Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   August Bräute 2015
August Bräute 2015
 1 2 3 4 5 .. 12 .. 19
xmischii  am 10.10.2014

Re: August Bräute 2015

Ich finds au schöner, wännd Hochziitsgsellschaft unter sich isch... :)

Ich bhalte d Auge offe, fabienne. Im Früelig gits dänn sicher wieder öppis i dine Farbe!



Snin  am 12.10.2014

Re: August Bräute 2015

So han au wieder d Zyt gfunde zum schriebe...

Wägem Transport wäri mehr fü uns als Brutpaar, will dye meischte Gäscht alli mit em Auto arreise wärdet ( do sind mr no am luege öb si grad bi d Location parkiere und de vo dört us id kirche und wieder zrug gön oder bi d kirche parkiere und de zur lokation fahre)...

Mir wärde worschinlich Novämber 15 oder Januar 16 id Flitterwuche go, halt den wenn dye bescht Reisezyt für unser Reiseziel isch, aber do müen mr zerscht mol no luege wo mr hi wänd... isch so schwirig will so viel schöni Örter git...

Wo gönd ihr euri Ringe go kaufe (oder wo händ ihr dye kauft)?



Zoneprinzessin  am 13.10.2014

Re: August Bräute 2015

Hoi Snin

Mir hend gad am Weekend üsi Ehering bim Juwelier Grundmann in Konstanz kauft. D Beratig isch super gsi und mir hend eus sofort inen Ring verliebt. Weiss halt nid i welere Region du suechsch?

Gruess Zoneprinzessin



xmischii  am 13.10.2014

Re: August Bräute 2015

Für eus als Brutpaar het ich gern en Oldtimer, aber mal luegä wos das überhaupt git und wievill das choscht...

Mir gönd bim Zett Meyer im Glattzentrum go luege wäg dä Ring. D Uswahl söll anschienend rächt gross sii?! Wievill vorher mached ihr das?



Shira  am 13.10.2014

Re: August Bräute 2015

Mir hend eusi Ring i de Acredo Lounge in Wädenswil kauft (sie hend det gad no 10% Rabatt gha) Sind mega guet berate worde und hend super schöni Ring kauft. Vorteil isch das jede Ring so chasch verändere und gstalte wie du wilsch, das heisst zb. ich han jetzt eher chli en schmale und min GG chli breitere Ring.

Mir sind gad momentan chli am luege weg eusne Flittis, mir wend zerscht ca. 7 Täg uf Südafrika Kapstadt, Tafelberg Safari ect. und den no ca. 10-12 Nächt uf Mauritius. Chan öpert e guets Reisebüro empfehle? Mir hend jetzt mal bi Honeymoontravel agfröget anschienend seged die super mit Priis/Leistig und spezialisiert für Hochziiitsreise. Het öpert Erfahrige?



Snin  am 13.10.2014

Re: August Bräute 2015

Viele Dank für die Infos beträffend Ring

Ich muess glaubs eifach mol chli go luege wäg d Ring, mir wärde das aber erscht im nächschte Joor mache. Vo d Region wärs halt z Fricktal/Basel, aber für es paar schöni Ring mach i au gärn mol e Usflug


Bezüglich Transsport, hätte mr jetzt en tolle Oldtimer gfunde, aber für das mr eigentlich nid so wyt und viel fahre sind mir uns nonid sicher öb mr de nähme...

xmischii:Ich kann dr sunscht schrieb, wo i de gseh han aber er isch halt vo Basel...



xmischii  am 14.10.2014

Re: August Bräute 2015

@Snin: Danke für dis Agebot, ich chämt wieder druf zrugg wänn ich im Ruum Züri nüt wür finde. Ich dänke s wird mi wahrschindlich meh choschte, wänni eine vo Basel muen cho lah :)

@Shira: Betreffend Hochziitsreise-Spezialist chani dir leider kein Tipp gäh. Mir werded das mal über min zuekünftige "Schwager" mache ;)



Diani02  am 14.10.2014

Re: August Bräute 2015

Hallo zäme

Mir hürate am 14.8.2015 zivil - so färn ig de im Februar ds Datum bim Zivilstandesamt Bärn cha reserviere Die chrichlichi Trouig unds Fest isch de füre 5.9.2015 planet. D Location fürds Fest u ds Chleid hani bereits... wyter bini o no ar Adrässliste fürd Iladig wo mir de afangs 2015 verschicke. Wie u wo heit dir euchi Iladige usgsuecht? und no e Frag zur Chile, wie wyt im Vorus sett me die bueche? Mir hei dänkt bis Ändi 2014 längt...? So richtig bini nonid im Planigsfieber - es geit ja ou no es Zytli

bi gspannt ufd Diskussione mit euch!
glg



fabienne.menz  am 14.10.2014

Re: August Bräute 2015

Hallo Diani

Härzlech Willkomme

Mer händ eusi iladige von bonnyprints.ch. eus händ die am beschte gfalle ond vor allem händ die s eint oder andere chärtli wo i euses Farbkonzept passt. Ha sie letscht Woche gmacht ond bstellt. ond höt hani s mail öbercho, dass sie jetzt produziert wärde ond nochär verscheckt. set sie aso nöchst Woche scho ha. freue mi mega druuf.
Verteile düemer sie de so ca. zwösche wiehnacht ond neujohr. mer düend nome die met de poscht verschecke wo mer ned soo hüüfig gsänd onder wiit wäg wohne.

zo de Chile chani der leider kei tipp gäh, mer hürote nome zivil.



xmischii  am 14.10.2014

Re: August Bräute 2015

Hoi Diani02, au vo mir herzlich Willkomme bi eus :)

Mir händ eusi STDs sälber gmacht und au d Iladige machemer selber, das isch aber eifach bruefsbedingt. Chan also nöd gross witerhelfe was bstelle abelangt und wos schöni Sache git ;)

Bi dä Chile chunnts ganz druf ah ob ihre e bestimmti Chile händ won ihr unbedingt hii wännd oder obs eu nöd sone Rolle spillt. Mir hettet gern d Chile gha wo mir vo eusem Stubefenster us gsehnd, aber die händ scho irgend en Alass und drum händ mir die nöd chönne ha. S isch es bitzeli en Afangs-Dämpfer gsi und ich han dänkt - fangt ja scho guet ah... Aber jetzt hämmer en alternative gfunde womer beid au meh als zfride sind :D Lange Rede kurzer Sinn... Wänner öppis bestimmts wännd find ich je früener desto besser und susch chamer sich no guet Ziit lah.



 1 2 3 4 5 .. 12 .. 19

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.