@Lula: I dänke scho, dass mir das guet no säuber chöi abschaffe. Bi ämu no optimistisch im Momänt
Ja gäu, sones Huus isch äuä es never-ending project, aber macht sicher o Fröid.
Bi üs im Dorf isch am 31. Juli Bundesfiir, aber abgseh vore gratis Bratwurscht, eme 1. Ougustfüür und er Nationalhymne isch das nid viu Da gani lieber süsch nöime ga feschte.

@Nala: Das tuet mer würklech leid was da abgeit und was sech gwüssi Verwandti erloube (eifach e Kollegin mitnäh ohni zfrage, hallo es isch ja nid eifach e Garteparty?) und was sie fürnes Theater ablöh, vor auem wüus am Ändi aus uf dir laschtet und di stresst. Dis Mami isch aber super und macht sicher ds Richtige. I hoffe du chasch das Ganze itz eifach chli gsorget gä, euches Fescht isch nid drvo abhängig, ob die chöme oder nid.

@Blueme: Mi Brutstruss isch sogar 180.-, aber so wieni ha ghört si sie das no schnäu, wenns chli ufwändiger wird. Drfür si mini TZ-Strüssli nume je 50.-, si ja 2 und die chöi guet ou chliner si. Fürs Zivile het mis nur 30.- kostet, isch aber nid vom gliche Ort gsi.

@Pfingsti: Hey so cool mit däm Hochzits-Workshop, das hesch ja wieder mau guet gmacht! Und es riese Komplimänt vo ihre dass ere dini Site gfaut, super!

@b2b: I gloub mir wüsse aui, dass aus wo mir i irgend ere Form im Internet poste, nid würklech sicher isch, ob itz hie oder uf FB. Aber ohni itz da uf dini Usschweifige beträffend Internet-Sicherheit und Identitätechlau necher izgah, mues ig dr Pfingstrose zuestimme, dass mir üses FB Grüppli gärn für üs möchte bhaute. I verstah dini Neugier, aber gründet doch es 2015er-FB-Grüppli

• Zitieren

@nala: oh nei, so doof das ganze Gstürm!!! Zum Glück het sich dis Mami da jetz "drzwüsche" gstellt... Aber muesch luege, am Hochzytstag chasch settigs problemlos usblände. Mir hei ou ä Gast gha wo chli es Rad ab het und mängisch mega cha närve, aber i ha ihn irgendwie gar nid wahrgnoh denn. I hoffe du chasch die letschtä Vorbereitigstäg jetz no i volle Züg gniesse!

@Taeboyana: Du hesch no gfragt wäge de Blueme ir Chille... Mir hei die ou scho am Abä vorhär id Chille chönne ga bringe, hesch scho mal dr Sigrist gfragt? Dr Struss und d Asteckerli hei mir o scho am Tag vorhär becho u hei die när eifach igstellt. Fürd Asteckerli hei mir vor Floristin sone Schale becho wo so Drahtgitter drüber gleit isch gsi, wome d Asteckerli när so het chönne dri stellä. Das isch mega praktisch gsi, chönntsch ou easy sälber bastle mit somne Untersetzer für Pflanze...

@b2b: I verstah dass du gwundrig bisch... Aber gad bide Fotos ischs halt so, dass die da im Forum när würklech für jedä zuegänglech si. Drum zeigi so Sache halt lieber nur denä Froue vo üsem Grüppli, woni vieli inzwüsche ou persönlech kennä.

• Zitieren

ohje Broncos, das scheint dir ja in den falschen Hals geraten zu sein. Entschuldige. Das Ganze tut mir leid. Ich wollte dich nicht kritisieren. Das ist eben das Problem, wenn man beim Schriftlichen keinen Ton dabei hat
Ich fand deine Aussage halt nur etwas komisch, da du dir anscheinend über die Risiken von postings im öffentlichen Bereich bewusst bist, und dich trotzdem auf facebook wohler fühlst. Selbstverständlich hast du nicht geschrieben, dass es dort sicher ist. Bitte nimm meine Entschuldigung an. Es war nie als Angriff gemeint, sondern nur als Aufklärung.

Ich selber komme nicht aus der IT. Unser Trauzeuge hingegen arbeitet für die Polizei in Sachen Internetkriminalität. Da bekommst man halt so einiges zu hören und eben auch, wie unvorsichtig heutzutage viele mit ihren Daten umgehen. ...Aber so wie es aussieht wisst ihr ja alle Bescheid.


Was deine Kritik an meiner Webseite angeht: Die ist überhaupt nicht fertig gestellt. Und wird es wohl auch noch lange nicht sein. Ich hab einfach vor einem halben Jahr mal ein vorgefertigtes Layout genommen und ein paar (sehr wenige) Daten drauf gestellt. Da ich neben meinen ganzen anderen Sachen dafür einfach keine Zeit finde (mache Quantenheilung nur Nebenberuflich), und es in diesem Bereich absolut ohne Webseite geht, lege ich dort zurzeit keine Priorität drauf.

