| Bräute 2014 |
|
|
1 .. 489 .. 975 976 977 978 979 .. 988 .. 997
|
weddingbee85  am 24.06.2014
Re: Bräute 2014
@littlefoot: jö danke. er isch halt würkli eifach de bescht
@lilian: ui sorry, das hani gar nöd gschriebe...aso, am schluss händ alli mit wo e chlammere gha händ müesse füre und dänn isch jedi farbchlammere eme monet im lauf vom nächste jahr (12 stk.) zueteilt worde. jede wo e chlammere gha hät muess öpis im entsprächende monet für eus mache. z.b. juni 2014: de kolleg hät eus müesse vom flughafe abhole, mis mami muess im oktober en chürbis für eus schnitze, im april 2014 muess en kolleg eusi velo summerbereit mache etc. etc. aso würkli uh cool für eus 
dini frag: mir sind ja gar nüm hei und diräkt vom hotel an flughafe. wo mir am samstig heicho sind isch d hustüre miteme just married-band und rote herzliballön behänkt gsi. wo mir d türe ufgmacht händ isch de ganz gang bis is schlafzimmer mit rote trochnete roseblätter dekoriert gsi und überall teeliechtli. de gang isch vole gruesscharte vo eusne gäst mitere wöschleine befestigt gsi und mini tz hät no es love-zeiche in gang gstellt. dänn hät sie zmorge für eus poschtet (sind am 8ti heicho) damit mer nöd grad händ müesse go poschte und im schlafzimmer sälber häts no meh föteli vo eus ufem fänstersims und uf de bettkante gha. uh e schöni überraschig. häts glaub nöd verchraftet wänn eusi wohnig en garte gsi wär oder so 
@nala05: jö so herzig, danke villmal. chasch di würkli freue! es wunderschöns zivils häsch ja scho gha, dänn wird s hochzytsfäscht nur no 1000x schöner. gnüsses eifach! es werded sich alli uh herzig um dich und din gg kümmere.
|
|
|
Fara  am 24.06.2014
Re: Bräute 2014
Nur churz...
@weddingbee: Chume grad nonig zum läse. Aber a de Reaktione vo de andere Brütlis tönts nacheme wunderschöne Tag!
@littlefoot: Mir händ nöd so guets Wätter gha. Allerdings - das gibi zue - verrägnet simmer au nöd worde. Jedefalls, ich chan dir versichere, es isch trotzdem en uuuuuu schöne Tag gsi!
@lil.lian: Eus isch es ähnlich gange wie de weddingbee. Mir händ au vor em Hochsig de TZ und TM ganz klar gseit, dass mir würded dure dreie, wänn d Wonig verwüeschtet wär. Ich finds sowieso en mega Seich und i eusere Situation, won ich eifach no weniger mag physisch wie psychisch... Guet möglich, dass ich agfange hett hüle.
Mir händ aber mit de TZ und TM abgmacht, dass sie en Schlüssel bechömed zum d Gschänk id Wonig tue... Und natürlich händ sie au suscht no ihri Spure hinterlah. Aber uuu herzig.
D Gschänk sind u schön arrangiert gsi. En Teil vo de Hocsigsdeko isch au nomal gnutzt worde. S Schlafzimmer hät di neui Bettwösch (Deckene und Azüg) druf gha und no so Schläckzüg uf beidne Chüssi. Überhaupt häts no u vili Schoggiherzli verteilt gha. Und roti Kunstroseblätter im Gang, Schlafzimmer, Stube und Büro. Und sie händ eus en Tisch deckt mit emene Schoggichueche in Herzform.
Und euses Badzimmer isch de Hammer gsi. Sooo geil. Mini TZ hät so Badwasserzuesatz gfunde, wo s Wasser tuet färbe. Dänn händs d Wanne mit chli Wasser gfüllt, wo dänn strahlend blau gsi isch. Und dnn no so Badeäntli drii, sooo herzig. Dänn häts no so Dekokunstblueme und zwei herzigi Bluemesöifeli gha. D Äntli und das hämmer jetzt zum Teil immer no als Deko.
So öpis findi wahnsinnig schön. Eifach nomal es meeega Gschänk. Aber so Verwüeschtigsaktione verstahni nöd.
Haha, und jetzt bini so isch schwärme cho, dassi mi doch nöd churz gfasst han.
Liebi Grüess
Fara
|
malinchen  am 25.06.2014
Re: Bräute 2014
Juhuuu Mädels....
