| Passwort vergessen?
Sie sind nicht angemeldet.  Anmelden
Diverses....
 1 2
13.11.07 14:31
serry 
Diverses....

HI Girls

Mer hürotit am 24.05.08 ond hend scho velles zäme.
D Chele en Lozärn ade Rüüss, S Hotel ond Rest. für Apero ond Ässe, Iladige send scho all verscheckt. Au d Reng hemmer noch üsne vorstellige lo mache ond hend si scho de hei ide Schublade.... fallt mer huere schwär, de ned azlegge.... heheheh
De Dj hani au scho buecht, sowie de Fotograf, S Chleid au scho...
wow, weni mi do sälber so ghöre bzw. läse, hani jo werklech scho velles organisiert.. hahahahha..

jedefall hed öpper en schöni Idee, för Gastgschänk
Möchid ehr es Wonschbuech?
Fletterwoche?

Grüessli

manuela

07.12.07 11:49
Simonetta 

Re: Diverses....

Hi serry,

das brucht halt alles au sini zit, chasch deför chli pausiere chorz vor de hochzit und di nor uf dini "nervlichi und ufgregti" situation konzentriere. mer händ au s'meiste scho, ez fähle nor no d'extras.

als gästegschänkli findi ez voll de hammer (het mini kollegin so gmacht), wenn jedem ufem tisch en zigarre anetuesch. das esch öppis wo denn evtl. jede a dem tag au raucht und sich weder zroggerennere tuet. d'gäst händ emu mega de plausch gha. oder en kogelschrieber mit euchem name und datum.

flitterwoche hämmer nonig gross planet, ehr wösset scho woane?

lg


07.12.07 14:20
serry 
Re: Diverses....

HI Simonetta

Ech glaube ech mache nor d Mandlesächli.,,,.....
Weisch, jedem es Gastgschänk mache, choschtet äbe au weder öppe 800-900 Franke. Es werd äbe soscht scho alles rächt tüür, s Ässe, Apero ond Gsang ide Chele....
Kogelschriiber met Nämeli gfendi au no gueti Idee.
Das mett de Zigarre weniger, stell der mol de Gstank vor, wenn am Schloss all Zigarre det enne rauchid..

Schlössuahänger esch au no en gueti Idee...

Möchid ehr i dem Fall Gaschtgschänkli?

D Fletterwoche semmer emmer no am öberlegge... ech flüge äbe ned gärn mega wiit, obwohl i onbedengt mol uf KUBA wett.
Mallorca oder en Mettelmeerchrüzfahrt esch au no es Thema....
Ond ehr? scho es Wonschziil?

LG

Serry

Kirchliche Trauung 24.05.08

07.12.07 14:48
Lela 

Re: Diverses....

Hallo zusammen

macht ihr die gastgeschenke selber oder kauft ihr die?
hat jemand einen tipp wo es das gibt oder wo ich mir ideen holen kann?

wir werden für die männer cigarren besorgen (ist ein brauch in spanien) und auf der verpackung stehen unsere namen und das datum. jedoch fehlt mir noch was für die frauen - mandeln gefallen mir gut, bloss weiss ich nicht wie einpacken!??

grüessli

Lela

07.12.07 14:55
Simonetta 

Re: Diverses....

ja wir machen gastgeschenke, aber in italien gibt es eine viel "teuere" tradition. wir werden etwas aus glas schenken, evtl. eine kleine vase oder ähnliches. neu gibt es jetzt, dass mann auf den confettis die namen "eingravieren" kann. eine verkäuferin in lenzburg hat mir das vorgeschlagen, klingt natürlich super gut! oder es gibt auch so kleine törtchen-stücke aus karton mit einem paar obendrauf. wenn man diese zusammenfügt sieht es wie eine echte torte aus=) finde ich au noch lässig.

kuba ist eine wunderschöne destination, würde bei uns evtl auch in frage kommen, oder auch dubai. wir machen jetzt aus diesem grund 1 jahr keine ferien und arbeiten durch, dafür haben wir nach der hochzeit 4 wochen ferien =))) jupiiii...

http://www.ilregalino.ch/sites/produkte.php

schaut mal hier rein...evtl. könnte es etwas sein für euch.

lg

07.12.07 15:21
smil09 

Re: Diverses....

