| Passwort vergessen?
Sie sind nicht angemeldet.  Anmelden
Hochzeitsduft
 1 2 3 4 5 6 .. 14
13.05.09 11:30
Frangipani 

Re: Hochzeitsduft

Hi Fira
Ja, sie haben mir schon als ich das kleid bestellt habe gesagt, dass es eher knapp vor der hochzeit kommen wird.. solange es reicht ists mir auch egal..
dann hab ich wenigstens das problem nicht, dass ich noch zunimm und das kleid mir dann nicht mehr passt wenn ich erst kurzfristig an die anprobe gehen kann!
ja, mein Zukünftiger hat seine Outfit auch vom chez janine...
wir sehen uns erst in der kirche zum ersten mal!
..und von dem her wars noch gut, die dame konnte dann nachschauen welches kleid ich habe und ihn so gut beraten...
von wo hat deiner sein outfit?
hihi, ja ich hoffe dass unsere trauzeugen die sache auch im griff haben...! ist noch schwer dies abzuschätzen, man hört nie was von ihnen!

13.05.09 11:42
Fira 

Re: Hochzeitsduft

Ja du, das isch bi euis genau glich...vo dene zwei ghörsch gar nüt!!


....i weiss nur, dass e Hochzitszitig git und döte wennds euis no öppis zeige.....hets gheisse

Er het sin Azug nonig gchauft und gaht au am 26. go luege. Mir hend no Fotoshooting vor de Trauuig...döte gsehn i ihn denn.....i weiss nur, dass es öppis schwarzes wird si...
seit er wenigschtens

Han ihm ebe au s chez Jeanine empfohle... döt het würkli e gigantischi Uswahl.....er wett aber no in Bernies go luege....er isch denn mitt sinere Mamma underwegs....die zwei findet sicher öppis schöns

Mir hend eigentlich au welle euis a de Trauuig gseh..... aber sie hend euis überredt das andersch z mache....

Find i voll schön, dass er das so möched....voll romantisch



Zuletzt bearbeitet am 13.05.2009

13.05.09 11:48
Frangipani 

Re: Hochzeitsduft

Ja gäll, ich bin au gspanne wie er usgseht! ..ich muss amigs uu ufpasse dassi mi nöd verplappere wäg mim kleid!
bi eus ischs ebe so, dass es s fotoshooting erst ade fest-location git.. drum händ mir au gar nöd lang müesse werweisse öb mirs vor de chile wennd mache, das isch sozsäge scho gar nie in frag cho

du säg mal, mached ihr en hochziits-eröffnigstanz? falls ja, zu was fürme lied..? mir wetted ebe eine mache, händ aber no keis guets lied gfunde. und chli üebe tanze söttemer au no

13.05.09 11:59
Fira 

Re: Hochzeitsduft

....hihihi... i vermuete das euisi zwei Ladies en Tanzlehere a üses Hochzit holed.... wo grad alle e Tanzlektion git...und erscht denn dörfed mer de Hochzitstanz mache

.....i glaub sie hend Angscht weg de Verletzigsgfahr....

Mir werded zu Eros/Anastacia "I belong to you" und zu Gianluca Grigniani "la mia storia fra le dita" ....."tanze"

Mer hend es italienisches Päärli wo bi euis singt, die sind sackstarch. Die singed alles, sogar Rhianna nachher zum Party mache...mega cool..... zu denn chönd mer denn no besser tanze!!

E Kollegin het zu Mash "Ewigi Liebi" tanzed, aber das isch halt scho fasch echli verbi... De Ronan findi halt susch au no de Hit "when you say nothin at all".... das hend mer a de Trauuig...meeeeega!!!

13.05.09 12:07
Muus2 
Re: Hochzeitsduft

Hoi Fira

Sorry dasi mi do i euches Gspröch imische.. döf ich frage wer das italienische Pärli isch wo bi euch singt, ond vo wo? Mer sueche ebe au so öpis...

Grüessli

13.05.09 12:18
Frangipani 

Re: Hochzeitsduft

@Fira
das isch witzig, eusi trauzüüge händ zerst au so öppis vorgha mit em tanze.. dass sie dänn sozsäge no e tanzlektion für alli gäst organisiered aber das machemer jetzt doch nöd, wär chli z umständlich gsi.
ja ich finds ebe no schwer es guets lied z finde wo eus beidne irgendwie no öppis seit.. es dörf ja keis schwizerdütsches lied si, mir händ beidi so lieder nöd gern und italienisch findt min Zuekünftige nöd so toll will er nüt verstaht isch gar nöd so eifach...!
am beste wär irgend es lied us de 70er-jahre...
das isch aber super mit dem italienische päärli, tönt lässig!

13.05.09 14:12
Fira 

Re: Hochzeitsduft

@Muus2
Die heissed Samantha und Jeffry und sind bi de Play Agency Locarno zum bueche... mer hend si emal in eme Hotel live ghört spiele und die sind echt de Hammer... er het glaub Musik studiert und sie het bi San Remo mitgmacht.... und stell der vor, sie sind nöd emal überrisse tüür...

@ Fragipani
...du da kenn i eis http://www.youtube.com/watch?v=bmzWzfd2WN0
....aber nöd luege nur lose das isch us em 76gi.....

Chasch ja mal luege ob dir das gfallt.....das han i mal uf ere CD gha und han immer mega müese usflippe wo is gloset han
isch halt nös soooo romatisch, aber schön vom Text her
...... i überlegg mer grad wie mer da dezue ech Hochzitstanz chönnt mache ....



13.05.09 14:19
Frangipani 

Re: Hochzeitsduft

@ Fira
Danke für dä tip, mueses dänn deheime mal lose, da im büro chani nöd guet
ja das mitem tanze... mir bringed allerhöchstens knapp en englische oder wiener walzer ane, nüt meh! sind beidi zimli bluetigi afänger....

13.05.09 14:21
Fira 

Re: Hochzeitsduft



...hui.... kenn döt nid emal de underschied.....

Muesch mer denn säge wies findsch.....

13.05.09 14:25
Frangipani 

Re: Hochzeitsduft

ja weisch mir sind ebe extra inen hochzitstanzkurs gange... händ vorher kei ahnig gha vo dene standardtänz!! jetz wüssemer wenigstens wies wür gah

ah ja weisch was, ha gester no nagluegt wäg minere corsage fürs hochziit vom beldona: es isch vo valisere!

 1 2 3 4 5 6 .. 14
juhuuiiiiiiiiiiiii   schwizerdütsches   Wirtschaftskrise   Deutsch-Schweizer   Schleier   Errungeschaftsbeteiligung   duft-durcheinanander   wahrscheinlich   hochziits-eröffnigstanz   Fragipani   Organisatorinnen   hochzitstanzkurs   einzuparfümieren   Kosmetikabteilig   Strumpfbandthema   schniischnaaschnappi   Hochzeitsduft   Freestyle-Wedding-Dance   orientierigslos   Schlussbesprechung