I mälde mi jetz offiziell wieder zrug im Forum.
@Lillian: Mir hei üsi Wohnig ganz normal vorgfunde. Mir hei x mal gseit gha, dass mir das nid möchte und üsi TZ hei ja würklich alles genau so umgsetzt wie mirs gwünscht hei (mini Bedänke si absolut für nüt gsi!). Ds Zimmer bi mine Eltere wo mir hei übernachtet het sie mega schön zwäg gmacht gha, es isch es uralts Huus und i däm Zimmer hei aube mini Grosseltere gschlafe. Ade Wänd hets es Hochzytsfoto vode Grosseltere und vo üsne Eltere gha, uf dr Kommode isch es mega schöns Bluemegsteck gstande und sie hei extra ä Hacke id Dechi gmacht dasi mis Chleid schön ha chönne ufhänke - es het sooooo toll usgseh wies det isch ghanget im morgeliecht... Ha mi gad gnärvt dasi mini Kamera nid drbi gha ha.  När isch für üs beidi ä Fläsche Wasser bereit gstande und Schöggeli ufem Nachttisch - würkelch mega härzig.
Aber so öpis doofs hätti gloub ou nid möge verlide. I bi soooo kaputt gsi wo mir si hei cho am Sunntig u weni när no stundelang hät müesse putze hät mir das ächt gad chli die schöne Emotione versaut gloub. 
@Littlefoot: I chume mir jetz fasch blöd vor das z säge, mir hei so glück gha mitem Wätter.  Aber: Öie Tag wird sicher perfekt - egal was ds Wätter macht! Gniess die letschtä Stunde, es geit sooooooo schnäll verbi!!!
|
Claudilein am 25.06.2014
Re: Bräute 2014
Hallo zäme
Puh, ig ha mi nach üsem wunderschöne Hochziit gar nümme da inne gmäudet. Ha im Moment im Gschäft u o privat grad eifach e so vieu Sache um d Ohre, de isch z Forum es bitz i Hingrgrund träte...
Üse Hochziitstag isch perfekt gsi. Es het trotz em grusige Wätterbricht nid grägnet!  Mir heis sehr gnosse, es isch sehr emotionau u isch aues genau eso gsi, wie mir üs das vorgsteut hei!
Leider heimer no kei Föteli becho, sobaudi die ha, wirdeni abr im Facebook es paar ufelade!
Auso, das nume ganz churz us Läbenszeiche!
De nächste Hüratende vieu Spass, gniessets u löht nech vrwöhne!
|
laprincipessa  am 25.06.2014
Re: Bräute 2014
Hallihallo ihr Liebe! :)
Bin grad vo Lörrach heicho – Chleid öber d’Gränze schmuggle – done hehe :p scho nomol ganz öbis anders wänn s’Chleid schön perfekt sitzt isch es super Gfühl gsi ;) wenn au bitz äng haha :p aber muess jo schins so si… Jetzt giltets dänn langsam ernst hey :p S’Chleid hanget jetzt i mim Achleidezimmer und de tisch ab sofort Sperrzone för mi GG :p au wenns i dem wisse grosse Sack isch er söl no rein nüt gseh ;))
Ich schulde öich immerno min bricht vom Polterweekend hehe – bin immerno totaaal k.o. :p aber zerst goni mol uf das i, was bi öich i de zwöschezyt no gloffe isch ;)
@broncos: häsch inzwösche en ahnig was för es chleid dassd wetsch? Weisch en farb wo si bsonders gärn häd oder gar ned? Häd si es farbmotto? Wenn si nüt vorgit goni devo us, dasses ihre glich isch und du ned vil chasch falsch mache ;) hehe jo wer weiss vilicht machi das wörkli no ;))
@lil.lian: jo si sind so härzig  verzell öich nacher meh ;) oh cool häsch jetzt öber so tolls wo di schminkt! ;)
@littlefoot: sind schön worde dini pompoms! Gäbets vil ztue? Wie lang häsch öbe för eis? Muess jo mini au no mache :p wägem wätterbricht isch so gemein  aber chasch eh ned immer drufgoh.. ich go au scho immer go luege und s’wächslet jede tag! Vo sonne öber gwitter, räge s’ich scho alles gstande! aber glaube s’händ alli rächt, dass de tag so oder so perfekt wird!! Dröcke aber ganz fest de dume, dasses wider besser wird!! <3
@sasileu: danke för de tipp mit de m&m’s! =) bin froh hanis no gmacht si sind uh schnäll do gsi und mi GG häd sooo fröid gha hihi  hoffe öisi gäst findets au cool ;) wägem strumpfband: ich han mis au uf etsy bstellt und gmässe und mis isch eher chli lugg also s’goht scho aber wörds 1-2 grössi chliner näh alsd eigentli wetsch ;)
@nala: gratuliere au do nomol zum zivile hehe du häsch super usgseh! =) <3 chan dir nofühle bin au so im stress gsi de ganz zyt – sitdem d’prüefige ume sind fühli mi sooo vil besser ;)))
@squishy: was bechunsch dänn alles för de pris? Mir sind um einiges günstiger aber händ au 30% will mis mami im gliche betrieb schaffet..
