Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   dirty dancing hochzeitstanz
dirty dancing hochzeitstanz
 1 2
nordliecht  am 05.05.2008

dirty dancing hochzeitstanz

mädels bringen wir unsere männer soweit so was zu machen. wäre ja der hammer

http://de.youtube.com/watch?v=ZYhlm9GTAQ0


miär freyid eys uif de 6. septämber 2008 :-)



madmadi  am 05.05.2008

Re: dirty dancing hochzeitstanz

jöööööö!!! mi schatz wott leider om's verrode gar ned tanze! na ja...

Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!



passiondream

nicht registriert

am 05.05.2008

Re: dirty dancing hochzeitstanz

so öbis wär natüerlich voll de hammer...aber i glaub eher weniger, dass i min zuekünftige derzu cha bewege.



nordliecht  am 05.05.2008

Re: dirty dancing hochzeitstanz

also ich glaibs ai nid, dass mier es so weyt schaffit. immerhin, fangit mier am donnstig mal mit em ne standardtanzkurs aa.
i de erschte verliebtheit het mey schatz mier ja nu en salsakurs versproche.....wenigschtäns isch er iiverstande, dass mier a de hochzeyt zämä tanzit. ich glaibe innsgeheim freyt er sich ja

griässli
nordliecht


miär freyid eys uif de 6. septämber 2008 :-)



Yasi  am 05.05.2008

Re: dirty dancing hochzeitstanz

Min Liebschte hät sich zerscht strikt gweigeret mit mir en Tanzkurs z'mache. Mittlerwiile findt er scho sälber, dass mir mol eine sötted mache. Aber gad eso en Tanz und denn no so guet, das schaffed mir nie. Usserdem findet er Dirty Dancing nöd so de Hit.

Nordliecht, also falls ihr so öppis mached, wetti denn au gern s'Video gseh.


Mir froied ois extrem fescht uf oises Hochzig am 1. August 2009!



nordliecht  am 05.05.2008

Re: dirty dancing hochzeitstanz

vergiss es yasi, dass mit em dirty dancing. eher leyt zwei meter schnee am 6.septämber bim uszug uis der chilä, als mey schatz dänk nu solo am schluss vo dirty dancing tanzt

meyni erschtä liebeschummer han ich halt mit dirty dancing gheilt, dezu scho immer gärn ai freejazz tanzt. drum meyni liebi zu dem film

nordliecht im bruithormonfieber


miär freyid eys uif de 6. septämber 2008 :-)



Pilz  am 05.05.2008

Re: dirty dancing hochzeitstanz

Hey Ihr
Ich han gfundä ich zeig mim Schatz das und er isch mega begeisterät. Mer muän däzuä sägä das er liedeschftlich gern Musicel luägt veraelm das. Mal luägä öb mir das stand bringäd und das chönd uf dä Parket legä :-)
Wünsch eui viel Spass bim übä.
Grüässli Pilz
Mir hüratäd am 20.6.2009 jupi



smil09  am 06.05.2008

Re: dirty dancing hochzeitstanz

Min Fründ hät zersch au nüt vo tanze wölle wüsse. Dänn hämmer aber im Hinblick uf's Hochzit än Tanzkurs gschenkt über cho. Und es het em gfalle! Am Schluss hät us dä Tanzlehrer d'Date bekannt geh vom Fortsetzigskurs. Und ich hanen gar nüme müese bearbeite. Es isch au für ihn eigentlich klar gsi, dass mer wieter mached, d'Frog isch nur gsi öb mer grad wieter mached oder ersch spöter. Mier händ üs dänn für dä Herbscht entschiede wil mer vor em Hochzit suscht gnueg z'tue händ und nöd no än Obig me fix wönd verplane und wil mer im Summer au gärn dusse s'Wetter gnüssed. Für Dirty Dancing langet drum üsi Kenntnis no nöd. Aber än Walzer chömer anelege und au äs paar anderi Standarttänz. Uf jede Fall, mis Fazit: mer mues d'Manne mängmol zu ihrem Glück zwinge



madmadi  am 06.05.2008

Re: dirty dancing hochzeitstanz

Das fröit mi för öich.

I kämpfe sit nünehalb Johr ond er wott eifach ned! Ou wenn scho meh als ei Ma verzellt het, dass er zersch ou ned het welle ond denn hell begeischteret gsi esch.

Es sägenem alli, dass er denn am Hochzit wird müesse tanze, aber das isch ihm glich. I ha jetzt mou gseit, i wörd zwar u gärn, aber wenn das för ehn so en Qual sig, tüegine ned derzue zwinge. Schliesslech goht's a däm Tag um öis beidi ond ned nor om mech. Trotzdem: schad!

Gniesset's denn also, wenn ehr öichi Manne derzue brocht händ!

Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!



dodo10  am 06.05.2008

Re: dirty dancing hochzeitstanz

Hallo zäme!

Wenn ich so ghöre, dass eui zuekünftige Manne nöd wend tanze, bin ich ja mega froh, das mine sich da nöd querstellt. Er isch sogar dä grösser Tänzer vo eus zwei. Er hät früehner Sport-Rock'n'Roll tanzed... aber dänn natürli grad richtig mit Turnier und so...Einisch sinds sogar bis uf Budapest

Vilicht chönders ja glich na überzüge und sust ischs au nöd so schlimm!!

Grüessli dodo10


Dä 14. Juni 2008 chunt immer nöcher...!



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.