| Bräute 2014 |
|
|
1 .. 407 .. 812 813 814 815 816 .. 907 .. 997
|
Pfingstrose  am 17.04.2014
Re: Bräute 2014
Zündhölzli: Sie het ja zwar scho alli Fluechwörter vo mir ghör... ABER... Hebed eu fest! Ich han mich beklagt will die einti Farb eigentlich meh Gelb isch als Peach und mer die Wiisi Schrift chum gseht. Jetzt hät sie mir abotte die nomal zliefere inere andere Farb wo ich wott. Sie würd d Chöste überneh ich müssti eifach d Lieferig zahle! Haha! Geil oder!!! Was sölli neh... Ich bruche hilf - bitte:
https://www.etsy.com/de/transaction/179953520
Seafoam und Buttercream hani bstellt gha. Buttercream isch das fast Gelbe...
|
|
|
littlefoot  am 17.04.2014
Re: Bräute 2014
jane: etz machsch mer schlechts gwüssä hei ei ei 
weisch ich han super sache aber ich chan der die nid uslehne vorem HZ, die sind scho teilwis nüm so schön ... hmmm... GG wett aber no unbedingt in fasnachtslade z luzern no meh go hole. isch aber scho relativ tür.
echt etz hani echt grad schlechts gwüsse.
pfingsti: persimonn isch nüt ? hui aber wenns etz de nomal so lang gaht ?? :)
Zuletzt bearbeitet am 17.04.14 16:06
|
_janedoe  am 17.04.2014
Re: Bräute 2014
Neeeeeeeeeeeeeeei muesch keis schlechts Gwüsse ha!!!!!!!!! sicher nid!!!!
|
weddingbee85 am 17.04.2014
Re: Bräute 2014
@pfingstrose: ich würd "linen" neh. findi sehr e schöni, neutrali farb.
|
Pfingstrose am 17.04.2014
Re: Bräute 2014
Weddingbee: Den müssti aber fast d Schrift Schwarz neh oder?! Das findi den ebe nöd so schön... :S
|
daenu16  am 17.04.2014
Re: Bräute 2014
Taeboyana: Danke vielmol. I ha nix Grosses gmacht. Mit Fründinne und GG go brunche, chli Shopping und denn am Obig no es Kollegepäärli uf Bsuech. Recht ruhig also.
Pfingsti: ich nimm dGeburiglückwünsch au am Tag danach no *smile* DANKE vielmol! Ich nimm ebe scho sit 3,5 Jahr kei hormonelli Verhüetig meh…vo dem her chönntemer grad loslegge…aber etz nimi eifach mal Folsüri – susch simmer nonig grad am Überstürze.
Aaaaahhh kuul, di erschte Gäscht kaufed…jupiiii
Weg de Sängerin/Pianistin: susch wär Universität der Künste in Züri no guet für Studente zum afröge…die sind sich no kei grossi Gage gwöhnt!
Littlefoot: Jo säg mol nix. Feiermonat April: 4. Zivil, 12. Kirchlich, 16. Geburi und 20. Jahrestag vo GG und mir. Ooooh kuuul weg Istanbul. I bi zwar no nie gsi aber ich han scho vieli ghört schwärme!
Sasileu: ja ich denk dases eu guet tuet mal en Nomi für eu. Viel Glück und hoffentlich besserets sich etz! Drucke dDüme!
Malinchen: Dankeeee! Joooo, da wär super! Demfall sägi etz immer bide Frog nochem Alter: ich bi erscht 1 *haha* super Gedanke! Gefällt mir
Nala: Jööö, danke. Hihi Büscheli (sooo es härzigs Wort). Ja etz zerscht mal Folsüri…hend nonig losgleit. 0816 isch ja en originelle Name – kuuuuul ! Wedding Portfolio gseht au guet us! Freut mi daser das „Problem“ schnell hend chönne löse!!! Oder besser gseit…i druck dDüüüme dass die schnell zuesäged! Freu mi denn uf euri Föteli
Weddingbee: uuuuiiih nai, da isch ja mega ÄRGERLICH! *grml* goht jo gar nöd! Lüüt doch a und erklär dini Situation nomol. Du hesch ja zahlt und sie chönd das doch etz nöd eifach so istrieche…
Ich ha etz gad nix gseh ide AGBs…hesches du gfunde?
ah etz hanis grad gläse…hesch mitemne nette Holländer tel? hoffe dases etz is Lot chunnt! Ich find die beide nämli mega nett.
Brutstruuss: Mine hender gseh uf de HP nimi a
Janebaby: was macht di wahnsinnig am Fotobooth? Chani helfe?
|
nala05 am 17.04.2014
Re: Bräute 2014
@janedoe: aso ich bruch au no props… mir könnte uns susch zämme due?
@pfingstrose: ich würd dämfall wohl persimmon näh und froge ob das öpe peach ähnlet.. oder wie d weddingbee gseit het linen, abr jo schrift miest den scho fast schwarz si 
@daenu: hihi kennsch das wort buscheli oder buschi nid? isch das ächtsch baseldütsch? amigs merkt meh gar nid das gwüssi wörter nid eifach für jede ganz normal sin 
ahh i hoff au das mir s foti problem so löse könne. ha aber no nüd ghört, d afrog hani scho vor 24h abgschickt. manno bini ungeduldig ;o)
gniessisch din erste däg as ehefrau? schwelgsch no i de erinnerige?
