@alli brütli wo das wocheänd hürated:
ich wünsch eui e wunderschöni hochzyt und hoffe das ihr super wätter und eifach en tolle tag händ wo eui für immer in erinnerig wird bliibe. lönd eu dur nüt stresse und gnüssed eifach. es wird ganz viel lüt geh wo sich um eui kümmered und mit eu fiired und freud händ!!
alles liebi und ich dänk a eui!!

• Zitieren

huhu :)

taeboyana: mueti muetig :) ich trau nid z waxe
hey tönt cool woner wohnid :)

pfingstI: nei echt soo cool dass morn chasch uf luzern go fötele ! würdemer nid furtga wäri schnell go inegügsle

lula: drucke demfall d duumä dass er s letscht wienachte zu zweit hend das jahr.

all: überhaupt ich druck eu liebe allne d duume für ganz vili babys. de sind de treffe ab 2015 au eher i mim zitliche bereich und inere chinderzone haha :)

ich schliess mich de weddingbee au a, allne wo hürated alles liebi, persönlichers denn uf FB

• Zitieren

@lil.lian: Ja fürs Zivile findis de scho viu... aber frage chasch ja immer, i ha o rächt ar Bluemeofferte umegstürmt und -gschrüblet bises üs passt het.
Ha gad am Mittag no mit üsere Floristin telefoniert und mir chöi itz am Vorabe ga d Tischgsteck und Bankstrüssli hole, für d Bankstrüssli git sie äxtra no e Chübu mit zum se isteue. Aber d Strüss für mi und TZ und d Asteckerli für d Manne mache sie äxtra ganz früsch am Samsti Morge, itz muesi nur luege, wär die cha ga hole... GG? Oder vielech mi Papi. D Manne hei ja nid sooooo viu vorzbereite wie d Froue hihi...

Haha wägem waxe, wenni aube dert ufem Schrage liege mit gspreizte Bei und mir eini da unge umefummlet, fragi mi das aso o... aber nid mau i erster Linie wägem Schmärz, sondern wüu me eifach son entblösst isch Was Schmärze abelangt, chani scho no uf Zähn bisse wes mues si.
Z Problem bim rasiere isch bi mir, dassi immer so en Art Usschlag oder ämu so roti Bibeli bechume unger de Achsle und ir Bikinizone, ade Bei isch kes Problem. Aber ds Schlimmste findi, dassi itz mues la wachse bis zum Hochzit, iiiihh... Gad unger de Arme findi soooo schlimm!

@lula: Nenei Dänu isch scho am üebe, die chunnt zersch U när vielech du? Oder Principessa?

@littlefoot: Merci fürs Duume drücke I bi ou gspannt wie das wird usecho mit üs aune hie

• Zitieren

Guete Morge Brütlis

So, itz geits nid mau meh 2 Wuche Aber es geit vorwärts und chunnt gloub guet...

Zersch mau LaMariee härzlechi Gratulation zum zivile und Nala zur Hochzit! Heit auso wunderschön usgseh. Bi scho soooo gspannt uf witeri Fotos!

Mir si rächt fliessig gsi. Am Sa het GG Poutertag gha und die Manne hei ganz es cools Programm usdänkt gha, obwou sie nur es chlises Grüppeli si gsi. Si a Murtesee ga brätle und är het müesse Bratwürscht verchoufe mitme T-Shirt "ich heirate, alles andere ist mir Wurst!" . So heter müesse Gäud sammle für am Abe. När si si ga Kart fahre, das macht är mega gärn. Und am Abe zBärn ga Fondue Chinoise ässe und iz Casino. Är het ämu sehr Fröid gha.

Am Sunnti Abe heimer üsi letschti Sitzig mit de TZ gha und si mau dr ganz Tagesablouf düre. Wird scho chli konkreter so Üses Bluemeproblem isch ou glöst, dr eint TZ chase ga hole u d Bankstrüssli chöi sie guet amache, wüu sie de eh chli früecher ir Chile si. Si auso au mini logistische Problem glöst .

Gester hani no frei gnoh gha wüu ig am Wuchenänd e Trainerusbiudig ha gha und nid so Zit und das het sech as sehr gueti Idee erwiese. Ha würklech sehr viu chönne erledige. D Güetzis si würklech e grosse Ufwand, aber i ha glich Fröid und fertig verpackt (ha äxtra so Seckli bsteut uf etsy) gseh sie ächt no guet us. Obwous e rächti Üerbigssach isch, die erste paar findi si chli grusig usecho. Itz muesi mi de am Wuchenänd nomau drasetze, das schaffi o no.

Hüt Abe muesi no d Bluemegfässli zur Floristin bringe. D To-Do Lischte schrumpft und so wies usgseht, möge mir guet düre! Am Fritig steit Chleid abhole ufem Plan und am Samstig Coiffeur - Haar färbe und mèches Langsam wird's ärnscht

• Zitieren

nicht registriert

Miir siind all uf FB am joggle

• Zitieren

Muamba: aso d brichte sin alli do i forum gschriebe worde ;)

I bi nämli a mim grad dra, haha

• Zitieren