Hoi zäme

malinchen: So kuul wäg dem DJ! Und defür sehr unkuul wäg dinere Schwögerin. Ich verstah das voll nöd, dass mer eifach wett en Babysitter as Fäscht ilade. Chunt mer chli ine, als wür mer de Föifer und s Weggli welle. Ich meinti au, dass das nöd nötig isch. Wänn sie offesichtlich i dem Gotti öpper händ, wo sie vertraued, dass mer ihne d Chind zum hüete chan geh, dänn chönds sie doch zu ihre bringe.

Pfingstrose: Gschirr für d Bluemedeko isch au e mega schöni Idee!
Ha mi jetzt au mal id Gwundernaselischte itreit.

Sue: Du häsch rächt mit em bätte. Ich glaub, ich sött das au so handha. Bis jetzt muessi säge, händ sich di andere zum Teil au sehr schwierige Entscheidige, woni han müesse träffe, im Nachhinein als genau richtig use gstellt. Di ganz Situation isch für min Glaube natürlich e mega Useforderig. Aber bi so Sache hani dänn amel doch stark de Idruck, dass Gott mich/eus füehrt.

Das mit de guet gmeinte Ratschläg känni au. Meischtens störts mi nöd mega. Aber dänn, wänn öper chli de Idruck macht, als würder dänke, mer chöngi Chräbs mit de richtige Ernährig weg bringe, dänn scho. Wobi's scho au vo seriöser Siite Hiwiis git, dass gwüssi Läbensmittel besser sind als anderi.
Ich han eigetli eifach ei Fründin, wo mi mit ihrer Haltig und ihrne Ratschläg oft sehr verletzt hät. Da bini zimli uf Distanz gange und weiss au nonig, öbi sie ev. gar nöd as Hochsig ilade. (Was allerdings chli schwierig isch, wil sie zunere Gruppe ghört, wo für eus suscht klar isch, dass alli iglade sind (Trauig und Apero zumindest).) Ich würd sie demit wahrschinli uuu mega verletze. Aber euses Hochsig wird für mich en sehr emotionale Tag sii au in Bezug uf mini Chrankheit, da weissi nöd, öb ich sie möcht debi ha.

Wäg de Babies würdi mir au eifach überlegge, öb ihr das möchtet oder nöd am Fäscht und dänn klar kommuniziere. Ich dänke, es git aber halt scho au es Alter, wo d Chind no würklich uf s Mami agwiese sind und nonig chönd z lang vo öper anderem ghüetet werde.

squishy: Genau, ihr chönd bim Shooting dänn eifach usprobiere. Find die Brugg würklich super, wil ihr so zwei mega schöni Optione händ. Chunt guet!
Wäg de Offerte findi, muesch der absolut käs Gwüsse mache. Klar, es isch en Ufwand, so eini z mache. Aber es isch doch au e rächti Stange Gäld, wo mer da für es Ässe, en Apero, aber au en Fotograf, DJ, und so wiiter ligge laht. Da isch es völlig legitim, es Agebot guet z prüefe und au Alternative z sueche und abzwäge.
Bin froh, dass es zahmässig ufwärts gaht für dich.
Ikea wär au en Option für günstigi Vase, stimmt. Wobi d Fläschene no günstiger wäred. Aber ev. au e Kombination. Chenti mir au vorstelle.
Mini Eltere (und au d Grosseltere) sind würklich sehr grosszügig. Mir chönted eus suscht vili Sache für s Hochsig nöd leischte.