@weddingbee: woow din bricht dönt jo nach emene traumhochzyt! =) haha so witzig mitem hellwach si am morge früeh mit de TZ und dassd s’strumpfband verlore häsch hihi :p
@malinchen & claudilein: bin gspannt uf öichi brichte! =))))
@me: bi mir laufet eifach no die letschte vorbereitige aber sowit isch alles organisiert.. han no 3 fächer bstellt för de hochzytstanz und en schirm hehe ihr händ mi agsteckt mit dem schöne schirm wo do d’rundi macht ;) mol luege wiener isch wenner achunt am mändig (han express bstellt) sust hani jo au no personalisierti m&m’s loh mache – mi GG häd soo fröid gha wiler jo m&m’s liebt =) jo und jetzt eifach no paar täg schaffe und mini vili beautytermine wohr näh hehe vil meh muessi nöme mache bis zum grosse tag :p unglaublich wie d’zyt rast:p
So und jetzt no zo mim polterweekend! Ich säge öich es isch sooo de hammer gsi! =))) has so gnosse und bin vo A-Z verwöhnt worde!! Han mi immer wider gfrogt wieni das verdient han ! <3 han eifach die beste fröndinne ever ;)) han jo sitem sonntig vor enere woche immer wider en tipp becho und bin immer wie nervöser worde  am fritig am halbi 7ni bini dänn abgholt worde vo minere TZH & brutjungfere - händ zäme agstosse und ich han es wisses bedruckts shirt becho wo gstande isch: bride to be und unde polterweekend 20.-22. Juni 2014 und mi GG und ich in Cartoon so härzig! =)) und en wisse schleier hani au no becho – händ dänn no mit moscato agstosse und sind use haha si sind eifach die geilste – händ so en grosse camper gha mit tönte schiibe vom frönd vo de einte und de händs mit coral und mint satinbänder und ballön dekoriert gha und 2 grossi A3 bilder sind uf de schibe kläbt wo gstande isch: shopping queen haha ächt geil gsi – dänn händs mir d’auge verbund eund mir sind gfühlti 2 stund gfahre also eigentli nur öbe 30 min aber s’isch mir soo lang vorcho :p irgendwenn sindmer usgstige und ich han so dringend uf s’wc müesse.. am FR obig isch jo de match gsi wo d’CH so uf d’chappe becho häd :/ han nur fuessball ghört und s’gfühl gha mir sind imene fuessballstadion oder so oder imene riiise public viewing :p woni dänn d’auge han döfe ufmache sind mir z’basel im Aqua gsi und aaaalli mini liebe fröndinne plus mis mami, schwöschter, schwögerin sind det gsi! =) mini schwigermuetter wär eigentli au cho aber si isch chrank worde.. aber ächt soo härzig gsi und wösseder was s’beste gsi isch? =) si händ alli öbis in coral oder in mint / türkis agha hehe so geil gsi! =) händ dänn det gaperölet und s’häd immer wider so feini häpplis gäh.. wilmer öbe 20 lüt gsi sind isches super gsi dasses so en lounge gsi isch und ned en lange tisch wili so mit allne chli han chönne plöiderle  si händ no spilis mit mir gmacht – es quiz öber de GG (han bis uf 2 froge wo er au eifach öbis gantwortet häd alles gwösst hehe ;) und tabu hämer gspilt mit wörter öber öisi bezihig voll süess ;)
|
laprincipessa am 25.06.2014
Re: Bräute 2014
för jedi richtigi antwort hani es härzli uf mis shirt becho ;) ich erfahri dänn spöter wases mit dene härzli uf sich häd häds gheisse :p dänn händ si no es foti vo mir im männerbad ufgstellt und en struss rose und gschrebe dass ich hürote und mich öber en rose fröie wörd so sindmer de ganz zyt manne cho gratuliere und händ mir en rose gäh haha :p und wösseder wer isch au no cho und mit wem häds es foti gäh? :p mit de arabella kiesbauer do die wo uf pro7 amigs moderiert häd :p si hädmer au voll gratuliert und so :p am halbi 12i häds gheisse dassi mi langsam söt verabschide wils mit es paar vo ihne jetzt no