| Passwort vergessen?
Sie sind nicht angemeldet.  Anmelden
Einmarsch in die Kirche
 1
15.09.08 14:38
maju 

Einmarsch in die Kirche

Hallo zusammen
Ich habe da mal eine Frage. Mein Freund und ich möchten nicht unbedingt zu Orgelmusik in die Kirche laufen. Wir haben eine Band welche uns während der Trauung musikalisch begleiten wird (Freunde von uns). Jedoch möchten wir von Ihnen nicht verlangen, dass Sie eine schöne Balade oder so einstudieren müssen! Könnte man auch einfach Musik ab CD laufen lassen?
was meint ihr dazu? oder habt ihr sonst noch Ideen?
merci viu mau
mir hürate am 02.05.2009

15.09.08 14:54
madmadi 

Re: Einmarsch in die Kirche

Sali Maju, hmmm, das könnte man vermutlich schon, aber denkst du nicht, fragen könntet ihr mal? Die haben ja jetzt auch noch genügend Zeit, etwas einzustudieren (vielleicht möchten Sie euch mit der Stückwahl auch überraschen). Wenn die nicht wollen, sollen sie's sagen, aber i könnte mir vorstellen, dass die das gerne machen für euch... und es wäre sicherlich schöner, als etwas ab CD, nicht?

Grüessli
madmadi


Sit em 8. August 2008 glücklichi Ehefrau!

15.09.08 15:03
maju 

Re: Einmarsch in die Kirche

ja schöner wärs scho.... aber äbe, i dänke so ä schöne Song izstudiere isch nid ganz ohne. was heit dir fürnes Lied gwählt?
mir hürate am 02.05.2009

15.09.08 16:26
madmadi 

Re: Einmarsch in die Kirche

feather theme usem film "forest gump" - isch instrumental gsi.
aber frog si doch emou... so veu lüt send happy, wennsi eme brutpaar för'd hochzit öppis chöne z lieb tue, das glaubsch gar ned! ond es goht no fasch nün mönet, wenn'd das dene gli seisch, chöne si secher no öppis mache. klar isches ned ganz ohne, aber es esch ou kei... chonnt mer grad kei verglich i senn - aso, wasi meine, das liess sech secher mache!
wieso dänksch de, dass ene das z veu wär?

Grüessli
madmadi


Sit em 8. August 2008 glücklichi Ehefrau!

15.09.08 16:39
maju 

Re: Einmarsch in die Kirche

ja wüu beidi si rächt anggaschiert u hei geng chli viu um d Ohre, u für d singe ir Kirche düe mir aues Lieder wähle wo si scho chöi! aber viellicht hesch rächt, viellicht düe sie würklich gärn öpis mache für üses Hochzyt! mir söte eifach frage, sie chöi ja geng nei säge
ou dir heit ganz äs schöns gha........... het sicher hüenerhut gä
mir hürate am 02.05.2009

15.09.08 17:34
madmadi 

Re: Einmarsch in die Kirche

Oh ja, es esch seeehr fiirlech und fiin gsi (mini Schwoscht het's ufem Klavier gspielt). Total schön gsi! Hammer!!! Und es git höt no Hüenerhut...

Richtig! Sägene das doch eifach, du wössisch, dass si geng veu um d Ohre heige, und si dörfe der's ou ehrlech säge, wenn's ene z veu wär - aber ehr wörded öich fröie, wenn si öich zu Izug das und das täte singe/spile... si sölle dröber schlofe u sechs mou öberlegge.

Grüessli
madmadi


Sit em 8. August 2008 glücklichi Ehefrau!

15.09.08 20:35
chickpea 

Re: Einmarsch in die Kirche

Hallo maju

Also ich bi au dr Meinig, dass du die zwei darfsch froge öb sie das Lied für dr Izug würde istudiere. In ere Chile öbbis ab CD lo spile find ich sehr schad, schliesslich isch der Izug vo der Brut e ganz en spezielle Momänt vo der Trauig. Viellicht hätte sie jo au en Idee vo eifach wär zum Istudiere.

S wär schad wennds hinterher würdsch bereue sie nid gfrogt z ha.

Gruess chickpea

 1
überraschen   Einmarsch   möchten   Grüessli   izstudiere   anggaschiert   viellicht   schliesslich   einzustudieren   einstudieren   vielleicht   Orgelmusik   hüenerhut   instrumental   sicherlich   glücklichi   vermutlich   istudiere   musikalisch   vorstellen