Lula: Han es Bild gfunde vo Ring, wo ähnlich sind wie die, wo mer gester gseh händ. schmuck-mann.de/wp-content/uploads/2012/06/Mattierung-Eismatt-585er-GG-m.jpg
Eher so chli vo de schlichte Sorge. Würded eus aber gfalle. Mir lueged sicher no chli wiiter ume. Aber dass es eher sone ufgrauti Oberflächi söll sii und nöd so glänzig, das staht glaubs scho zimli fescht. Hät sich ämel so usekristallisiert, au wo mer vorher eus scho chli Gedanke gmacht händ.

janedoe: Grundsätzlich bini mega froh, as Unispital gwächslet z ha. Sind sicher di kompetäntere und erfahrenere Lüüt det. Und das isch mir sehr wichtig. Aber gwüssi Sache sind zum Haare raufen.
Tuet mer leid, dass du Migräne häsch. Das glaubi dir, dass dir das s Läbe schwer macht!

me:
Pasta: Danke für eui Rückmäldige wäg de Pasta. Mini Eltere händ chli verhalte reagiert, wo mir's ihne mal verzellt händ. Aber vilicht au, wil sie dänn eher so a Spaghettiplausch mit nur halbe feine Tomatesauce, Bolognese, Carbonara und Pesto dänkt händ.
Mir lueged mal. Aber klar, es muess ja zu eus passe (und solang das nöd e totali Zuemuetig für eusi Gescht isch, isch es sicher ok).

Fläsche: Ihr händ scho rächt, malinchen und Pfingstrose, dass mer das au sälber chönt sammle. Ich bin glaub eifach en fuule Sack. Muess mer's aber namal überlegge. Fänds ebe glich no kuul, wänn d Fläschene alles di gliche wäred, bzw. d Tisch alli glich dekoriert sind (usser vilich euse - de dörf gern no chli kuuler si *gg*). Aber grad die Tomatesauce-Dinger chönt mer würklich mal afange ufbhalte. Je nachdem bringi vo dene doch einigi zäme.
Bstelle würdis, fallsis würd bstelle, vo flaschenbauer.de . De hät jenschtes so Fläsche und Konservierigszügs.

Han, bevori uf d Fläschenidee cho bin, au mal dänkt, vilich id Brockis z gah und immer wieder Vasene abzstaube, grad au so chli älteri mit vilicht ja no chli Vintage-Feel. Dänn würds aber natürlich nöd uf jedem Tisch glich usgseh. Wär aber ev. au no kuul.

Chleid: Danke eu für de Hiwis, dass mer das jederziit chan lösche. Hani gester nöd gschnallt. Also, dänn auf ein Neues...

tadaaa!

• Zitieren

Pfingstrose: Danke! Wäg em Gürtel bini nonig sicher. Er isch mer spontan chli z dunkel xi. Wett doch in Wiiss hürate. Han au no zwei anderi Gürtel aprobiert (aber ohni fötele), en wiisse und en bäsche. Ich bin no unsicher. De wiiss isch mer glich fasch chli z langwilig glaub, so ganz Ton in Ton. Aber ich chönt natürlich au i de Chile ohni Gürtel gah und en nachher alegge für Apero/Fäscht, etc.

Stimmt, Tischdeko, wo chli ungliich isch, hett wahrschinli au no en gwüssne Charme. Schwirig, schwirig. Aber händ ja no chli Ziit. Wägem Brocki häsch rächt. Das hani mir au überleit. Und da ich im Momänt nöd gliich mobil bin, wüssti nöd, öb ich gnueg oft chönt go umeluege. Aber bim dra umedänke merki glich, dass d Idee nonig ganz gstorbe isch.

• Zitieren

Taeboyana: Japp, es gaht mega ab da... Ich bin über s Wuchenänd weg. Ich wird wohl dänn erschlage vor neue Biträg. Wobi, ich chan unterwägs au chli mitläse, nur nöd kommentiere.

Danke au dir für s Komplimänt!

• Zitieren

Fara: Ja du häsch ja au no Ziit bezüglich Dekoentscheidig! Spontan gfallt mir s Chleid am beste ohni Gürtel. Es gseht so fiin und schön us. Mit em Gurt ischs mer den fast zunrhig. Aber isch ja Gschmacksach.

• Zitieren