witergieng.. dänn hani es couvert becho wo gstande isch herzliche gratulation du hast das casting überstanden oder so haha und s motto sig: style dich für deinen perfekten Polterabend! wer mini shoppingbegleitig sig - mini ängste fröndinne wider in comix plus no eini wo au mitcho isch (han jo gseit wer si söl froge mini TZ för s’weekend und da wäret no öbe 5 gsi aber si isch die einzig osserhalb vo de ganz ängtse gsi wo mit cho isch aber s’isch suuuper gsi mit ihre s’häd voll passt ;) dänn sindmer use gange und s’häd gheisse ich chönni jetzt grad mol üebe brutstruss wärfe und han die rose woni becho han vo de stäge abe zo mine mädels chönne rüehre hehe alli händ zuegluegt isch ächt lustig gsi und d’fröndin vo mim brüeder häd d’rose gfange hihi so süess gsi ;) dänn hani mi vo allne verabschidet und bedankt und im auto sindmer d’auge wider verbunde worde sind öbe 10 min gfahre und händ dänn imene mega verlassnige abstighotel haha häd usgseh wie es stundehotel i dene amifilme sones motel wo amigs tragödie wie mord etc. passieret hehe aber do mir nur knapp 3 stund händ chönne schlofe häd das grad glanget ;) wo am 4i de wecker glütet häd hani gmeint ich spinne :p han dänn mini schwarze leggins agleit und han es türkisses chleid för dröber becho wo wider shoppingqueen und ich in cartoon druffe gsi bin – mini mädels händ alli es wisses shirt agha mit ihrem comix icon so witzig gsi =)) dänn sindmer abgfahre richtig flughafe (sind in berthenheim gsi ade französische grenze) dur das dass en ex kollegin sich jo verplapperet häd hani gwösst dassmer uf barcelona gönd und han mega müesse ufpasse dassi gnueg öberrascht due! Aber häd super klappet und ich han jo au wörkli meega fröid gha! =) isch voll super gsi – bim gate händ si dänn verzellt was si so mit mir vor händ also emel bis am obig.. und zwar händ am FR alli awesende öbis gspändet und vo dem gäld hani eigentli chönne läbe a dem weekend (ässe, trinke, taxi etc.  und ebe am nomitag fieng dänn das shopping queen a ;) in barceloina acho sindmer grad mol mitem taxi bis zum port ingles gfahre und vo det dänn z fuess bis anes ort womer mega fein händ chönne brunche (es isch erst viertel vor 9ni gsi :p) – mini TZ häd das alles sooo mega toll organisiert gha si isch det dure eifach es riiise talänt und häd dur connections mega d’tipps becho und alles im vorus plant gha so dassmer s ganze weekend händ chönne gnüsse und voll kei zyt verlore händ  nacher sindmer rasch go icheke und händ öis för d’shopping tour vorbereitet ;) vorem ichaufszentrum hani dänn es couvert becho mit 100 EUR und s’häd gheisse ich heig 2 stund und 17 minute (wäg de 17 härzlis) zyt, um mis perfekte shoppingoutfit zämezshoppe vo chopf bis fuess :p so en geili idee hey will alli wösset wie gärn ich shoppe und dassi die sändig so cool finde :p
Uf los ischs los gange und ich het sogar 3 outfits gha alli je unter 100 EUR (han natürli mit mim gäld au no gshoppt aber d’ufgab isch jo gsi es outfit unter 100 EUR ;) (drum de tascherächner!) ächt geil gsi und mit primark, bershka, stradi etc. natürli keis problem ;) han 6 paar schueh, 2 overal, 3 chleidli, 2 shirts, es jäggli, 4 gört, en clutch und gaaanz vil schmuck gshoppt :p öbe am 6i sindmer wider i de airbnb wohnig gsi und händ alli agfange öis errungeschafte vode zetteli etc. z’befreie haha es riise zügs gsi ah und vorher händs no es foti vo mir gmacht ufem bett liegend mit all dene shoppingtäschene vo allne hehe so witzig gsi =) han dänn müesse MIS outfit vorführe (plus nr. 2 und nr. 3 – wie gseit het mit allne 3ne outfits