het mir ganz fest in d'auge gluegt. es isch nit plant gsi aber mir händ sofort beidi gwüsst um was es goht. denn het är mi eifach gfrogt und ich hat sofort jooooo gseit!
danach han ich ganz weichi chnü kha und ha mich erst emol muesse erholte--- das isch jetzt im nächste August 3 joor här.

C & K in Love - 27. Juli 2007

31.01.07 14:51
krindli 

Re: Wie habt ihr euch verlobt? Wer hat wen gefragt?

Mi Atrag isch eifach dr Obärhammär gsi!!!
Mini Fründin het mir zum Geburi ä Fründinnätag gschänkt u so bini nichts ahnend mit ihrä mit...

Wo mir de a dä Platz si cho, wo ig mi Schatz kennä glehrt ha, isch alles klar gsi u ig ha gwüsst um was äs geit. Dört hani diä erschti Videobotschaft übärcho...

...So hani dr ganz Tag verschidäni Ufgabä müässä meischtärä u ersch bim letschtä Poschtä mi Schatz troffä, wo är mir när inärä chlienä Schlucht, bimänä Wassärfall dr Atrag gmacht het.

Uf üsärä Homepage hei mir süsch äs paar Fötäli vom Atrag!!!


Wedding: 23.06.07
www.karinundstefan.ch

31.01.07 17:01
Allegra 

Re: Wie habt ihr euch verlobt? Wer hat wen gefragt?

min schatz het mich echli "verarscht"

mer sind ufem weg zu mer hei gsi.
denn bevor mer id garage gfahre sind, her er gseit er heb no öbis vergesse und mer müesstet schnell is nachbardorf öbis go fötele.
er hebi vom chef de uftrag becho en strommaste go fötele wo ide nöchi bi de chille staht!
han ich mich vellecht ufgreft.................i bin müed gsi und han chalt gha....aber janu!
also simer zu dere chille gfahre, sind im dunkle de hoger ufegloffe und ich han die ganz zit gmotzt wie chalt es doch säg
wo mer dobe acho sind, het er so ta als müesst er de schueh binde und ich bin nochli vorus gloffe und han de maste gsuecht
woni mi kehrt han isch er uf de chnü gsi mit emene schächteli ide hand und het mi gfröget öbi mit ihm de rest vom lebe wott verbringe
i bin zersch gar ned drus cho............aber natürli hani JAAAAAAAAAAA gseit!!!!
das isch jetzt nonig ganz es jahr her und i han immerno hüehnerhut weni a das denke

Zivil 17.07.2007 / Chille 21.07.2007

01.02.07 12:03
Ronia 

Re: Wie habt ihr euch verlobt? Wer hat wen gefragt?

Also Allegra han jetzt au gad hühnerhut bechu bim lässe . Min Schatz hätt mir de Atrag a mim Geburri gmacht. Er hät mir eifach gseit, dass ich mir de Tag müessi frei bhalte. Und ich natürli de ganz Tag uf heisse Kohle am warte, was jetzt passiert. Bin natürlich immer e bitz hässiger worde. Und denn isch er de au nu plötzli verschwunde. Dänn hät er mir aglüte, dass ich uf d'Wiese i de nöchi vo üs müessi chu. Dört hätt er mit emene Struss Rose i imene Kerzemehr gwartet und isch dänn uf d'knie und hät uf mich gwartet. Und nacher händ mer gad nu mit allne Verwandet und Kollege e bitz gfierert.

21.12.07 13:04
SaHa 
Re: Wie habt ihr euch verlobt? Wer hat wen gefragt?

Siehe unten!

 1 2 3 4
romantisch   Heiratsantrag   verlobt   quadratisches   gefragt   Hochziitsgsellschaft   Roseblüeteblettli   Miternachtsgottäsdienst   Verlobigsringe   S`TRAUMHOCHZEIT   Usflogsretaurant   eigentlich   Sehenswürdigkeiten   jaaaaaaaaaaaaaaa   Kalendereintrag   Roseblätter-Schalte   Chromstahl-Pfanne   Läbensnotwändig   Gsichtsusdruck   Liechterkettine
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!