@janedoe: u bi Buttinette oder Opitec oder www.scrapandstamp.ch?

• Zitieren

nicht registriert

Janedoe: Also ii het au keii Ahnig was Kraftpapier isch (wenn iich's ned dä Moment googlet het) Aber ii bii jo au ned vom Fach. I ha aber s'Gfühl, dass da nixx meeega speziells isch und viellicht giits eiifach en andere Usdruck no defür? Am beste verbiigoh, Foti zeiige und denn nafrage obs sowas giit?

Schuuulschluss

• Zitieren

gugus! scho widr viil zum nochläse

@janedoe: waas das ka doch fast nid si? scho do photobooth züg?! so cooool! *daumen-hoch-smiley*
gäl 1600€ sin immer no rächt viil für 6h, aber es wär au no es engagement-shooting drbi (wo mir nie ilöse könnte, so mir gar kei zyt meh hän bis dene) aber de stil würd uns scho no gfalle. jo wen mim bruedr sini fründin de doch ka fötele ischs halt chli für nüd.. wil wen mir jo die fotografe bueche, könne mir dänki nüm eifach absage.
aso hüt het mi gg au no alles gäh, hoff das blibt no chli so ;) let's wait and see!
s auto agebot findi super! d farb passt scho nid sooo zu eurem konzäpt, fallt sicher kuum öperem uf user unsere gschulte auge

@lil.lian die für 8h und 1800.- hän scho abgseit, si sin usglastet für s ganze joor und nähme niemer meh
sooooo aber ez söttsch d iladige ha uuuuund? :o)

@malinchen: tönt doch super mitem ehe-glübde. i dänk kürzer isch allwä au besser für de fall das mehs vor luuter emotione doch nüm anebringt
danke, unsere marathon dag isch super gsi
das isch wirkli grad doof wen meh uf so viil warte mues! am liebste würd meh allne lüt is füdli go stpfe das si chli gas gäbe, gäl

@pfingstrose: jo mis mami het das kleid jetzt au und wirds au ahzieh.. mis mami het halt kei eifachs läbe ka.. isch nid guet behandlet worde as kind, vo mim vatr sinere famile isch si nie anerkennt worde und au rassimus usgsetzt gsi und den no mit mim vatr (minere meinig noch) e schrecklichi ehe hinter sich.. das loht halt spure.. bi ihre isch das charakterlich sichtbar… isch eig eher truurig, abr ändere ka mehs nid, dodefür isch si ebe z stur und z alt *augevrtreih* mir häns scho gnueg probiert.
ohhh i würd au gärn es föteli gseh nach all däne tolle komplimänt mues jo hammer usseh!
schöni schueh, gfalle mir guet. aber hesch du eigetli nid die peachfarbige ballerinas welle?

@taeboyana: danke für de andrea-tipp, wird grad mitmache und wot natürl au gwünne hmm boudoir.. i ha nid so e tolli figur wie du und vorallem viiil z viil orangehuut do miesst si sooooo viil retuschiere, do würds ere vrleide

@squishy: hihi aso mim mami sin kleider übrhaupt sehr wichtig, aber das sin defintiv anderi problem wo sich do zeigt hän ;)
jöööö so lustig wie du vom azug-spienzle vrzellsch! aber isch doch suuuper wen du in däre zänthel-sekunde scho gseh hesch das är dir gfallt

@littlefoot: ohh so schad sin die holzrondelle nüd hesch fooootiiiis vo de blueme für d hoor?
hmm 2000.- für e azug ohni hemli findi au viil. hoff är findet gli s passende, bi aso au scho gspannt!

@sasileu: viil spass no bim babysitte :D

@me: ahhhhh mir hän hüt e wunderschöne dag in luzärn ka! (jooo littlefoot, luzän isch ächt mega schön ) das wättr isch de hammer gsi und het unseri luckene zwüsche de termin perfekt gfüllt mit am see zmittag ässe, a dr rhone käffele usw. super gsi
im montana hämir eigetli alles so wie mir uns das vorstelle könne mache, si het au no paar gueti inputs ka. dört mien mir jetzt no s menü uswähle und de isch dört scho zimli alles gebongt! s einzig wo uns meeega gnärvt het isch da si kei zimmer zur vrfüegig stelle könne zum uns parat mache (aso nur für mi) mir miesste ein bueche für d vornacht und normal zahle! findi de hammer! mir löhn jo scho so gnueg gäld dört ligge, de söt doch so öbis machbar si jäno..
in dr seeburg wo mir jo d trauuig und apero hän isch ächt aaaalles super gsi! dä nätti herr het au sofort gseit si stelle uns zwei zimmer zum parat mache zur vrfiegig und luege das si so wiit wie möglich vo enandr entfärnt sin, so dass mir uns sicher nid übere wäg laufe. hani super gfunde! das mitem getränkespänder isch au i.o. und är het de gseit jo si könne für uns no e beschliderig in A3 usdrucke wo mir sälber designe könne und si stelles den uf. bi kei einzigem punkt öbis izwände ka und sich ächt mieh gäh. het uns beidi sehr gfreut.