usechönne) und d’jury häd benotet ;) sogar en schwule kolleg vo mir häd mi via videobotschaft bewertet und mir verrote was höt obig no passiert  dos uf FB eifacher goht, hänki det no es foti a - leider gsehtmer mini schueh und die geili clutch ned hehe – aber han also je 10 pönkt becho und mini ufgab schinbar guet erföllt ;)) i de videobotschaft häds gheisse dassmer am obig gönd go salsa tanze was mi fast hindeuseghaue häd hehe wili doch salsa tanze liiieeebe und mini mädels sind extra mir zlieb mitcho so süess =)) ah und mini salsatanzschueh händs au irgendwie bis barcelona gschafft haha do häd mi GG d finger im spil gha :p dänn sinmder los mitem taxi ines mega geils strandrestaurant soo schön und so fein gsi und mir händ so en omnigeile chällner gha hehe ächt super gsi :p
|
laprincipessa am 25.06.2014
Re: Bräute 2014
han dänn det au wider es spili müesse mache und zwar isch mi locher zum isatz cho hehe :p han mit de polaroid kamera vo de kollegin müesse mit de verschidnigste type (höbsch, hässlich, dick, dünn, alt, jung, nerd, freak etc.) es foti mache und die dänn loche und anes mint satinband hänke :p öbe am halbi 1i sindmer dänn i de salsaclub wo sooowas vo geil gsi isch!!! Goh glaub scho nur wäg dem club gli widermol uf barca hehe ächt geeenial gsi han so vil tanzt und sones fest gha hehe han sogar no es video womer aber ned so vil gseht wenns goht ladi das au no uf FB ;) öbe am 4i (sind scho 24 stund uf gsi) sindmer langsam zrugg id wohnig – am 10ni hämer wider ufmüesse :p als krönende abschluss sindmer dänn am sonntig no de ganz tag a privatstrand chillt händ no fein zmittag gässe und eifach s’läbe gnosse – ich säge öich hans soooooooo mega mega toll gfunde und so gschätzt! Wenn s’hochzyt vode erwartige her au nur halb so perfekt wird wie mis polterweekend dänn isch super! ;))
Sorry för de langi egopost aber ihr wösset jo fangs dassi mi ned churzfasse chan :p
|
nala05 am 25.06.2014
Re: Bräute 2014
hey liebi principessa, dis polterwucheänd dönt soooo super! mega toll wie dini mädels an aaaaaalles dängt händ! soooo schön! au mitem obig zerst z basel mit all dine fraue, ganz, ganz, ganz cool
aso s salsa video und dis mintfarbige kleid git vo mir au no 10pünkt  super!
|
Fanny87 am 26.06.2014
Re: Bräute 2014
oohhh dis Polterweekend tönt würkli genial!! und au s Fotti wod uf fb glade hesch. eifach genial und s kleidli stoht dir sooooooooooo guet!! und übrigens, ich lueg au mega gern shoppingqueen und mini fründinne seget immer wenns da mol idä CH git denn meldets mi ah ;-)
|
lil.lian am 26.06.2014
Re: Bräute 2014
Guete Morge mitenand!
Ville Dank für eui Rückmeldige! Isch no spannend z'lese, was eui Lüt gmacht händ i de Wohnige. Würkli uu schöni Sache..
Weddingbee
Würkli voll härzig was gmacht händ bi eu! Han müese lache, wegem Garte i de Wohnig..
Fara
Au voll härzig was bi eu gmacht händ. Bisch ja richtig am schwärme :) Ja Verwüeschtigsaktione verstahni au voll nöd…
Malinchen
Willkomme zrug :)
Claudilein
Schön, isch eue Hochziitstag perfekt gsi! Gids no en Bricht dezue? 
Laprincipessa
Wooow din Bricht isch ja de hammer!! Voll genials Weekend händer gha!! Und dini Shopping-Usbüti isch ja au de hammer! Shoppe in Barcelona isch halt scho mega lässsig! Und s'Chleidli isch würkli uu hübsch!
Me
Bi eus lauft grad nöd so vill, meh so chlini Sache näbed bi. Chan jeze dänn mini Wimpel afange bastle :) Gester hani mer no zwei Hairpins bstellt wo mer mega gfalled..
Und jeze lauft im Gschäft s'System nöd.. toll..
|
|
|
1 .. 489 .. 975 976 977 978 979 .. 988 .. 997
|
Anmelden