Miär machäd au sälbär öppis. Weiss zwor no nöd gnau was, s'wird aber enär eifach ä Tischdekoration wo zu üsäm Motto (Asien) passt si, womä dänn au cha mitneh. Bi no au no uf dä Suächi nach guätä Ideä.
Wunschlischtä simmär au dra. Diä wird dänn uf üsärä hoffentlich bald existierende Homepage si. Miär lönd üs eifach d'Flitterwuchä schänkä und zwor vier Wuchä Indiä (womär wiä mär üs gwöhnt sind i eifachä Hotels wärdäd logiärä) und dänn no zwei Wuchä Malediven (chli meh Luxus). Miär händ jetzt dänn ebä au äs Johr fascht kei Ferie und dänn dävür grad 6 Wuchä. Miär hürotäd im Mai, gönd aber dänn ersch im November i d'Flitterwuchä (miär chönd dänn besser frei neh). Nach dä Hochzit mached mär no äs paar Wellnesstäg in Östrich oder so.
Serry, Kuba isch uf jedä Fall schön. Mai - Oktober isch aber Rägäzit. Miär sind im Oktober gsi und händ dänn sogar än Hurrican erlebt. Da isch weniger schön gsi, aber suscht isch Kuba herrlich.
Und übrigens, Serry, wäni so lies was iär scho alläs gmacht händ, dänn chumi fascht Angscht über...Miär hürotäd am glichä Datum, sind aber no lang nöd so wit. Miär händ erscht mit allem chli agfangä. Restaurant und Chilä isch aber wenigschtens reserviert. Um alles anderi wömmär üs dänn nach dä Wiänacht no intensiver kümmärä. Freu mi uf jedä Fall.

10.12.07 10:53
serry 
Re: Diverses....

@smile09 und an alle
HI Girls
ech weiss, mehr hend sehr früeh agfange organisiere. Aber wennt s Resti ond d Chele hesch, denn esch s wechtigschte scho mol gmacht.
Aber wörd uf jede Fall grad Afangs Jan. wiitermache, met organisiere.
Ned das denn plötzlech völlig i Stress chonsch, ond denn am Schloss z Sach öberstörzt ond ned guet öberdacht wählsch ond organisiersch.
Aber viellecht besch du au ned so kompliziert wie n ech... hihihihihihi
Aber s Chleid hesch scho? das got amigs au mendeschtens drü mönet bes es gleferet werd.....

Merci no a alli för d Typs för d Ferie...

Am Wochändi beni no emmne Bastellade gsi, ond ha öppis guets gseh: jetz machi als Teschchärtli en Art Fotiständerli woni d Namenstäfeli cha dri chlemme ond d Lüüt chönd denn dehei, ehri eigete Föteli dri tue... ond s Motiv passt äbe au grad zom Iladigschärtli, welli denn a beidne Orte Tube drofe ha....

Öbrigens das mett de chline Setkfläsche gfendi au en mega cooli Idee !

Bluemegschäft hani au scho för Offertene agfrogt. Ech liebe Lilie, aber weiss ned, öb das bem ässe z fescht noch Blueme schmöckt, well die rächt en starche Doft hend. .... was nämid ehr för Blueme?

LG

Serry
Kirchliche Trauung 24.05.08

31.01.08 12:52
Smiley2 
Re: Diverses....

Hallo du
Lueg mal uf www.sokart.ch - mir händ döt Sektgläser mit igraviertem Logo, üsne Näme, em Hochziitsdatum und en Vorname vom jewilige Gast mache loh! Isch suuuuper acho und nid so tüür. Glas inkl. Gravur und Gastname hät 6.90 pro Gast kostet. Mir händ dänn däzue ganz eifachi Tischchärtli gmacht und id Sektgläser no Herzlischöggeli tue. Üsi Gäscht sind begeisteret gsi!
LG Claudia (www.wirheiraten.ch/claudiaundphilipp)

31.01.08 20:28
visagistin 
Re: Diverses....

du hast die visagistin vergessen

01.02.08 09:07
trulla09 
Re: Diverses....

hallo zäme

das mit dene gravierte gläser hani au gseh und findes genial...

wasi au u schön finde isch, wennd TEELIECHTLI sälber baschtlisch und grad mitem name aschribsch (dänn sinds au grad platzawiiser)...
das ganze entweder in serviette-technik i de gliche farbe und forme wie d iiladig, namesastecker usw oder mit schönem spezialpapier... was au gaht, wennd susch schochli feriestiimmig gäsch: verschiedefarbene sand iifülle und dänn es duft-cherzli (gits ja i verschiedene farbe) druflegge...

für ganz romantischi gits na d SCHNEECHUGELE: eifach leeri konfi-gläser neh, i de apotheke sterils wasser chauffe, denn irgend es plastik-sujet, knettmasse oder irgend öpis wo a euch erinneret neh, evtl na d initiale vom gast, dänn alles am deckel amache. pailletten oder glitzer mitem sterile wasser is glas ifülle, d gläser umgekehrt (schruubverschluss nach obe) und offe is warme wasserbad stelle (blibt länger gut und hät dänn au weniger luft im glas...) und dänn de deckel GUET zuetue, evtl. sogar liime... jetzt nur na schüttle... juhu

findi uuuuh herzig, isch au en gueti idee als platzawiiser...

brucht öper na meh idee? han scho na es paar

grüessli

 1 2
claudiaundphilipp   zroggerennere   Appenzellerland   serviette-technik   Kogelschriiber   Mettelmeerchrüzfahrt   Tischdekoration   gästegschänkli   Diverses   törtchen-stücke   Gaschtgschänkli   Herzlischöggeli   Schlössuahänger   Hochziitsdatum   Iladigschärtli   gastgeschenke   kogelschrieber   verschiedefarbene   Appenzellerbiber   schruubverschluss