• Zitieren

Guetä Morge zäme

Menno,gester obig hets nid alles übernah

@lil-lian:
Hesch din/eui Städtetrip gnosse au wens nid so dini Stadt gsi isch?!
Hesch gshoppet?
Wegem de Honeymoon,mir hend sitem letste Treffe nomol echli was gmacht.
Und zwar simer au na im Reisebüro gsi paar Sache go ageh.
Ich bi nid so happy mitem Globetrotter und wür nüm deht buechä,isch zwar nix spez. gsi aber verzehls grad.Nur i glaub so wies du machsch,alles selber heti eifach au zwenig Ziit cha.
Mir hend am Samstig no s'Hotel in SF buechet und hend ihre in Uftrag geh(welä geh) 2Nächt im Wynn buechä,Showticket "la revê", Alcatraz-Ticket, und s'eventticket disney,universal&sealife und imene Hotel in LA no 2nächt. De Globetrotter het gradmal s'Hotel in SF chöne buechä,dass zimmer wo mir im Wynn hend welä het sie nid im Agebot cha und klärts ab,Showticket cha sie nonig buechä,machema drum grad selber,Alcatraz cha sie nur in verbindig mitere 6h Citytour in SF buechä(sind jo 5Tägdeht,den wemer selber e Citytour mache) jo und das Eventticket kennets nid und das Hotel in LA liegt zwar guet aber sie chas au nid buechä,machema also au selber. Euses Reisebüro bringts voll,nid?!
Egal,wege LA simer jetzt eh grad unschlüssig ob mir eifach die 1Nacht nach Hawai söllet im Disneyresort neh,den fahrema mitem Auto deht abe sobald mir wieder in Amerika sind und schlofet deht,gönd am nägste Morge grad in Park und ab den luegema spontan mit de Hotels.

Soo,jetzt wege SF...
Mir hend au paar u schöni Sache gseh und chönt bi eus au eng werde,mir hend no en Tag weniger wie ihr.Aber ich glaub schlussendlich machts eus dennix us,münd eifach guet (probierä) differenzierä
Mir isch mal na was dur de Kopf,isch nur so e Idee gsi....
Mir chönd eus jo mal nomol treffe mit eusne Manne und wenn die sich nid total abstossend findet chöntema eus jo viellicht in SF en Tag zäme plane zum mitenand e Nationalpark go aluege(ev. Au mitenand es Auto no für de Tag).
Aber isch nur so e Idee gsi,will also ich find di ebe nid abstossend
Und trotz Honeymoon chöntis mir no vorstellä,willis no cool find das nomol e frischverhürateti (woni "kennä") unterwegs isch.

Gönd ihr jetzt au uf Alcatraz?Hesch du Tickets scho bstellt?
Aja,und chasch mir bi Glegeheit emol de Routeboge vode Iris um de Bryce schicke?bitte
Via sms wer super.

Uii jetzt hani viel gschriebe

@taeboyana:
Ich ha vo dir irgendwas miterä Superman-Tascheuhr gläse.
Zeigsch die mal?
Und verratisch vo wo das die hesch?
Ich will ebe mim GG was schenke für an Azug aber glaub ala Ironman,weg sinere mech. Herzklappe.

@Me:
Nid viel,mini Ferie sind ume und ich bi wieder am schaffe...das Wuchäend mueni au voll dra... :-S
Min GG isch gester sin Azug go ussueche,also Stoff etc. Er laht ihn massschnidere und isch gester Obig total begeisteret dihei gsi aber au es bitzli unsicher,er hofft dases mir gfallt und es seg sooo schwierig gsi.er heg volli 5h cha.und es macht mi fascht echi wahnsinnig dasi nix weiss
S'einzige detail woner verrate het....im krage vom Jacket staht in Schnürlischrift Saskia&Marco mit 13.09.2014
Aber i merk i bin au eine BRAUTZILLE gworde

• Zitieren

Guete Morge zäme

Juhu, jetzt chan ech au öpis biiträge.

Letscht Wuche hemer d Ehering bstellt. Sie sind sooo schön ond mer freue eus so, wenn mer sie endlech dörfe aalegge!

Gestern bin ech bi mim Mami go s Chleid abstecke. Sie esch Schniiderin und möcht das sälber mache.
Esch aber grad chli is schwitze cho, hihi. Aber esch so es schöns Gfühl gsi, als ich s chleid weder aprobiert ha.
Nur ei Gedanke goht loht mech nüm los. Wie möcheder das mit ufs WC goh? Hilft eu üchi Trauzügin debi? Bi mer werds fast ned andersch goh...

• Zitieren

Guetä morgä dir liebä!

@nala: Wow, das tönt würklech nach emnä erfolgriiche Tag! I finde d Strüss beidi schön, ä mischig drus wird sicher super si! Das mitem Zimmer het ja de ou no klappt, findes aber vom Montana ou chli doof ehrlich gseit... Dir würdet das Zimmer ja nid lang bruche und wie du gseit hesch löht dir det scho gnue Gäld lah ligge.

@janedoe: haha, i hätt jetz kraftpapier ou nid kennt als Begriff. I würds ou so mache wie d Squishy het vorgschlage, das gits sicher unter emnä anderä Name ir CH... Hihi, di GG isch ja super!

@Tag danach: I wott mi denn ou chli schön alegä... Es isch ja zwar no nid mal klar wo dass mir brunche. Aber i ha mir ou dänkt i legä irgend es schöns Summerchleidli a. Ha zersch dänkt dasi das chönnt näh woni am Zivile ha anne gha. Aber das müessti zersch no chliner mache, ha sit denn ca. 7kg abgnoh jetz gsehts us wienä Sack. Mal luege obi öpis finde zum choufe u süsch muesis halt de no änderä.

@Sasi: haha, wieso meinsch du bisch ä Brautzilla worde?

@Sissy: Hesch ä Reifrock? De packsch eifach das Teil und duesches mitem Chleid "drinne" ufezieh. De chasch rächt gäbig ufs WC - also mini Fründin wo letscht Jahr het ghürate hets so gmacht. Mit mim Chleid wirdi das Problem nid ha...

@me: immer no nix neus... Hüt abä göh mir no i dä Club wo mir üsi Polterparty mache churz ga dr Ruum aluege und chli bespräche wägem Ablouf etc. Aber süsch isch im Moment würklech toooooote Hose bi üs. So lääääääääängwilig!

• Zitieren