Pfingstrose & Taeyboana & alle 2014ner Bräute:
Dass ihr auf fb eine geschlossene Gruppe seit und das so beibehalten möchtet finde ich vollkommen i.o. Wie bereits erwähnt hab ich ja lediglich gefragt, weil hier immer mal wieder davon geredet wird, dass die Infos / Fotos auf der fb-Gruppe zu finden sind. Ich geniesse es sehr auch bei euch ab- und zu mitzulesen, und v.a. finde ich die Berichte & Fotos über eure Hochzeiten toll! Es ist so schön mitzuschwärmen und mitzuträumen. Wo sonst kriegt man schon die Gelegenheit dazu bei so vielen Hochzeiten "dabeizusein"?

• Zitieren

Hallo dir Liebe

Melde mi ou wieder mal da;O)
Bi auso scho langsam chli nervös es geit no 1.5 Wuche und ner isch de Tag endlich da und es git trotz aller Vorbereitig womer scho im Vorrus hei chönne mache haut glich aube no viu abzkläre und Details die letschte Täg….

Taeboyana
Wow öii to do liste isch ja ou mega gschrumpft;O) I wired e clutch ha und e grosser, wiisi Täsche woni mire Trouzügin wirde geh. Am abig am tisch hanis de sicher bi mir nöime…;O)

Nala
Du hesch würkli ou nüme viel z tue – ou ja packe isch bi mir ou agseit!! Wivil nachem Fescht ghöt dir nöime?? Das tutetmer u leid für di das ganze Gstürm….i hoffe dass du das chasch vorusse loh und di so riiiiichtig uf öie TROUMTAG fröie und abschalte! Es geit ja nume no 3 Täg juhui!!!!!;O) und hesch gseh was für hammer wetter wott nach dere lange Rägephase??;O)

Pfingstrose
Ou liebe auf umwegen muesi demfall ou mal ufneh;O) isch würkli unes schöns shooting mitder malin gfalltmer super!

Blueme
Mi Struus vom zivile hani selber gmacht spontan;O) und fürs kirchliche hani 200.- igrechnet ha aber ou ne ganz us wiise orchideeblüete und weiss nid wie tüür de wird…chunnt äuä mega ou ufd blueme drufab wome nimmt??

• Zitieren

Nala
Wegem Lied, händer eu scho entschiede wie ihers möched? Und wenn iher de TZ oder susch öberem säged, sie sölled dänn au uf Tanzflächi cho und mittanze?
Ja bitte, de Dank isch au uf minere Siite :) Wünsche dier no zwei ganz schöni Vorbereitigstäg und nöd no zvill Stress.. (Duesch no fliessig de Entspannigstee trinke ) Hoffe au, dass es schlussendli klappet mit de englische Family..

Pfingsti
Und häsch zuegseit für de Workshop?

Bruutstruus
Danke für eui Rückmeldige wegem Bruutstruus..
Ich han i de Offerte en chlinere, rundbunde für CHF 85.- und den fürs Fäscht chostet er CHF 120.-. Es isch eigendli nüt speziells, han eifach gseit ich möcht en gern natürlich, nöd gross Draht, Perle und so Sache und bi de Blueme hät sie gschriebe Rose, Achillea, Summerblueme.. Und d’Farbe wäred hellrosa, apricot, wenig grüen und wenig wiis.. Find de Priis für beidi abr irgendwie gnueg.. :-/

Me
Ich han vor me Monät no so es runds Ringschachteli uf Etsy bstellt und afangs Wuche hät sie mier eifach d’Bstellig storniert, wills ihre ziitlich nöd langet. Han den nomol gschriebe, dass ichs glich gern heti und uf wenn sies mier chönti schicke. Jez hät sie gschriebe, es gächi 5 Wuche für die Bstellig. Hät mi grad extrem gnärvt, ich han ja bereits en Monät gwartet.. Grrr.. Tja, jez luegemer, dass mers sälber chönd bastle. Han gester no es runds Schachteli im Migros Do it gfunde und duen das no amale und chli bastle..

• Zitieren

Taeboyana: Weni scho so druf igstellt gsi wer wegem Übe fändi glaub jede Tag mega lang zum warte! :) Bisch also ganz relaxed! Cool!

Lilian: Nei han am Workshop nonig zue gseit wills eigentlich immer no sehr tür isch. Weiss eifach nöd obs mer das scho wert isch! Usserdem... Hani d Chance vo de Nala übercho a ihrem Hochziit zfotografiere! Hammer, oder?!

Nala: Und bisch im Endspurt! Beauty Tag isch immer super! Wenn gönd ihr morn is Hotel? Ha, ich finds imfall so cool, dass mir eus jetzt kännelerned! Du wirsch ganz en schöne Tag ha. Richtig kännelerne chömmer den es andersmal! :) Wemmer mal no churz Maile?! Ich würd so gern no paar Sache wüsse... :) Nüt mega dringends, wichtigs... Aber so chli zum mich zrächt finde und dich nöd störe am Hochziit!

Me: Bin wieder i dem doofe Team wo mer abartig viel ztue hend! Und min GG het mich hüt morge gad no uf Palme bracht. Er isch so en Luunische mängisch! Haha! Jetzt duni hald eifach au chli bocke! Wobie nöd mal bewusst, han eifach kei Ziit... :)

• Zitieren