pfingsti: das tönt für mich scho mal besser klar, das wo sie über dich gseit hend isch immer no da, aber wenigstens hends eui vorbereitige globt. isch doch super.
ah guet weg de zundhözli aber ebe, wenns nomal so lang gaht

lilian: aso ich find barcelona sowieso de hammer paris gfallt mer scho au, aber madrid het mer grad so guet gfalle.
ja s mami und tanti lueged bi ois zu ihne, de sohn muss ja no id schuel. tut üs sicher mega guet

malinchen: tötn super mit de azüg, hei das findi denn toll :) au cool wegem spender & rucksack, passt doch perfekt
weg de pompons...ich mache ja selber für de tisch aber zum ufhänke machi nid soo vill. hend no 11 lampions, und det hets ja die honeycomps oder wie die heissed in wiss und mint (rosa ersetzi dur peach farbnigi riesepompons)...denke 100 längt sauft...wil musch sie ja no montiere...

tindli: schöns chleid

• Zitieren

Principessa
Weiss au ned was das mit minere Schwö isch. Sie heds chli schwierig und ich würd ihre uuuh gern helfe aber ebe…
sPolterweekend vo mim GG fallt ez wohl is Wasser, schribe unne im me denn wieso.
Und jaaaa, zu de Kate hettisch echt mal sölle :D Aber sone Struss bechunnt sicher au en anderi toll hi!
Hey immerhin hender ez d Lieder zämä, gut Ding will Weile haben.
Ich han no nie müesse Zoll zahle, d Liefergebühre schwanked jedoch vo Abieter zu Abieter und sind mängisch echt horrend. Zum Teil choschtet d Lieferig meh als s Produkt .-.-

Littlefoot
Ja, das isch min Papi ufem Bild. Ha de Name vo mim Mami will mini Eltere nöd verhürated sind. Min Vater hed immer gseit, er welli s Mami nöd hürate, nur daser de vo allne müessi alose, er seg nur wegem Schwiizer pass da. Inzwüsche sinds 30 Jahr zeme und er hed de CH Pass immer no nöd. Das isch denn z.B. wieder en Grund, woni allergröschte Respekt ha. Ach weiss au nid. Bi eus isch de Wurm dinne im Moment und du redsch mier us de Seel. Chamer sich anere Hochziit ned eifach es bitzli zemerisse?!
Hey sone super Idee mit dene Briefli! Schweinearbeit, aber da hett ich als Gascht riese Freud :)
Das mit de Musiklischtene hani scho oft gläse, bin aber de Meinig, wenns guet gmacht sind, cha ja das nume für gueti Stimmig sorge. Daenu iher hend doch kein DJ gha oder?

Tindli
TUed mer Leid wege dinere Schwöschter. Das isch eifach wirkli nid zum glaube wasss sich d Lüüt usenehmed! So nervig! Hesch schomal versuecht ganz sachlich mit ihre drüber zrede?
Gratuliere zum Chleid!! Dörfemer es Bildli gseh? Ou so schöööön! Hübsch!!

Lil.lian
Ja, hend d Location denn gwächslet. Guet die erst isch nöd mini Traumlocation gsi. Es wär eifach uh praktisch gsi dette… Aber irgendwie gahts ja immer chli ums Prinzip gell :D
Wie isch Paris gsi? Ah ez hani gläse! Hmm vielleicht erwartet mer mängisch au, dass eim d Stadt vo erzählige und Bilder her sött umhaue und wenn das Gfühl de nöd itritt ischemer echli enttüscht?

Taeboyana
Danke für dini Wort. Es isch ja scho echt viel, dasmer sich im Forum chli cha ushüüle.
Wooow, tönt ja super spendabel, die Familie :D So guet! De Betrag nähmt mi ez au wunder, haha :D
Wege de Flittis, hmmm. Doof! Aber würd jedefalls mit de Gotte rede. Isch ja Familie :)
Oh wow ja, nimm das Geld! Wie du seisch, iher hend ja ned drum bettlet :)

Pfingstrose
Ohjee, würd da aso au nöd sofort vertraue und alles wieder als ‚guet‘ aluege. Das isches nämli wirkli nöd. Ich cha voll verstah, dass mer irgendwenn nümm drüber mag rede und wichtig isch, dass me Lüüt hed womer chan abschalte und d Batterie uflade. Schön, das wenigstens Dini Familie sich so inehängt. Hoffentli haltet dim GG sini Lüüt sich ez bitz zrugg mit umemotze und wäffele. Und hoffentli chunnt de Brüetsch chli us de pusche! Wünsches dier wirkli!!
Und hüt chasch is Chleid schlüpfe, weisch was fürne positive Push git das? :) Haha bi eus isch über d Homepage no kein Rappe cho :D

