Hallihallo mitenand! :)

Hihi gester hani mi GG chönne vom flughafe abhole – er isch gschäftlich paar täg in köln gsi anere mäss :) immer wider schön, wämer sich wider chan in arm schlüsse ;)

@malinchen: danke fürs komplimänt für d’iladige :) jo wäg de kollegin isch ächt chli speziell.. han si jetzt um en ussproch bittet allerdings ned nur wägem hochzyt sondern generell! Mol luge wie das wird.. mage so ächt langsam nüme :( hoffe d OP vo dim GG isch guet gange alles?

@fara: jo isch ächt müehsam aber jo was wetsch gäl… si isch leider scho immer superkompliziert gsi :/

@nala: cooli idee wägem 1. August hehe :) dänn hettet ihr würkli s’füürwerk gratis dezue ;) de einti im gschät häd das au so gmacht! :) und so händer dänn a öichem hochzytstag immer frei ;) häd de 1. August (usser em geburi vo de schwiz ;) dänn au en bedütig för öich? Hehe s’montana & s’hermitage isch beides super zwar beides tüür aber tant pis ;) wievil gäst wärdet ihr si? mir werdet ebe im montana de grossi saal also de restaurant saal ha SCALA =) händ öis eifach i de verliebt und will mir öbe 80-90 lüt sind lohnt sich das wäg de mindestkonsumation.. jo ich finde die 10 minute chönd d’lüt doch sälber fahre – wäge parkplätz müesstmer dänn halt luege aber do chönd sich d’lüt jo au organisiere oder ned? hey das isch jo witzig ;) mir wohnet au ned in luzärn sondern in aarau – ich bin aber ursprünglich us luzärn und min GG us basel ;) händ öis aber in luzärn inand verliebt & öise 1. Kuss in luzärn am see gha hehe sprich häds för öis en bsondrigi bedütig z’luzärn am see z’hürote ;) mir werdet standesamtlich au in basel mache und ebe s’fest in luzärn haha so lustig :p demfall chasch du mir sicher chli tipps zo basel gäh – wie isch s’standesamt so? händer de termin scho? :) danke jo ebe findes au voll denäbe und drum wämer das au ned… oh mega schön din atrag hihi hammer! =))) puh das findi also au no happig de pris vo de theologin! Drum sindmir ebe am luege wägenere günstigere lösig händ jetzt wahrschindli eini :) en bekannti vom GG sim mami sich theologin und würds mache :) pris weissi nonig aber sicher kein schlächte ;) (hoffi emel !)

@pfingstrose: ahe ebe de strichcode würd mi ebe uf farbige couversts glaub störe.. aber s’git jo au sust schöni briefmarkene ;) hey cooli idee mit erst ade wiehnachte säge! :))

@lula: danke dir! :) danke öich allne för die liebe wort! Jo ebe s’verstoht niemer.. aber werdets so mache wie gseit apéro ok obig nei.. finde au klar si chönt die chli am obig am grosi abgäh… naja.. wägem standesamt: isch ebe würkli en mega doofi regelig das! aber ich lüte eifach so ändi monet wider a ;) haha han grad en fiisi idee gha :p chönt doch paarne lüt säge si sölet fiktiv alüte und dänn wänn so vil aglütet hänäd bisi zo mim wunschtermin chume chönds alli wider absäge haha weisch wie? :p hehe nei aber isch jo würkli doof das! er isch rächt dütlich gsi vowäge si düeget sowiso iheimischi bevorzuge und so… debi häd mi GG bis vor kurzem in basel gwohnt!!

