| Passwort vergessen?
Sie sind nicht angemeldet.  Anmelden
es chlises Problem
 1
07.05.09 21:53
romana 
es chlises Problem

Hoi zäme,

ech han es chlises Problem.
Min Ma wot am Hochzyt kei Gravate alege.

Isch das schlimm ?
Störed sich ächt üse Gestcht a dem ?

Wie hend ihr euri Manne chöne überzüge ?

Gruss

Romana

07.05.09 22:54
frani 
Re: es chlises Problem

also ich find das persönlich nid schlimm - und es würd mich als gast sicher nid störe. aber mir gfallet krawate eigentlich allgemein nid so.
es chunnt sicher au chli uf e "stil" vor hochzit drufa - und was di zukünftig süst anhet. mir hüratet zum bispil sehr informell und firet uf ere heubühne. ich weiss nid, was mi fründ wird alege (isch e überraschig ), aber ich dänk, er wird au kei krawatte nä. und ich find das völlig ok.
ich dänke, mit em ne schöne astecker, etc. gseht das sicher glich festlich us....

07.05.09 22:59
surri 

Re: es chlises Problem

Sali Romana

Mir hei dr Kompromiss gschlosse das er d' Kravatte a dr Trauig und für d' Phöteli ahet!

Aber i finds au nit schlimm

Cu Surri

08.05.09 08:20
Frangipani 

Re: es chlises Problem

Hoi Romana
Da gahts mir glich wie dir Mine isch au überhaupt nöd dä Kravatteträger, und ich nimm au nöd a dass er usgrechnet am Hochziit eini wird alegge Eventuell e Flüge? ...ich wird sis Outfit aber erst ide Chile gseh, isch au für mich e Überraschig!

08.05.09 09:21
schusseli 

Re: es chlises Problem

Ich find mer döf eigentli alege, was mer wett. Und wenn dini Zuekünftige eh nöd so de Kravatteträger isch, denn find ich, mun er au a de Hochziit nöd umbeding eini azieh. Ich find, mer sött glich no so usgseh, wiä mer au sust chli isch. Sust wirkt das denn alles chli künstlich und das find ich schad.

Schön find ich au, wenn de Maa eifach es Blüemli agsteckt passend zum Brutstruss het. Denn find ich e Kravatte sowieso nöd umbeding nötig.

Ich wird mine au nöd zwinge.

Am 05.06.2010 wird euse Troim wahr

08.05.09 12:08
nina11 
Re: es chlises Problem

Hallo du

mer hürated am 20.06.2009 (nur zivil) und min fründ wird also au keini alegge, obwohl ich imene rächt elegante hochzitschleid chume.
ich finde, dass er das sälber entscheide muess. es fäschtlilchs outfit hanged minere meinig au ned unbedingt nur vonere kravatte ab.

ich han aber mine chönne überzüge defür es ganz speziells, elegants hämd azlegge. das gseht im fall hammer us!

was ich aber uf jede fall würd mache isch en vermerk i de iladige, damit dgäscht informiert sind, de chunnt sich sicher niemmer blöd vor. so händ mir das uf jede fall gmacht!

viel glück und en gruess

ps. wänn ihn doch wetsch überzüge, versuches mal mit emen elgante brutmodegschäft. evt. chönd die ihn ja überzüge... =)

12.05.09 10:42
Boo_1982 

Re: es chlises Problem

mir geits da glich wie frani. chunt haut ufe stil vor hochzyt druf a. mir hürate ufem schiff u när ire blockhütte, de muess das nid unbedingt si. ha mim zuekünftig gseit, dass är keni müess alegge, we är nid wett, aber är wirds äuä trotzdäm vo sich us mache... är seit mir ja o nid, ig müess unbedingt ä schleier, äs diadem, äs wisses chleid etc trage. är überlat das aues mir, aber natürlech kennt är mi, dass ig mi wett mega schön mache mit chleid etc...
me muess sech haut vilech doch überlege, ob me de dr maa hüratet oder sini alegig... ig meine, du liebsch ja sicher ihn!

mir kenne üs sitem 31.12.1998
verliebt somit scho sit Ewigkeite, aber...
mir si sitem 28.10.2005 äs Paar
verlobt sitem 14.04.2009 in Paris ufem Eiffelturm
Ziviltrouig am 13.08.2010
Trouig ufem Schiff am 14.08.2010

 1
Überraschig   Kompromiss   chlises   Zuekünftige   überraschig   hochzitschleid   eigentlich   brutmodegschäft   informiert   entscheide   Kravatteträger   Brutstruss   Problem   persönlich   Ziviltrouig   Eiffelturm   fäschtlilchs   überzüge   unbedingt   Kravatte