| Passwort vergessen?
Sie sind nicht angemeldet.  Anmelden
hochziitsplanig und en huufe frage
 1 2 3
13.09.09 00:27
sheepy 

hochziitsplanig und en huufe frage

hallo zäme

wow s tönt ja scho lässig was da alli scho erläbt hend und no vor hend:) ich bin ganz noi da und han scho en huufe infos gfunde! und en huufe frage hani au, vilicht chan mir ja de eint oder ander wiiterhälfe...:)

Also sit em april bin ich verlobt und jetzt simmer natürlich voll am plane! am 3.juli söts den so wiit si. d chile und de pfarrer hemmer scho, de platz wo mer de apero mached warschinlich au nur bim restaurant simmer ois chli unschlüssig. mer hend 2 verschiedeni aglueged, eis isch ganz traditionell, grad am vierwaldstettersee mit grosser terrasse und saal, vom stil her so 90er jahr (altrosa wänd im saal, gfallt ois nöd esooo guet), aber s ässe und d lüüt sind supertoll. s ander isch chli unkonventioneller, im saal hend nöd all lüt platz aber sie hend no 2 chlineri sääl und hend ganz es speziells konzept, so dass d gescht immer wieder ame andere ort sitzed und wenn irgend e atraktion isch, lütet öper s glöggli, so das alli in grosse saal chönd. s ganze hotel inkl. zimmer isch en stilmix zwüsche altmodisch und modern...s macht ois ebe no ah wills nöd so traditionell weri...tja etz simmer nochli am überlegge...würs echt d lüüt störe wenns nöd im glich ruum sitzed?

ja und was hani no für e frag...hend ihr eigentlich immer ganz traditionell je nur ein trauzüge? oder chunts au vor das mal öper meh het? dörfted den i de chile (katholisch) oder uf em standesamt au mehreri lüt unterschriibe? min liebe schatz het sich nämli nöd chöne entscheide, drum het er etz 3 trauzüge:) und ich han halt gfunde denn wett ich au 3, das gseht schöner us...tja, jetzt hemmer je 3 :) sie hend sich alli uf gfroit...mer wüssed jetzt eifach noni so genau wie mer das sölled mache...het da öper e ähnlichi erfahrig?

ich wünsch oi no e ganz e schöni nacht und freu mi über antworte und komentär:) ich tuen etz nochli wiiter schaffe....

liebi grüessli

13.09.09 09:01
Lola

nicht registriert

Re: hochziitsplanig und en huufe frage

@sheepy

hi sheepy,

also soviel ich weiss kann jeweils nur ein trauzeuge beim zivilstandesamt unterschreiben. also für einen sollted ihr euch entscheiden.

aber du kannst natürlich mehrere trauzeugen haben. (wir haben auch je 2) :-)

lg lola
____________________________
Lola: unser Motto ist ,,Vorfreude,, :-)

verheiratet: 18.06.10
kirchlich: 11.06.11

14.09.09 09:51
Sposina 
Re: hochziitsplanig und en huufe frage

Hoi Sheepy

Zerschd mol: Willkomme im Forum

Also die 2. Variante mit 2 Sääl wörd ich persönlich ned neh, fendes Schad wenn d Hochziitsgsellschaft teilt isch, mues nor mol öpis spontan passiere, chömeds die andere ned met öber.
Am Vierwaldstettersee kenni s Hotel Seeburg, det hets en wunderschöne Saal mit Terasse fasch direkt am See. Esch ehner altmodisch mit grosse lange Vorhäng.. vellech esch das no en Option för euch. Wie vell Lüüt wäred ehr denn öpe?

Also bide Zivilhochziit döfsch nor 2 Trauzüge neh. Aber i be au scho anere katholische Hochziit gsi, wos je 2 Trauzüge gha händ, denn dänki wörde au je 3 go, aber das müesstisch am Beste grad mit em Pfarrer aluege. I werds wahrschindli eso mache dasi am zivile öper andersch nehme als am kirchlich, weli mi ned cha entscheide zwösche minere Schwöster und 3 guete Kolleginne! Aber deför nemi 3 Brutjongfere..

16.09.09 14:08
nicarina1985 

Re: hochziitsplanig und en huufe frage

Hoi Sheepy

jo au mol herzlich willkomme.. da mit dä sääl würi au nöd machä.. i het glaub kei freud wänn i als gast im andere rum müessti hocke vorallem wönds jo scho au eu gseh dlüt..
ah da isch gad e gueti frog.. min schatz cha sich leider au nöd entscheide zwüsched 2 aber uf dIdee simmer nöd cho zum 2 neh.. vilicht wärs e variante. i duenem das mol vorschloh. i find nämli scho no e 2. Trauzügin.


