Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Heiratsantrag & Verlobung    ›   Wie teile ich die Verlobung der Schwiegermutter mit?
Wie teile ich die Verlobung der Schwiegermutter mit?
 1 2 3 4
Lus

nicht registriert

am 16.04.2012

Re: Wie teile ich die Verlobung der Schwiegermutter mit?

@stephansbride
Ja är regt sech mängisch tiiierisch ab ihre uf! U de brucht aube chli beruhigendi wort, obwou i meischtens dr glicher meinig bi wie är U glichzyitig ischer truurig werum si überoupt so duet. Er möcht eigentlech ja guet mit ihre uscho, schliesslech het är nume no si. si papi isch vor 12 jahr unerwartet verstorbe. nid e eifachi situation. Aber äbe, mir müesses so näh wies chunnt, öppis andes blibt is gar nid übrig
Mir fröie üs emu sehr uf üse Tag und wüsse, dass gaaanz vieu lüt wärde mit üs fire wo üs sehr vieu bedüte und üs üses glück sicher vo härze möge gönne was weimer no meh?



stephansbride  am 16.04.2012

Re: Wie teile ich die Verlobung der Schwiegermutter mit?

Cha mer vorstelle, dass das e recht blödi Situation isch für din Fründ.
Es isch sicher nid eifach drmit umzgoh wenn die eigeni Muetter so reagiert.

Aber wie du gschribe hesch, swichtige ich dass ihr e tolli Hochzit händ und es werde bestimmt gaaaaaanz vil Lüt mit euch fiire und sich tierisch für euch freue. Und nur das zellt!

***verliebt 10.12.2005 - verlobt 09.07.2011 - heiraten 17./18.08.2012***



Reebee  am 25.04.2012

Re: Wie teile ich die Verlobung der Schwiegermutter mit?

@Lus
das isch scho nid gad eifach dini situation. i würs ihre eifach sägä und denn luege, was passiert. wenn sie komisch reagiert, denn ischs halt so. i denk je länger ihr wartet zums ihre sägä, desto schlimmer. irgendwenn findet sie's use und denn isch sie vilicht sauer, will ihrs ihre nid selber gseit hend. drum packed de stier lieber bide hörner :)

mim fründ sini mam hett au nid so toll reagiert, sie hett gmeint mir sölled sie nid verarsche... naja.

***finally getting married - May 25th 2013***



Duffy.10  am 26.04.2012

Re: Wie teile ich die Verlobung der Schwiegermutter mit?

Trinket zerscht es starks Schnäpsli und los........................

Verliebt, verlobt und Verheiratet am 11./19. Mai 2012



himbeer  am 03.08.2012

Re: Wie teile ich die Verlobung der Schwiegermutter mit?

isch jetz zwar scho es momentli her eui diskussion, aber ich wird es ähnlichs problem ha... nur isches bi mir nöd d schwigi, sondern mis mami. ich denk sie wird ähnlich reagiere wie ihrs da beschriebe händ. aber ich glaub mir werded no so viel lüt ha wo sich vo herze chönd freue wenn mir hürated dass es mir mittlerwiile egal isch wie sie wird reagiere



lululuana  am 03.08.2012

Re: Wie teile ich die Verlobung der Schwiegermutter mit?

himbeer, mier hei quer beet alli reaktione gha uf d Nachricht dass mier hürate....
vo riese fröid (Schwigereltere).... zu sprachlos (im guete Sinn, mis Mami) ... d Ussag "schön für öich, ig chume nid" (mi Papi).... bi zur Frag "müesse si?" (vo Vatr's Muettr...)...

abr meischtens si d Reaktione super gsi, mä het dä Kollege d Fröid richtig agseh... und bi disne isch de hinde dri no grad d Frag cho "bisch schwanger?" ... *grins*

am Afang hets mi geng möge also di wenigr erfröileche Reaktione abr hei, shit happens...eigentlech isch es mier ja egal was si dänke und mit drzyt isch es mier sogar egal gsi ob dr Vatr jetz chunt odr nid...
es isch üse Tag und es wird gnueg anderi Lüt ha wo sich würklech mit üs und für üs fröiie!



himbeer  am 03.08.2012

Re: Wie teile ich die Verlobung der Schwiegermutter mit?

ja das denki ebe au. ich ha mer au überleit dasi mis mami trotzdem gern würd chli ispanne für gwüssi sache demit sie sich glich "nützlich" vorchunnt, zum bispiel hät sie es mega flair für deko und blueme und ich würd sie denn grad fröge öb sie das würd welle überneh...

ich denk ebe vilicht freut sie sich ja glich echli aber sie chönnts nie zuegeh. ich wirds ihre au nur säge das mer hürated wenn de rest vo de familie debi isch, mindestens min vater... denn cha sie au nöd e mega schnute mache.



lululuana  am 03.08.2012

Re: Wie teile ich die Verlobung der Schwiegermutter mit?

himbeeri, flicht chasch es ja grad irgendwie vrbinde...

zB.... mini Cousine isch glerti Beckkonditorin UND si cha nie irgendwo häre mit lääre Händ. De ha ig ihre aglüte und ha si so fräch gfrägt ob si nid luscht heige üs üsi Hochzytsturte z mache... es het no ä Momänt brucht bis z 20gi gheit isch und d Frag "für wän ä Turte?" abr de het si mega fröid gha.

Mi Papi isch bi üs uf em Balkon gsi und het dr Buch so usedrückt, de hani zu ihm gseit gha dass är jetz no äs halbs Jahr drzyt heig zum chlei abnä... uf d Frag wieso de hanim de gseit, dass är widr i si Schale ine passi...


meinsch nid, du chöntsch das bi dim Mami äbe mit dr Deko odr so chlei vrbinde?

Nume no so am Rande,wenn mier grad drbi si.... hehe
am Räschte vor Site vo mire Mam hei miers am 80. Geburi gseit vom Grosätti. Ig ir Tracht woni vo mim Grosätti z Wiehnachte ha übrcho (het mim Grosi ghört wo im Okt gschtorbe isch) was ihn eh mega grüert het a däm Tag... de het är uf die Tracht, uf z Grosi und si Geburi welle aschtosse de hei mier äbe no so schüüch drzuegfüeht... "und no druf, das mier im Septämber hürate!" Mier hei zersch Angscht gha dass si chönnte z Gfüehl ha mier welle üs i Mittelpunkt schtelle obwohl das ja am Grosätti si Tag isch gsi,abr är het gmeint das sig z schönschte Gschänkt gsi für ihn, dass är das no dörf miterläbe...



Daninici10

nicht registriert

am 03.08.2012

Re: Wie teile ich die Verlobung der Schwiegermutter mit?

Jöö din opa isch ja süess.
Tuet mir leid mit dim grosi Bi mir werded leider beidi omis nöd debi si. Sind beidi gstorbe und min opa wird zschlecht zwäg si

Min dad wird so reagiere: ihr müend spare, mer mue doch nöd hürate.

Und d schwiegermuetter wird sich nerve. Drum schick i d iladig denn mue sie nöd aluege



himbeer  am 03.08.2012

Re: Wie teile ich die Verlobung der Schwiegermutter mit?

hihi ja das isch herzig, so chanis sicher au mache... fröge öb sie mir nöd echt e deko chönnt mache und denn hinenahschicke dass sie für euses hochzig wär...



 1 2 3 4

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.