| Passwort vergessen?
Sie sind nicht angemeldet.  Anmelden
August Bräute 2015
 1 2 3 4 5 .. 12 .. 19
06.10.14 17:54
xmischii 

August Bräute 2015

Hallo zäme

Ich han emal wellä luege wievill August-Brüüt mir im 2015 sind

Zu mir: Mir händ eus im August 2014 verlobt, am 15.8. machemer s Zivile und kirchlich am 22.8.2015.

06.10.14 21:28
Aislinn 

Re: August Bräute 2015

Hey xmischii =)

Mir werded Au im August 2015 hürate, zivil ebenfalls am 15.8.15 in Winterthur und Fest mit freie Trauuig am 22.8.15 :)

Wo hürated ihr und was händ ihr scho alles? :)

Lg aislinn

06.10.14 22:55
xmischii 

Re: August Bräute 2015

Hey Aislinn

Hihi, genau die gliiche Date :)

Mir hürated z Züri. Zivil im Stadthuus im engste Chreis.
D Chile isch am Stadtrand und go ässe gömmer wieder zmitzt id Stadt ines Zunfthuus.

Organisiert isch:
Chile mit Pfarrer
Abiglocation
Fotografin
Coiffeur
STD sind abgschickt

Als nächsts staht ah:
Transport
Apéro
Homepage

Wie händ ihr scho plant?

08.10.14 11:28
fabienne.menz 

Re: August Bräute 2015

Hallo zäme

Mer hürote am 08.08.2015 zivil. Mer hürote nome Zivil aber in wiiss ond met Fest.

Euse aktuell Stand esch:

Organisiert:
Schloss
Standesamt
Apéro
Location Abend
Coiffeur + MakeUp
Farbkonzept

Akuell semmer ade Iladigscharte. Händ de text jetzt afig mol gfixet ond düend den i de nöchste Täg mol bstelle.

Wenn verschecke der d Iladige?

Als nächst chonnt:
2. Rondi Kleidsuechi
Blumen

LG Fabienne

08.10.14 11:45
xmischii 

Re: August Bräute 2015

Mir verschicked eusi Iladige ersch mitti Februar. Will mir ja scho STDs gmacht händ, hämmer dänkt langet 6 Mönet vorher.

Ich weiss aber nöd bis wänn ich d Ameldefrist söll setze. Uf wievill vorher mached ihr das?

lg mischii

08.10.14 13:46
fabienne.menz 

Re: August Bräute 2015

Ech ha jetzt mol so dänkt, dass mer d Iladige zwösche Wiehnacht ond Neujohr düend verteile ond verschecke. mer händ kei STD's gmacht..

För die gladene Gäscht möche mer glaub Ändi März ond förd apero-Gäscht Ändi April.. Düend ehr die au lo amälde?

08.10.14 15:21
xmischii 

Re: August Bräute 2015

Ja, d Apéro-Gäst sölled sich bi eus au amelde. Bi eus isch d Chile rächt eng und ich wet drum wüsse wen ich fröge, ob sie "nur" würed uf dä Apéro cho, aber nöd id Chile. Ich weiss dasses für die einte keis Problem wär wägem vor dä Chile warte, aber wänns dänn dinne no vorig Platz het, dänn chönnds ja glich au inecho.

08.10.14 15:26
fabienne.menz 

Re: August Bräute 2015

Ah so.. Mer händ för Trauig nome die gladne Gäscht debi. De Apéro esch nochär ned bim Schloss, sondern bi sinere Familie ofem Hof ond mer düend id Chärtli schriibe, dass d Apéro-Gäscht grad sölled diräkt zom Apéro cho. So müend sie ned extra zom Schloss fahre nome zom cho spalier stoh.. Vellecht gets de gliich dere wo das mached, aber de fendi das de ned so tragisch.

08.10.14 15:27
fabienne.menz 

Re: August Bräute 2015

Händ ehr euchi Kleider scho? ond d Ring?

08.10.14 16:18
xmischii 

Re: August Bräute 2015

Fürs Chleid hani im Januar dä Termin. Han unbedingt zersch wellä ad Hochziitsmäss z Züri, drum hani dä Chleiderchauf dänn uf es Wuchenend spöter terminiert :)
Um d Ring hämmer eus nonig gross kümmeret. Ich han ersch die Wuche agfange luege was mir chönnti gfalle... Wänns öppis hät, chaufed mirs aber dänn im Zett Meyer.

Was möchtet ihr für Blueme? Gits öppis wo speziell Saison wär im August?
Häsch du d Ring scho, fabienne?

 1 2 3 4 5 .. 12 .. 19
Tischdeko   bestellt   Location   Pfarrer   tätschmeisterinnen   bstellt   Zoneprinzessin   Organisiert   Hochziitsreise-Spezialist   Fabienne   Trauung   Schlechtwetter-Fotoshooting-Location   Schlechtwettervariante   Freudentränen-Taschentuch   Ehevorbereitungsverfahren   Schönwetter-Fotoshooting-Location   einfach   Buttercreme-Himbeer-Füllung   Iladige   Wunschbuech
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!