@janedore: ah schön das fröitmi z’ghöre! =) ganz bestimmt findsch du dis traumchleid! =) <3 puh ebe s’gsehnd ächt alli glich mit de kollegin – i dem fall isches def. si wo falsch ligt.. aber schad muessi überhaupt über so sache diskutiere! Danke fürs komplimänt wäg de iladig :) oooh mega schöns foti hihi jöö :) und das bi räge hammer! =) händer en gueti fotografin verwötscht ganz geil! =) gsehsch bisch för nüt nervös gsi ;) und hey voll im räge isch doch mega romantisch ;)) haha jo ich kenne RIO mega süesse film haha so härzig wägem spruch ;))

@lula: wow das isch jo ächt mega wenig für de florist hammer gratuliere zo dem schnäpplipris! =)

@pricana: ah super häsch di grad wider getraut! :) ich has hüt no mängisch dassi so schockmomänte han aber ebe fahre au sehr gärn und vorallem au sehr vil auto (au gschäftlich) und daher häd sich das scho lang wider gleit :) gseh si am MI inere woche aber en ussproch cha si dänn ned mache will si zitlich igschränkt isch also erst amene samstig mol zum brunch (hasses mi immer ihre müesse azpasse nur will si jetzt es chind häd!! E chli isch jo ok aber so?) jedefalls chani doch dänn ned eifach so due als wär nüt wämer öis gsehnd sicher voll schreg?

@AYANA: härzlich willkomme & vil spass bi de hochzytsvorbereitige! :) oh und jetzt hani grad no gläse dass du schwanger bisch hihi jöö gratuliere vo härze! =)

@kleinefeder: jöö ganz schön de struss vo dim GG :)

@sue: woow das isch jo ächt en hammer pris für d’cupcakes torte mega super! =) oooh und de bluemestruss isch jo mega!! =) d’eva longoria findi sowiso eini vo de schönschte fraue öberhaupt also gueti kombi :p so öbis würd mir au mega gfalle – aber mit orchidee in coral wär voll geil =)

@taeboyana: oje hey gueti besserig mit dinere bloseentzündig!! Vil spass bim chleider aprobiere! =) ah gseh das isch jo scho hüt gsi :p demfall bini gspannt uf din bricht! =)

@bibi: welcome und gratuliere zum atrag! =)

• Zitieren

@Janedoe: Sooo es schöns Föteli!! Finde d Stimmig im Räge o ganz bsungers und tröschte mi immer drmit, dass wenns a üsem Hochzit sött schiffe, me wenigstens so härzigi Fotos mitme Schirm chönnt mache

@sasileu: Mega härzig was baschtlet hesch! I wetti so Güezi i Brutchleiderform (für d Froue, u für d Manne i Form vore Hochzitstorte) für jede Gascht bache und vrziere für ufe Platz. Ha äxtra so Förmli bsteut und hüt si sie cho!!

@malinchen: I dänke o so "Vrschnufpouse" darfsch du dir absolut leischte, heit ja scho so viu. Wie geits dim GG?

@Sue und Pricana: schön isch me nid älei mit däm Lide… i ha leider ke würklechi Lösig. Wägbringe duenis normalerwis scho säuber, aber äbe dasmau het nüt meh gnützt. I wett eigentlech voraue wüsse, wienis cha verhindere, aber i ha scho aus probiert. Itz het mir dä Urolog gester vrzeut, dasses en Impfig git, wo die meiste Froue när für immer Rueh hei!!! I söu mer das mau überlege. Wär ja dr Himu uf Ärde!!

@me: I ha mis Troumchleid gfunge und gad kouft Es isch sooo schön gsi hüt. Mini 4 Froue si so härzig gsi und vor auem mis Mami het gfunge, i wärdi sooo e schöni Brut und het fasch Träne ide Ouge gha I bi ja im Tessa & Thomi z Thun gsi und am Nami no zRiggisberg bi Hostettler Mode. I mues säge dass mir d Bedienig im T&T viu sympathischer isch gsi und sie o sehr gut usegspürt het, was mi steit u gfaut. Aber ds Chleid hani du doch zRiggis kouft. Es isch würklech genau wasi mir ha vorgsteut, mit Neckholder und chli Perlestickereie und am Buch so chli asymmetrisch grafft. Und mit de Änderige 180.- überem Budget, wasi ok finde. Bi u happy dassi mis Chleid ha gfunge und vor auem dä Tag guet ha möge dürestah - gester Abe hani mi nämlech richtig chrank u fiebrig gfüut u vom Antibiotika hani so Chopfweh becho und ma chum ässe. Drum isch d Vorfreud gester no seh dämpft gsi und i ha eifach nur ghofft, dasses hüt geit… Woni de im 1. Lade bi gstange und begriffe ha, dasses jetz würklech losgeit, isch mis Chopfweh und Übukeit wie verfloge gsi Itz füehli mi no nid top, aber es geit ämu besser as gester und er Blase geits wieder rächt guet, die Medis wirke mega schnäu!