@me: ach jetzt bini widr nid gange dä getränkespänder go hole.. ich bi sooo fuul *gg* has mir jetzt gmietlich ufem balkon gmacht und iss schoggieili
|
Helleborus  am 18.04.2014
Re: Bräute 2014
Hallo zäme!!!
Uiuiui do inne lauft weder öbis, wege de Blume in Lachs im Juni, evtl Pfingstrose, Germini oder Gerbera oder en Schöni englische Rose, Nelken , Calla, im Moment ischs nochli schwierig Zums genau Säge was im Juni het chunt ufs wetter drufa! Im Moment isch drum alles ca 3 Wuche Vorus!!! Evtl Hefts Au scho Dahlie!!
Dahlie wäret's sicher Au im August sehr schön und sandere Au Usert Pfingstrose! Ich meld im wenn mehr nö öbis in Sinn chunnt..... Lachs isch ned so einfach!
Daenu: Danke Für de link und Bricht!!! Einfach Mega schön!!!
Zuletzt bearbeitet am 18.04.14 21:06
|
_janedoe am 19.04.2014
Re: Bräute 2014
Guete Morgäää!
Isch suscht no öpper ume oder bini die einzig am schaffe?
daenu
:-*
nala
Die hend d Props imfall geschter scho verschickt. Voooll toll. Du hesch doch no gfragt, obi de Shop mitem Gästebuech agfragt ha wege de Lieferziit. Hani ez nahgholt. Sie hed gseit, momentan hed sie en Warteschleife vo 1 Monet und denn no 2-4 Wuche füre Versand 
me
Darfi chli motze? 
Geschter lüütet am GG sin TZ a und sie hend chli gredet, übers schaffe, Gott und die Welt..., irgendwenn seit min GG zu ihm, das ich minere TZ de Saalplan und de möglich Ablauf mal im whatsapp gschickt ha und sin TZ flippt voll us und verlangt mich as Telefon. er hed mier riiiiiiiiese Vorwürf gmacht, dass er sich usgschlosse fühlt und wieso ich ihm denn die Infos ned au gschickt ha. Guet, sorry, min Fehler. Ich han eifach agnoh, dass er mit de TZ in Kontakt staht und die sich ustuusched (das wär doch normal, ned?) und denn seiter, sit em Zivile am 14.Februar hebed sie sich weder gseh no glese. Das hed mer irgendwie voll de Bode unter de Füess wegzoge. Ich fühle mich total allei glah. Min GG bringt sich überhaupt ned i. Ich han eigentlich denkt, das er uftaut wennmer im Endspurt sind aber nüüüüt. Er hed kei Ideeä, kei Wünsch. Er seit zu mier, er hebi denkt, das ich ja en Plan im Chopf ha und dett heb er ned welle driifunke.
Han nur no brüelet gester. De TZ isch ez voll sauer uf mini TZ. Die isch aber gester morge id USA gfloge und chunnt erst am 5.Mai wieder hei. Und denn hemmer nid mal meh zwei Wuche zum no was plane und es isch voll de Wurm drin. Minere TZ hani es SMS gschribe und ihre gseit, dases mier echt wichtig wär, dass sie das im Griff hend und alles riibigslos ablauft und als Antwort isch de nur cho dasi mier doch kei Sorge söll mache, das seg nid die erst Hochziit wo sie organisiert. Es isch aber ihri erst CH Hochziit. Ich denke, vom Gedanke, en tolli überraschig warti uf eus, chani mi getroscht verabschiede. Im Moment hani echt überhaupt kei Luscht meh zum hürate 
|
Pfingstrose am 19.04.2014
Re: Bräute 2014
Janedoe: Ich bin zum Glück nöd am schaffe. Aber mir hend suscht gar Krise... Aber zerst zu dir. Isch ja total doof! Mir tut so leid für dich. Din GG verstaut dich garnöd oder isches eifach nur, dass er nöd mitghulfe hät bzw. kei Meinig het und s ihm glich isch i dem Sinn? Natürlich isches total doof isch dini TZ jetzt i de USA... Aber immer alles regle chammer au nöd. Das Interesse hetti ja au vo euem TZ chöne cho. Es git ja immer zwei Sitte! Häsch de Chopf scho chli chöne abchüäle? Händer irgend es Vorgehe bestumme du und din GG? Aber hey, lahn der d Hochziit nöd vermiese... Es isch so megga schad! Und mir tuts so leid! Ich verstahn aber was du meinsch.
Tja, wetsch eusi Gschicht, dass dir besser gaht? Ja mir händ eus jetzt mit GG Familie komplett verstritte. Also gnauer gseit mit sine Eltere und sim profillose Brüeder wo ja TZ sötti sie. Die händ eifach e fremdi Weltaschauig! Es isch nüme uszhallte. Min GG - da chani wennschon froh drum sie - isch komplett minere Meinung und mir wüssed eifach das mir zähme ghöred. Aber so e Hochziit durchführe schisst eus au immer und immer meh ah. Das es au so viel Negativs git innere Vorbereitig hetti nie im Läbe dänkt. GG het es SMS vo sim TZ übercho - wort wörtlich - Ihr übertribeds total mit dem Hochtiits Scheiss! Ah okay, danke! Min GG wott ihn jetzt säge ob er quasi mache wott was mir wend oder nöd. Wenn nöd nämed mir öpiert änderst. Fertig!
Tja frohi Ostere allne!
|
|
|
1 .. 407 .. 812 813 814 815 816 .. 907 .. 997
|
Anmelden
