Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Hochzeitsnacht zu Hause?
Hochzeitsnacht zu Hause?
 1 2
smil09  am 20.01.2008

Hochzeitsnacht zu Hause?

Hallo. Ha mol chli ä indiskreti Frog…Git’s under Eu Lüt wo d’Hochzitsnacht dähei verbringät? Bis üs isch äs ebä so, dass mär vom Restaurant i 10 Minutä mit äm Auto (Transport wird no organisiert) dehei wäräd. Drum macht äs Hotelzimmer nöd unbedingt Sinn. Miär müested da au selber zahle. Dezue chunnt dass mer grad am nögschte Tag für äs paar Tag gönd go wellnessä, womär dänn au imänä schönä Hotel sind. Anderersits isch dehei eifach so normal und ich wird wie immer am Morge muäsä ufstoh und Z’morge mache.Miär händ zwor lescht Johr äs super schöns Hus kauft (drum chömmär üs im Moment ebe au nümä jede Luxus leischte) aber wohned halt scho länger zämä. I dänk eifach d’Hochzitsnacht müäst chli öppis speziells si. Viellicht cha mä au eifach chli schön dekoriere oder so. Aber i wird d’Nacht vorher bi minäre Mueter verbringe und i dänk au nöd dass er am morge no Zit hät zum irgendwie schön irichte. Wiä mached iär da?



Pfu

nicht registriert

am 21.01.2008

Re: Hochzeitsnacht zu Hause?

Wir gehen ins Hotel. Obwohl wir auch nur 10 min. von zu Hause sind.



madmadi  am 21.01.2008

Re: Hochzeitsnacht zu Hause?

Mer fiired zwar es bitzeli witer vo deheime wäg (ca. 25 Min.), wärde aber äuä trotzdem hei go pfüsele. I vermuete, nachem Fescht wärde mer eh nömme möge romantisch si und eifach nur no todmüed is Bett gheie (mi Paps het gmeint, wenn's anders sig, heige si öppis falsch gmacht).

Was ich mer aber scho öberleit ha, esch, statt sälber müesse Zmorge mache, das denn uswärts z mache. Wär velecht ou en Idee för öich...

Mer biete öisne Gäscht a, för sie Hotelzimmer ide Nöchi vom Fescht z bueche (zahle müend's aber sälber), wo si denn ou Früehstück im Pris imbegriffe händ. Velecht gömmer denn ou dete go zmörgele (schliesslech müemmer dänk denn no de Partyruuum abgä und sowieso nomol det häre fahre ond öisi Familie hälfe sicher ufruume und die wörd ich denn ou zum Zmorge ilade).



nordliecht  am 21.01.2008

Re: Hochzeitsnacht zu Hause?

auch wir werden im hotel übernachten, obwohl wir nur knapp 10automin. entfernt sind. wir wollten wir schon immer mal in diesem hotel übernachten, da sie so tolle zimmer haben. auch wenn wir nur noch schlafen werden wollen, ist für uns diese romantische spezielle umgebung als abschluss wichtig.


miär freyid eys uif de 6. septämber 2008 :-)



Sibylle  am 21.01.2008

Re: Hochzeitsnacht zu Hause?

mir fyre grad änet dr strass, und mir göh ou hei gah pfuse!
i gloub ou dasmä nächer tod is bett gheit und das am liebste is eigene!

de chame ou blibe liege wiemä wott, zmorge nä wenn mä wott usw. i wott nid no täsche packe und is hotel gah, mir göh ja de när d wuche druf ga flittere de längt das!

daniel & sibylle 19.01.01= 30.05.2008 / 07.06.2008



jeannine79  am 21.01.2008

Re: Hochzeitsnacht zu Hause?

also mir übernachtet grad im hotel, well eus shotel dsuite gratis überlaht ir hochziitsnacht :)



meitli  am 21.01.2008

Re: Hochzeitsnacht zu Hause?

dehei übernachte isch scho guet...

...lueget eifach, dass niemmer, wo s lustig findet, s schlafzimmer vom brutpaar mit ballön, wasserbecherli, wecker oder ähnleche sache z fülle, a öie wohnigsschlüssel häre chunnt...
we me allerdings fründe het, wo eim z.b. nachem apero d gschänkli vom gschänktisch hei zügle und denn o grad d wohnig no schön dekoriere, find i dehei übernachte o romantisch.
bi üs isch no nüt entschide, aber i tendiere eher uf hotel, isch äbe gliich e bsungrige abschluss vome bsungrige tag.

;-)
meitli



Sued78

nicht registriert

am 24.02.2008

Re: Hochzeitsnacht zu Hause?

Also mir festet ca. 50 Min. vo dehei wäg.
Z'erst hei mir au es Lokal 5 Min. vo dehei im Aug gha, aber ig ha i dr Hochziitsnacht uf kei Fall welle dehei übernachte. Mir hei ebe scho bimene andere Päärli erläbt, das es mega schön isch, wenn am nöchste Morge mit dr Gsellschaft im Hotel chasch z'mörgele. Und en chlini Rästangst, das ebe z'Wohnig entsprächend dekoriert isch, bliibt au.
Es mues jedes Paar für sich usefinde, was es wünscht. Min Schatz schloft au immer am liebste dehei, aber am Hochziit wot er au es schöns Zimmer. Denn chasch nach em Fest nur no en Stock ufe und is Bett gheie.

Wir heiraten am 28.06.08 auf Schloss Habsburg



jovia

nicht registriert

am 25.02.2008

Re: Hochzeitsnacht zu Hause?

Hi zäme

Mier schlafid ai im Hotel wo mier fiirid. Ich findes eifach megaschön am nächste Tag dett ufzwache und nu fein mitenand als Ehepaar go zmörgele...

29.02.08 & 19.07.08



taro  am 25.02.2008

Re: Hochzeitsnacht zu Hause?

Wir werden auch im Hotel bleiben. Die Hochzeitsuite wird sogar vom Hotel gesponsert.



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.