| Hochzeitsessen |
|
|
1 2
|
cannella  am 27.11.2007
Re: Hochzeitsessen
@ Serry
Ouh ja, die Spaghettata hani ja ganz vergässe!! Aber die wirds bi üs uf kei Fall gäh *grins* Aber damit üsi Gäscht sicher ned zwenig überchömid wärded mir uf s Nacheschöpfe beharre. Mis Manndli hed drum au chli "Panik", da er einisch nachemene Hochziit hei isch go Spaghetti choche (Ego-Spaghettata quasi)  Und das wämmer uf jede Fall vermiede!
@ madmadi und alli andere "organisationstechnisch ellei glassne Brüütli"
Ha da mal zu dem Thema en Artikel gfunde und de hed mich zum schmunzle bracht. Nämed üch e Minute Ziit und läsed de (Aber Achtung, üchi Arbetsgspändli chönnted üch komisch aluege, wenn iehr plötzlich luut usselached...)
[http://www.morgenpost.de/content/2007/04/29/biz/896979.html]
|
|
|
Lela am 27.11.2007
Re: Hochzeitsessen
@canella
hahahah.... de artikel esch super!
|
madmadi  am 27.11.2007
Re: Hochzeitsessen
Danke für d Ufmunterig - gäll, Cannella, das hend ehr ou uf üchere Homepage, has dete nämli scho mou gläse ond wörkli tätsch useglachet...
Na ja, ade Hochzitsmäss simmer ebe am Samschtig gsi ond das het be mer de grossi Fruscht usglöst: mer händ Ringe agluegt und jedesmol, wenni eine gseh ha, wo mer gfalle hätt sind Kommentär cho wie "nö", "da esch nüt" ond "fendi ned schön" - aber uf d Frog, was ehm denn gfalli, het er nor met de Schultere zuckt... Hätt uf de Stell chönne hüüüle!
Wemmer denn Zwifu chöme, öb är das Ganze öberhaupt wott, werd er möff, wel för ehn sonneklar esch, dass är mech wett hürote...! Nor mag er ned ad Vorbereitige go ("das esch ned nötig", "pressiert nonig", "fendi blöd") ond är brüchti s ganze Trara ned, wiener seit - aso, mini Traumhochzit.  Tja, mer händ ou i anderne Beriche anderi Asichte ond händ no immer en Lösig gfunde, wo för öis beidi stimmt - es brucht eifach chli meh, als velecht be anderne.
Sorry, ha ned welle vom Thread-Thema ablänke... Aber z ghöre, dass anderi ou e betz eleige send be de ganze Organisation tröschtet onheimlech!
|
cannella am 27.11.2007
Re: Hochzeitsessen
@ madmadi
Ja, de isch au uf üsere HP, ha de so super gfunde, dass ich de det ha müesse druf tue. :-)
Mier hend s Glück, dass mier ziemlich de glich Gschmack und Stil hend (lied villicht da dra, dass mier beidi Wassermänner sind, wer weiss...) und drum gfallt üs grundsätzlich au immer s Gliche. Macht alles rächt eifach! Aber ich bi scho au die, wo meh organisiert. Ich muess aber zum Schutz vo mim Schätzi säge, dass er halt scho meh de Praktiker und ned Organisator isch, d.h. ich sitze im Büro und cha au eher mal es Telifon, E-mail oder was au immer mache als er. Wenn er uf em See isch, wird das allig chli schwieriger. Defür isch er denn vorallem für üsi Deko zuständig, da chan ich de ned viel mache... Mis Schätzi wird für id Chile und de au zum a Fäschort zügle us Metall wunderschöni Herz kreiire. Er isch Metallbauschlosser und absolut künstlerisch und kreativ begabt!
LG Cannella
|
|
|
1 2
|
Anmelden
