| Passwort vergessen?
Sie sind nicht angemeldet.  Anmelden
Wie und wann habt ihrs im Geschäft erzählt
 1 .. 6 7 8 9 10
06.03.13 16:29
malinchen 

Re: Wie und wann habt ihrs im Geschäft erzählt

Hallo zämä!

I ha ou e chliini Knacknuss was das ageit... Mir hüratä das Jahr Zivil und denn genau eis Jahr später machä mir ds Fäscht im 14i. Ds Zivilä isch üs nid soooo wichtig und mir wöis nur im chliinä Rahmä fiirä, drum hani eigetlech dänkt, dass mir denn eifach im Summer mol d STD verschickä und d Lüt drmit überraschä. Aber jetz muesis ja im Gschäft scho vorem Zivilä sägä wägä dr PK und all däm. Jetz weisi ou nid rächt wieni das söll astellä. Söui zum Chef ga und sägä: "I hüratä de denn und denn, chasch das bitte fang i mirä Akte apassä? Aber süscht niemerem öpis verratä!" Dä fragt sich ja mega... I möcht eifach nid, dass es scho alli wüssä, süsch touche sie plötzlech glich bim Standesamt uf zum Spalierstoh oder so. Das chöi sie gärn machä, sie wärdä sicher ou alli zum Apéro igladä - eifach ersch imnä Jahr!

06.03.13 17:41
Lula 

Re: Wie und wann habt ihrs im Geschäft erzählt

@malinchen: Wie guet hesch es mit im Chef? U wie machsch es de mit am Name? U süsch chasch ihm ja sicher erkläre, wieso dass de nit wettisch, dass es Diner Arbeitskollege wüsse. Oder de seisch es ihm ersch nach am zivile.


Bi aber gad säuber so chli ire komische Situation; ha ja im Januar e nöiie Job agfange, isch für mi aber meh e Übergangslösig, i wetti de uf e Mai/Juni umi gugge was im Büro ume isch. U da faht zProblem ah, mir wärde dIladige, Juni/Juli müesse verteile/verschicke, da mir bi de Obegäscht müesse wüsse wär übernachtet, wäg am Hotel.
Derte woni jtzte bi, weiss niemert dass mir nächst Jahr hürote, aber i muess mi nume mau verschnurre, oder Kollegin wo am gliche Ort schaffet. U wenn de de gad nöii afahsch, gad müesse/dörfe zsäge dass de hürotisch, reizt mi ebe ou nit so, aber später afaha, isch ebe nit viu besser...

06.03.13 22:58
malinchen 

Re: Wie und wann habt ihrs im Geschäft erzählt

I has guet mit em Chef, i dänkä i chönnts ihm scho sägä. Aber irgendwie ischs glich o komisch wenns numä är weis... U er isch ä mega Tratschtante, weis nid ob erde würklech chönnt uf ds Muu hockä. Mir si ä Zweigstell, i ha mir scho überleit i chönnts eifach gad direkt bim Personaldienst z Züri maldä. Aber när schickä die plötzlech äs Chärtli oder so ir internä Post u die angerä gsehs, de wärs o doof! I dänkä i säges de eifach churz vorem Zivilä, so max. ei Monet oder so...

Hmm, ja bi dir isch würklech o schwirig. I dänkä i würd mau abwartä u luegä ob dä gad ä nöii Steu fingsch. Wenn nid, chasch dir de immer no überlegä, dini jetzigä Kollegä izweihä. Chasch ja eifach fang sägä, dass de de hüratisch, we dir d Iladigä uselöht. Isch ja kes muss, d Arbeitskollegä izladä. Wenn de de plötzlech würdsch merkä, dassdä glich no lenger det bisch, chasch ja eifach ei Illadig a dis Team schribä oder so? I machä bi mir äuä o eifach eini für aui zämä, u nid für jedä einzu... De chönntisch ja im Notfau äs Spezialexemplar machä. Und am nöiä ort würdis eifach erwähnä wenns irgendwie gad passt. Meischtens wird mä ja de nachemnä Zytli vodä arbeitskollegä chli usgfragt, ob mä ä Partner het oder single isch etc. De würdi eifach sägä, dass de verlobt bisch und dir de denn hüratet. De chasch ja de ou immer no luegä ob de die nöiä Kollegä wosch ilade, wenn dse chli besser kennsch!

07.03.13 08:06
Bow 

Re: Wie und wann habt ihrs im Geschäft erzählt

I kenn mi Chef au scho länger und has im scho vor öpe 2 Monet gseit wos binere Kaffipause zum Gspröch cho isch. Isch also kei grossi Sach gsi. Und vo mine Arbetskollege hanis 2 Lüt verzellt, mit dene bini au süscht viel zäme, und de Rest hets denn so nebebi erfahre.

