| Passwort vergessen?
Sie sind nicht angemeldet.  Anmelden
Überraschung für die Hochzeitsnacht
 1 2
02.05.08 15:15
nordliecht 
Überraschung für die Hochzeitsnacht

Hallo zusammen

Diese heisse überraschende Idee für die Hochzeitsnacht, möchte ich euch nicht vorenthalten. Der Liebste wird Augen machen bei diesem Strumpfband mit meinem neuen Nachnamen.
Absolutes "must have" für mich, welches ich gleich bestellt habe

http://www.silkgarters.co.uk/mrs-persona...e-lace-20-p.asp

Griässli
nordliecht


miär freyid eys uif de 6. septämber 2008 :-)

02.05.08 15:42
coerry 
Re: Überraschung für die Hochzeitsnacht

Hi Nordliecht

wow, das fendi jetzt au en cooli Idee. Hesches denn scho bstellt? Weiss ned öb's bi mer no wördi lange met de Lieferig well i genau 2 Woche om die Ziit send mer eus grad s'Jo-Wort am gäh!!

02.05.08 16:41
nordliecht 
Re: Überraschung für die Hochzeitsnacht

habs heute vor einer stunde bestellt. ich weiss jedoch nicht, wie lange sie lieferfrist haben. da wir erst in 96 tage heiraten, klappt dies bestimmt. kannst ja kurz anfragen wegen den lieferfristen. vielleicht reichts ja noch. bei dem dollarkurs muss frau einfach zugreifen



miär freyid eys uif de 6. septämber 2008 :-)

05.05.08 08:19
smil09 

Re: Überraschung für die Hochzeitsnacht

@coerry
Häsch zufällig öppis usegfunde? I find die Idee au total lässig. Bi üs goht's aber au nur no 19 Täg. Die schriebed jo äs goht im Normalfall 3 - 5 Täg bis äs nur abschicked. I ha au scho mol öppis z'England bstellt und ha dänn über zwei Wuche gwartet bis äs cho isch. I weiss nöd öb da normal isch.

05.05.08 08:51
coerry 
Re: Überraschung für die Hochzeitsnacht

Hallo Smiley09

han das leider ned id Hand gnoh aber es het sech somit au erledigt bi mer. Mer send grad letschte Samstag nomol met de Trauzügen eusi Lokalität go aluegen ond mini Trauzügin het mer grad s'STrompfband gschänkt gha woni denn chan azieh!!
Corinne

13.05.08 20:19
hubi09 
Re: Überraschung für die Hochzeitsnacht

Du ä anderi frag vo wo bisch du, dinä Dialekt chunt mir bekannt vor!!??

13.05.08 22:04
taschi 

Re: Überraschung für die Hochzeitsnacht

Wow, cooli Idee...

Bin miar au grad am überlegga ob i für mi so as Strumpfband söll bstella. Aber as sind eba Pfund und nid Dollar Kostet denn schnell grad CHF 50.00 Aber eba: Man gönnt sich ja sonst nichts

Aber as wär uf jedafall a schöns Erinnerigsstuck und ma dörfs halt denn nid unter da Jungsella versteigera.

Gruass Taschi

...weil es Liebe ist... wir heiraten am 06.09.08

28.05.08 11:06
jeannine79 

Re: Überraschung für die Hochzeitsnacht

@nordliecht
hesch du dis strumpfband scho übercho?
i han mir itz au grad eis bstellt, bin ja sooo gspannt

30.05.08 13:59
Passion 

Re: Überraschung für die Hochzeitsnacht

Hallo zäme

Ig ha mir dasStrumpfband mit Name o bstellt. Has nach 10 Täg übercho. Äs gseht sehr härzig us und ig finges sehr speziell.

Leider isch dr Schriftzug mit em Name chli schreg ufgstickt, aber das gseht mä gar nid guet und ig finges itz nid so störend. Ufem Bild im Internet hets mir aber no chli besser gfaue. D Farb vom Schriftzug und d Rüscheli si nid ganz glich, trotzdem gfallts mir guet.

Chas nur witerempfähle, finges ä cooli Überraschig. Hoffe de mit Zuekünftig freut sich drüber

Grüessli
Passion

...wir trauen uns am 14.08.08 und 16.08.08...

11.06.08 08:38
taschi 

Re: Überraschung für die Hochzeitsnacht

Hallo zusammen!

Habe heute mein Strumpfband auch bekommen! Es sieht hammermässig aus! Habe es am Samstag vor einer Woche bestellt und heute war es schon im Briefkasten! Mich nimmt es ja wunder, was mein Mann dann sagt, wenn er es sieht!

Danke Nordliecht für den guten Tipp!!!

Gruass Taschi

...weil es Liebe ist... wir heiraten am 06.09.08

 1 2
Überraschung   versteigera   witerempfähle   Erinnerigsstuck   überraschende   Hochzeitsnacht   Überraschig   Schriftzug   mrs-persona   nordliecht   vorenthalten   Strumpfband   dasStrumpfband   STrompfband   Briefkasten   silkgarters   lieferfrist   lieferfristen   e-lace-20-p   hammermässig