| Passwort vergessen?
Sie sind nicht angemeldet.  Anmelden
Hochzeit an Silvester?!
 1 2
07.02.07 18:33
Andromeda 

Hochzeit an Silvester?!

Hallo Zusammen
Wir würden am liebsten an Silvester kirchlich heiraten, da das unser Jahrestag ist. Heiratet hier jemand an Silvester, oder weiss jemand, ob das überhaupt möglich ist?
Danke für eure Antworten!

08.02.07 10:56
Teenspirit 

Re: Hochzeit an Silvester?!

also de 31.12. isch jo en normale Arbetstag, vo dem her dänk ich scho, dass das möglich isch. Chan mer aber no vorstelle, dasses denn schwerig werd en Band und e Fotograf u.s.w. för denn z finde.

PEACH & ANI heiraten am 28.07.2007

08.02.07 11:08
krindli 

Re: Hochzeit an Silvester?!

Ig findä das ganz ä cooli Idee u chunt bi öinä Gescht sichär guät a!!! Das isch mega speziell, abär ig chönt mir ou no vorsteuä, dass äs so diä einti odär andäri Schwierigkeit mit sich bringt, abär machbar isch doch das uf jedä Fau!!! Wichtig isch eifach, dass Dir jetzt föt afo organisiärä...


Wedding: 23.06.07
www.karinundstefan.ch

08.02.07 11:22
Ronia 

Re: Hochzeit an Silvester?!

Also ich finde das au ganz en gueti Idee. Isch voll es speziells Datum. Aber äbe es chönti es paar Schwierigkeite ghä, wo am ene andere Tag nöd häsch. Ich würdi vorallem d'Location frühzitig reserviere, da a dem Tag halt viel Restaurants e spezielle Silvesteralass händ.

08.02.07 11:55
krindli 

Re: Hochzeit an Silvester?!

Genau, uds Catering sött mä äuä ou grad so schnäu wiä mügläch planä!
D'Iladigä würd ig ou nids spät verschickä, für diä Lüt, wo ihrä Siuveschtär scho äs Johr zum Vorus planä!! Smile!!

Ig dänkä jetzt wär sowieso grad dr bescht Zytpunkt mit dä Hochzytsvorbereitigä azfo!!

Viu Spass drbi....

Wedding: 23.06.07
www.karinundstefan.ch

08.02.07 13:57
Ronia 

Re: Hochzeit an Silvester?!

Ja wenn er nu a dem Silväster wänd hürate, isch jetzt würklich en guete Zitpunkt zum afange plane. de letschti Silväster isch gad dure und die meiste händ sicher no nöd so wit überleiht.

08.02.07 17:27
Andromeda 

Re: Hochzeit an Silvester?!

hey ihr,
danke für euri antworte. mir händ gester mal chli nach locations umegluegt und so im internet häd eus s'schloss liebegg mega gfalle!! han denn au grad es mail gschriebe und die hätted aso am silvester tatsächlich no frei!! sie händs jetzt mal zwei wuche vorreserviert und mir müend eus halt eifach bitz schnell entscheide ! aber es wär halt scho mega genial und öpis speziells! mir gönd jetzt mal am samstig alles vor ort go aluege und denn luegemer wiiter.
ja stimmt, weg musig müesst me dänk au scho bald luege...catering wär dört ufem schloss alles däbi.
bi mega gspanne uf de samstig !
liebs grüessli, andromeda

08.02.07 18:28
Teenspirit 

Re: Hochzeit an Silvester?!

SChloss Liebegg isch schön, dass hämmer eus au aglueget. Hesch glöck, händs ders chönne 2 Woche reserviere, ich ha müesse innert 2 Täg Bscheid geh bim Heidegg

PEACH & ANI heiraten am 28.07.2007

12.02.07 06:28
Andromeda 

Re: Hochzeit an Silvester?!

hi ihr!
also mir sind am samstig s'schloss go aluege und es gfallt eus super!! ich dänke es staht scho fast fest, dass mir euses fäscht dört werded mache...chamers grad vorstelle, wenns überall cherze häd, und dusse fakle und es füür!
teenspirit: wieso händ ihr euch denn degäge entschiede?

schöne tag!

12.02.07 07:40
Teenspirit 

Re: Hochzeit an Silvester?!

Mer händ ebe anes Ort welle, womer ned anes Catering bunde esch und s Heidegg isch för eus nöcher gsieh.

PEACH & ANI heiraten am 28.07.2007

 1 2
Silvester   Informationskontrolle   Hochzytsvorbereitigä   anschliessen   Silveschter   romantische   Silvesteralass   Reschtaurant   karinundstefan   tatsächlich   Schwierigkeite   vorreserviert   reserviere   Dienstleister   speziells   Hochzeitstag   organisiärä   Hochzeit   Schwierigkeit   schlussendlich