| Passwort vergessen?
Sie sind nicht angemeldet.  Anmelden
Hochzeitsbericht
 1
11.07.07 17:06
kki 

Hochzeitsbericht

Villicht chan ja dä eint oder ander devo profitiere oder es interessiert öppert

Zivilhochzeit:

Es isch en super Tag gsi! Mir sind mit eusne Trauzüüge, Tafelmajorin, Eltere, Brüädere und minere Grossmuetter uf s Zivilstandesamt in Dielsdorf. Wo mir use cho sind händ eus zwei Sängerkollegine vo mir mit ihrne Chind überrascht mit Herzli uf dä Stägä und dänn hämmer under Herzliballöön muesse durelaufe. Dänn useme Lindtuech es Herzli uusschniide und dänn häts no es Glas Freixenet zum Aastosse gä und Erdbeeri.
Dänn sind die 3 Kutsche cho wo ich organisiert han und mir sind e gueti Stund idärä schöne Gägend umekutschiert worde. Dänn hämmer zume super Apéro halt gmacht und mit dä Kutsche isches nomal 1 Stund zrugg gange. Am Abig simmer is Restaurant Sterne in Flaach all zämä go ässä gange. Dä HP und ich händ s feini Spargelmenü gha, hmmmm.
Nacher simmer hei gange und händ no eusi Hochziitsnacht gha
Es isch en super, unvergässliche Tag für eus beidi gsi. Und jetzt simmer Maa und Frau

11.07.07 17:07
kki 

Re: Hochzeitsbericht

Kirchliche Hochzeit:

Dä Samschtig isch dä Hammer gsi, am Morge zum Frisör und Makeup. Dä Frisör hät e Ewigkeit gha! Düänd luege, dass ihr det gnueg Ziit iirächnet. Mine het eifach mit Babylissle und chli ufestecke gschlagni 110 Minute gha! Dänn husch hei is Chleid, all Assesiore ane (d Händshcli hani vergässä, hani dänn bim Fotitermin gmerkt, woni so chalt gha han ) und dänn händ dä HP und ich eus s erscht mal in Vollmontur gseh. Er hät Hammer uusgseh! Und ich han ihm offsichtlich au gfalle Dänn simmer 2 Stunde go föttele. Gottseidank hät dänn s Wätter ghebt, mal häts bitzli gfiserlet. Aber s isch rächt chüäl gsi, defür isch mir bi därä Temperatur dänn s Makeup wenigschtens nöd abegloffe Dänn isch d Limo cho (mit 25 Minute Verspötig!!! Guet hämmer si 15 Minute z früäh bstellt!) und mir händ d Trauzüge und Tafelmajore zur Chile transportiert. Dänn sind mir beidi nochli umegfahre und wieder zur Chile, dä HP isch uusgstige und ich han nochli gwartet. Uusgrächnet wo ich dänn au han müässä uusstiige häts wieder aafange rägne, janu. Dänn bin ich dänn mit mim Papi inegloffe. Dänn hämmer e wunderschöni Trauig gha, mit sälber uufgseitem Trauverspräche! Und ich han nöd müässä hüüle Euse Ringträger isch so herzig gsi, und das Ringchüssi wo eusi Tafelmajorin gmacht hät isch au mega gsi! Und dänn sind d Bluememeitli vor eus use gloffe, mega herzig! Und dänn simmer no schnell dusse gsi. Eusi Lüüt händ als Überraschig Tuube gha wo mir händ flüüge la. Dänn simmer ine go dä Apéro eröffne und d Gratulatione entgägä nä, dänn hämmer mit dä Gäscht gföttelet. Dänn händs no Ballön gha, mir händ ganz en grosse dörfe stiige la und alli andere en chliine miteme Chärtli dra, wo öppis druf staht wo si eus schänked/mached, wänn öpper dä Ballon findet und zrugg schickt. Dänns imemr im Konvoi uf Uitikon Waldegg gfahre und dä HP und ich sind mit dä Limo wiiter is Uto Kulm ufe gfahre.
Am Abig häts feins Ässe gä und lässigi Unterhaltige und Spiili und es super Gäschtebuech händs eus no gmacht. Min Papi hät e herzigi Eröffnigsred ghalte. Min Papi hät sogar äxtra en Film wo ich es Baby bin und si dozumal gfilmet händ la zämäschniide la. Leider ischer uf em Laptop nöd gloffe. Das eine mal wonich dänn dä Film vo minere Baby-Ziit gseh han und wo ich am Sunntig über dä Tag naadänkt han und s Gschänkli vo dä Trauzüügin uufgmacht han und s Ringchüssi mal richtig gseh han, isch s einzig mal gsi wo mir vor Freud d Träne abegloffe sind. Am Hochziit hani dä ganzi Tag immer es Lache uf em Gsicht gha. Dänn händs no Slideshow mit Fötteli vo eus gha. D Strumpfbandversteigerig isch au dä Hammer gsi, d Manne händ sich drum grisse Dänn euse Hochziitstanz isch au super gsi, obwohl mir es paar Patzer drin gha händ, wills halt doch öppis anders isch mit some lange Chleid z tanze. Und all sind mit Wunderchärzli und Seifeblatere um

11.07.07 17:08
kki 

Re: Hochzeitsbericht

eus ume gstande... D Hochziitsturte isch dä Hammer gsi! Und dänn hämmer tanzt, voll abgshaked bis am 4i am Morge! Und sind dänn glücklich und müäd is Bett gfalle, nach dä Pflichte/Freude wo sone Hochziitsnacht mit sich bringt
Es isch en wunderschöne mega romantische unvergässliche Tag/Nacht gsi, wo mir nie vergässä werded!

Folgendi Fotografe/Visagistin/Dekorateurin/Apéro-Caterer chan ich empfehle:
Fotograf: http://www.fotoboeniger.ch/ - eher teuer aber super!
Visagistin: http://www.sei-unica.ch/ - hät SUPER uusgseh!
Dekorateurin: Beatrice Preisig in Gutenswil - d Chile und s Restaurant sind wunderschön gschmückt gsi!
Apéro: http://www.danoidue.ch/ - Alli Gäscht händ vom Apéro (italienisch) gschwärmt, es isch super gsi! Nur händ mir leider nöd vill devo gha. Au schon uufgstellt und dekoriert ischäs gsi.

Coiffeur bini zu mim normale gange.
Restaurant: Mir händ im Uto Kulm gfiiret, s isch super schön det obe, s Giardino (Wintergarte) hät e super Atmosphäre. Es hät halt es paar Panne gä, aber isch trotzdem super gsi.

12.07.07 07:35
Maus 
Re: Hochzeitsbericht

Danke für e Bricht!
Isch intressant gsi..:-)

 1
transportiert   umekutschiert   Bluememeitli   fotoboeniger   Wunderchärzli   Strumpfbandversteigerig   Trauverspräche   Hochziitsnacht   Herzliballöön   Dekorateurin   Gratulatione   Tafelmajorin   Hochziitsturte   Zivilstandesamt   Zivilhochzeit   Sängerkollegine   Hochziitstanz   Hochzeitsbericht   unvergässliche   Apéro-Caterer