So, sorry für dä lang Bricht und Ego-Post Aber i ha so Fröid!!

• Zitieren

Liebe 2014 Bräute

Ich habe bereits diesen Sommer geheiratet und mein Brautkleid würde sich wahnsinnig freuen eine neue Braut so glücklich zu machen wie mich.

- Designer-Einzelstück, 2013
- Farbe: weiss
- Grösse: 38 (aber da Rücken geschnürt passend für Gr 36-40)
- Ich bin 168cm und habe das Kleid mit 5cm Absatz getragen
- Material: Taft, schöne Struktur, Rücken geschnürt, dezente weisse & transparente Stickereien, Perlen & Glassteine
- Hochwertige Verarbeitung: diverse Lagen Stoff geben dem Kleid schönes Volumen, im Brust/Taillenbereich besonders schön verarbeitet / vorgeformt / Stäbe / Polster etc. (keine Korsage notwendig!)
- Die Schleppe kann mit einem (unsichtbaren) Knopf hoch gehängt werden.
- Das Kleid ist frisch gereinigt
- INKLUSIVE Unterrock und Stola
(auf Wunsch gebe ich noch die getragenen & gereinigten Stay-up Strümpfe in weiss mit Perlenapplikationen mit dazu)

CHF 950

Mehr Fotos kann ich gerne per Email senden. Das Kleid kann in Zürich anprobiert werden.

Bei Interesse bitte PN senden.

• Zitieren

@sasileu: Mues die Güetziförmli mau fötele, i ha grad sones "wedding cookie cutter" set bsteut hie: www.kitschcakes.ch Bi vou Fan vo dere Site und ha o mau e Cupcakes Dekokurs bi ihre gmacht. Dert bechunnsch aus!
I würd die Güetzi chli im Vorus bache u de igfrüre u de so 1-2 Tag vorhär nur no dekoriere. Das sött guet machbar si und i maches äbe u gärn.

@Sue: Hey wow, die Site vo dire Kollegin mit de Cupcakes mues ig mir unbedingt aluege!! I wett ja o soooo gärn e Cupcakes Torte, aber d Prise vo Cupcake Affair findi eifach scho chli too much! U Kirchbärg wär ja für üs nid ab dr Wäut...

@Pricana: I findes haut eifach frustrierend, weme aus macht, zum e Blaseentzündig zverhindere u zum Teil o no so guet gmeinti Ratschleg bechunnt, wo leider bi eim säuber eifach nüt nütze. I wüsst nüt speziell wäge Näbewirkige vo dere Impfig, i dänke das chunnt o drufa, wie du süsch uf Impfige reagiersch. Me müess eifach 3 mau imne gwüsse Abstand ga impfe. Mi GG isch sofort drfür, dassi das mache

Mir hei o ke Homepage und plane gloub o keni. Aber we mir d Flitterwuche würklech über Globetrotter bueche (so ir Art vore Wunschlischte, wome einzelni Sache cha dra schänke), de mache die eim gloub sowieso eini. U de fändis chli doof, 2 HPs zha... Hehe aber die Angscht, dass es äng wird mitem Text wo uf d Iladige sött Bi üs chunnts chli drufa, wenn asmer d Iladige für die gladne Gescht defintiv uselöh. I hätts no schön gfunde, uf Wiehnachte, aber wüu mir ja STD hei gmacht, wärs fasch chli früeh... wemer se aber würklech scho denn würde uselah, fändis für d Apérogescht definitiv no zfrüeh. Mir si das Jahr amne Apéro Mitti Ougust iglade gsi und hei d Iladig im Juni becho.

@aui: I warte no druf, dass mir d Schwoscht vo GG ihri Natelfotos schickt, de chani hoffentlech hüt Abe eis ufelade. Aber i mues ganz ehrlech säge, dassis in ächt viu schöner ha gfunde, ases ufem Foto usgseht

• Zitieren