16.09.09 14:28
speedy 

Re: hochziitsplanig und en huufe frage

Hoi Sheepy
Härzlich willkomme au vo mir.
Bim Zivile unterschriebed tatsächlich nur zwei Trauzüge, do bruchts also scho no en Entscheidig. Am Chirchliche bisch glaub sehr frei, würds au am ehschte mit em Pfarrer abspräche. Chunnt au druf a, öb ihr reformiert oder katholisch hüroted. Bi de Reformierte "bruchts" gar keini Trauzüge me in dr Chile, das heisst du chasch so vil Ladies wie du möchtisch glich azieh und mit irgend eme Jöbli verseh.
Wäg em Ruum: Mach das nid! Ich finds in unserer Familie scho amel extrem schad, dass Wiehnachte in zwei Rüüm gfiirt wird will mer inzwüsche z vil Lüt sind (inzwüsche halt 4 Generatione...) und denn dänk ich, dass es amene Hochzit umso meh stört. Schliesslich wänd jo denn alli bi euch im Ruum si. Glaub mer, das mit dr Sitzordnig wird au so scho kompliziert, au wenn dini Gäscht nur halb so schwierig sind wie mini. Es menschelet halt überall.
Vil Spass im Forum und bi all dine Vorbereitige.
Liebe Gruess
Speedy

16.09.09 17:05
Hase1981 

Re: hochziitsplanig und en huufe frage

Hallo Sheepy

Herzlich Willkommen im Forum!

Ich würde die Variante mit den verschiedenen Säälen auch nicht bevorzugen. Ich möchte doch meine Gäste sehen ;-) Darf ich fragen welches Resti ihr ausgesucht habt mit den rosaroten Wänden, damit man evt. dir andere vorschlagen kann (Vierwaldstättersee ist ja nicht so klein, ob eher UR, NW, LU,...) Wieviele Personen seid ihr denn?

Es grüsst der Hase


verliebt seit 14.07.99
verlobt seit 14.07.09

16.09.09 17:06
Hase1981 

Re: hochziitsplanig und en huufe frage

Ach ja bezüglich Trauzeugen, wir wollen auch je 2 haben ;-) zivilisch habe ich schon abgeklärt und das ist leider nicht möglich, es können max. 2 unterschreiben. Beim kirchlichen weiss ich noch nicht genau, aber ich denke schon dass dies klappen wird.

Es grüsst der Hase


verliebt seit 14.07.99
verlobt seit 14.07.09

17.09.09 23:02
sheepy 

Re: hochziitsplanig und en huufe frage

hallo zäme

danke villmal für die ville Antworte. ja mittelerwiile hemmer ois würkli gäge die idee mit de mehrere sääl entschide. s andere hotel heisst nidwaldnerhof und isch in beckeried..mir sind ebe bitzli bunde mit em hotel will mir hüratet in baue und gönd nachher mit em schiff zum hotel. drum söts nöd me we ca. e stund vo baue sii. aber für anderi ideeä simmer natürli sehr offe, obwohl mer scho vill hotel aglueged hend det umenand. es sind so öpe 80 lüüt am fescht...

lg
sheepy

18.09.09 08:32
Hase1981 

Re: hochziitsplanig und en huufe frage

Hallo sheepy

Den Nidwaldnerhof kenne ich. Das Essen war letzthin wirklich sehr fein und das IceCafi zum Dessert der (Männer-)Traum schlechthin. Am See direkt wäre sonst noch der Rigiblick in Buochs (habe ich noch nicht gegessen), das Baumgarten mit dem Riegelsaal in Kehrsiten, das Winkelried in Stansstad,... aber keine Ahnung wie lange das mit dem Schiff dauert.

Es grüsst der Hase


verliebt seit 14.07.99
verlobt seit 14.07.09



Zuletzt bearbeitet am 18.09.2009

21.09.09 10:08
Nadine123 

Re: hochziitsplanig und en huufe frage

Jetzt chunt no ä doofi frog vu mir... Aber zivil bruchts doch au nöd umbedingt Trauzüge oder? Weisch mir sind üs ebe am überlege, dass ganz klamheimlich zmache

 1 2 3
Vierwaldstättersee   vierwaldstettersee   unkonventioneller   hochziitsplanig   unterschreiben   Haupt-Trauzügin   onterschriibe   Hochziitsgsellschaft   mittelerwiile   unterschriebe   verschiedenen   standesamt   zivilstandesamt   trauzüge   nidwaldnerhof   standesamtleche   unterschriebed   traditionell   Zivilhochziit   board=3&thema=146