Malinchen
Au dir danke danke danke, für dini Wort.
Super gmacht, die Papis!! 100Pompoms‘ Wie gross isch denn die Location? Mier hend öppe 25 :D

Me
So es folgt… en Rieseegopost
Also zerscht mal zum positive. GG und ich hend es wunder wunderschöns Weekend verbracht. Am Sunntig morge hed er mich mega verwöhnt miteme schöne Oschterbrunch, denn hemmer nochli Hochziitssache erledigt (Süessigkeite bstellt, Tischordnig bastlet) und denn simmer richtig Innerschwyz is Hotel. Han dett en Guetschii gwunne fürnes **** Hotel mit Esse und alles drum und drah. Sie hend de scho direkt e Tisch reserviert für eus und es Oschtermenü zur Uswahl gha. 5 Gäng Premium Ässe. Mjaamiiii, denn simmer no in Whirlpool und hends richtig schön gha. Am Mäntig nachem zMorge simmer zu mine Eltere. Mini Schwöschter isch au no cho und es isch en richtig schöne Tag gsi. D Hochziit isch nöd im Vordergrund gstande (aso au, aber ned so penetrant) und so hemmer wirkli en entspannte Tag gha mit minere Familie

• Zitieren

@Lillian: Ja guet es isch mir ou scho so gange dasi meeeega lang gspart ha weni ha gwüsst dasi uf Paris gange für dasi de cha Shoppe u när hani am Schluss gar nüt kouft. I finde halt Frankriich generell rächt cool u ha ou d Sprach gärn... Barca het mi drfür de nid so umghoue, ussert haut dr Vorteil dasmä no cha im Meer bade.

@Taeboyana: Hmm, isch scho no schwierig wemä sonä riesä Betrag abote überchunnt. Aber anderersits duet ers öich ja när äuä so oder so schänke, nid? Entweder git ers öich für öpis as Fest z zahle u dir heit när drfür meh vo däm übrig wo dir gspart heit oder de schänkt er öich när haut meh, wenn dirs nid anähmet... Oder meinsch das würd er de nid mache?

Mir hei das "Problem" ja ou gha bi GG's Euterä u heis när us däm Grund agnoh, wöu mir hei dänkt es spiut ja de am Schluss kei Roue ob sie jetz öpis ads Fest zahle oders üs när schänke...

@jane: omg, was geit de mit däm ab? Verstahni also völlig dass du däm nid no mal hesch wöue Gäld nacheschmeisse! V.a. für online-poker?! Sorry aber das geit ja wohl gar nid.. .wenns jetz irgend öpis "wichtigs" gsi wär wärs ja no öpis anders... Aber geits no? I hätt mi NIE drfür irgend öper um Gäld z bitte für mini Freizyt-vergnüegä z finanziere. Das tönt gad chli so als hätt dä chlines Suchtproblem wenn er gad so ustickt wener nid cha game, chönnt das si??? Wägem Wächsle weisi halt ou nid, müesst fasch di GG entscheide... Was het er de drzue gseit?

• Zitieren

@malinchen: I gseh das eigentlech o so. Ja weisch i ha ufe Art o chli zGfüu, dass ärs as undankbar würd aluege, we mir dä Betrag nid wette anäh. I dänke o, dass mir vo däm haut de no chli chöi uf d Site tue für d Zuekunft und da si mir ou ächt froh drum. I bi eifach ehrlech gseit rächt baff gsi u ha gar nid richtig gwüsst was säge u mir hei de eifach nume danke danke gseit und das sig extrem grosszügig...

@janedoe: Exgüse aber mit däm TZ stimmt definitiv öpis nid!! geits no, online ga zocke und für das no Gäud wöue vo Kollege!! Du hättsch o absolut ds Rächt gha, ihm absolut ke Rappe zleihe! Nei das tuet mir soooo leid gratet dir geng a so komischi Lüt, mit de TZ heiter ja würklech es riese Päch!
Aber he wie schön vo dim GG, das heter doch super gmacht! Freu di und häb di gad chli a däm fescht.

• Zitieren