Hätt jetzt au no e chlini Froog: meinet dir das isch unfair, wenn i nur die 2 Arbetskolleginne zum Apero ilad und mi Chef nid?

07.03.13 10:57
elea 

Re: Wie und wann habt ihrs im Geschäft erzählt

nei bow, arbeitskoleg het vor 2johr au eifach nome öpe 5 vom gschäft iglade ond di andere ned. mer werde ke einzige ilade. öper änders bi eus het alli iglade.
das döfsch du so mache wis för de stemmt ond do döf au niemert igschnappt si!!!
wörd d iladige velecht ned grad ide kaffipause verteile sondern onder 4 auge! aber das esch scho oke so bow!

07.03.13 11:05
sonne13 

Re: Wie und wann habt ihrs im Geschäft erzählt

bow, ich teile d'meinig vo de elea und maches sälber au so. mir fiired eh nur im ganz chliine rahme, ohni apero usw. ich ha au nur mini beide beschte kollege vom team iiglade, die andere ned. ha ihne s'chärtli under 4 auge gäh. ich dänk ned dass die andere iigschnappt werded sii. ich bring denn es znüni mit für alli wenn ich säg dass ich wirde hürote. aber das goht jo no lang alli iilade isch nid in frog cho will mir bewusst nur die engste wend debii ha, und die beide au ned iilade hani au ned welle, will sie mir sehr wichtig sind und ich sie mega gärn a'dem tag debii hätt.

07.03.13 11:14
elea 

Re: Wie und wann habt ihrs im Geschäft erzählt

grad mol e frog a die wo förs gschäft no en chline apero werdet ge. wenn machet ehr de? vor de HZ? zwöschem zivile ond em cherchleche? oder erst wenn alles dore esch?

23.07.13 07:50
Sue87 

Re: Wie und wann habt ihrs im Geschäft erzählt

Auso ig ha es Znüni gspendet und dete usdruckti "Info-Bletter" mitemne Föteli vo mim GG und mir heregleit ufe Tisch und drufgschribe dasmer am 9. August 2013 zivil hürate und i nere e andere Nachname heig und eis Jahr druf de no kirchlich. Bi recht nervös gsi mache so Sache nid so gern
aber so hets mi no e gueti Art dünkt aui z informiere und ize wüsses emu alli

24.07.13 07:24
MsJenaya 

Re: Wie und wann habt ihrs im Geschäft erzählt

@elea mir hei sApéro fürd Arbeitskollege am Donnstig nach üsere Hochzyt gmacht. Mir hei denn no Ferie gha und üs hets dünkt das sigi grad gäbig.

I ha am Apéro es paar Föteli ufem Handy zeigt (vom Fotograf ufs Handy glade) und i ha mega freud a dene. Und es paar Tag später im Gschäft hani per Zuefall ghört wie sech zwöi underhalte hei und de het die einti gmeint:" Ja, sKleid isch halt 0815 gsi und dFrisur halt ou 0815". Da hani mi ächt grad mega ufgregt. I finde das voll drnäbe und amassend. Geits no? Es muess doch jedi Brut sälber wüsse wie sie a ihrem Tag wot usgseh und welles Kleid und Frisur ihre gfallt.

24.07.13 08:21
himbeer 

Re: Wie und wann habt ihrs im Geschäft erzählt

ich bi recht nervös gsi zums im gschäft säge will ich nur 4 mönet vor de hochzit en neue job agfange ha (bi no i de probeziit, haha) und d lüt halt au nonig so guet kennt ha. ich has denn de teammitglieder mal inere pause gseit wo mer grad uf das thema cho sind. denn es paar täg später hani mini chefin und ihri vorgsetzti im büro abgfange und gseit, ich müess ihne no öpis säge. die händ grad mega angst übercho wils gmeint händ, ich chündi oder so, haha... aber sie händ sich denn megamässig gfreut und sind mer um de hals gfalle, so herzig gsi. mini chefin hät sogar d wunschliste welle demit sie eus öpis cha schenke.

as fest ilade wotti zwar niemer, obwohl ichs mega guet ha mit dene allne. ich ha au denkt ich mach vorher oder nachher no en apero. vilicht lieber vorher will mir direkt nach de hochzit 3 wuche id flittis gönd, isches nachher nöd fast scho zspat?

 1 .. 6 7 8 9 10
Hochzeit   einladungskärtchen   freundschaftlicher   heiraten   Schwangerschaft   Ferienbesprechung   Geschäft   arbeitskolleginnen   Mitteilungsaktion   Hochzeitszeitschriften   Hochzeitshomepage   Gelegenheit   Flitterwochen   einfach   vorstellungsgespräch   selbstverständlich   Arbeitsverhältnis   schwanger   erzählt   arbeitskollegen
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!