Wooow... wörkli mega schön! ond de priis esch wörkli de Hammer!

mer händ eus au för rotgold entschede. das för eus eig. scho emmer klar gsi. aber wohrschiindlech in kombi. met gelbgold :-)

mer händ eusi au nonig. ha grad die woche e termin gmacht för im Januar zom en ring go ussueche freue mi mega druuf

die woche hämmer no de termin bim bäcker gha wo eus de apero macht. mer zahle jetzt 12.- pro Person ohni Getränk. Getränk chöne mer sälber diräkt bim Lieferant bezieh. Dänke, so chöne mer au no de eint oder ander Franke spare. sosch het mer vell die Restaurant-Priise bi de Getränk.

nöchst woche goni nomol is bruutmode-gschäft. hoffentli fendi den öpis. be aber ganz zueversichtlich

• Zitieren

Hoi Fabienne

S Kleid ussueche isch für mich s Highlight gsi. guet bin au Extra uf London gange mti 3 Kolleginne isch soooo lustig gsi.

Ich han echt mega froid a de Ring. S Kleid hani au scho und chas chum erwarte bis ichs endlich chan go abhole

Defür hani no kein Caterer für de Apero, han jetz mal eine agfröget. Mal luege.

E schöns Weekend.

• Zitieren

Hallo mitenand
Do i neu do bin, ha i denkt i schrieb eifach mol. Hey, mer hüroted i DEM Johr, guets Neus allne :-)

Mer werded am 14.8. zivil und denn gad am 15.8. kirchlich hürote. Und i mag fascht nüme warte. Mengmol cha i amel fascht nöd iischlofe, wil i die ganzi Ziit über irgendwelchi Details am nordenke bin. I hoffe i bin do nöd die Einzig?

Unterdesse hend mer d'Kirche, dä Pfarrer, Caterer, Location am Obed, DJ, Fotografin, mis Bruutkleid (s'dritte Kleid wo i agha ha, het i am liäbste nüme abzoge *g* und jo, fabienne.menz i ha dä Unterrock grad döt kauft), d'Ring und d'Iiladige hend mer jetzt grad verschickt.

Was ich mer oft Gedanke mache, mer würded gern äs chliises Gastgschenk schenke, wo denn aber gliichziitig au grad s'Tischkärtli isch. Sött aber öppis zum bruuche (z.B. zum esse) sii, nöd dass äs denn bi üsne Gäst dähai eifach verstaubed und gliich au nöd all zu tüür. Was mached ihr do so? Hend ihr Idee?

Liebe Gruäss

• Zitieren

Hey Zoneprinzessin
Danke viel mol für diä schnell Antwort. Das mit dä selber brennte Mandle find ich öppis ganz schöns, so hät das ganze gliich au no öppis persönlichs und sind nöd eifach "nur" kaufti Zuckermandle.

• Zitieren

Hey Fabienne
Jo, Gwürz das wär au no ä guäti Idee und do chönt mer jo sicher au selber öppis mische. Muäs i denn gad mol is Internet uf d'Suechi.

Mer werded ä mehrstöckigi Torte ha. I find ä Torte ghört scho däzuä, aber selber bi i eigentli gar nöd so än Torte-Esser. I würd am liäbste au ä chliini Torte mit Dessertbuffet mache. Aber do da Maa vo üsere Trauzüügin Beck-Konditor isch möcht er gern für üs diä Torte selbermache und do cha mer eifach nöd Nei sägä und isch jo denn au wieder öppis speziells.
Demfall no viel Glück, dass din Zuäkünftige sich mit dere Variante iiverstande erklärt - mengisch bruuched d'Männer doch au eifach chli Ziit zum sich a so än Gedanke z'gwöhne ;)

• Zitieren

Hoi Phoebe7! Herzlich Willkomme da bi eus August-Brüüt!

Eusi Gastgschänk werdet au so Sälzli wied fabienne.menz scho postet hät :)
Sind dini Gläsli scho cho? Wie sinds? Bruched ihr die au grad als Namenstäfeli-Halter uf dä Tisch?

Mir händ e Turte. Am liebschte hetti e 3-stöckigi und dezue oder eher vorher gits eifach no en Dessert, aber keis Buffet, das wär mir dänn zvill.

• Zitieren