Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Kinder zum Fescht am Aabe ilade??
Kinder zum Fescht am Aabe ilade??
 1
Blumenfee  am 31.07.2009

Kinder zum Fescht am Aabe ilade??

Einigi fo üsne Gescht hei chlini oder o chli grösseri Chind. Jetz si mir nid sicher was mr sölle wägem z'Nachtässe u Feschte am Aabe......

Ev. weimr am Aabe daheime bi üs Brätle sich aber no nid sicher

Wi heit ihr das glöst? i persöndli finde das Kind drzue ghöre aber ha o chli angscht das si alli grad nam ässe uso verschwinde wil ja d'Chind is bett müesse oder eifach müed u quengelig si.......

üsi Chind si ouno sehr chli (2 1/2 u 1 Jahr alt) u därum hürate mr ersch i 2 jahr, aber o da isch pfrag wär lueg zu de Chind?? alli womer ja kenne u gärn hei si bi üs am Fescht........

Bi für d'Tipps sehr dankbar

lg Bluemefee



souris  am 31.07.2009

Re: Kinder zum Fescht am Aabe ilade??

Mir händs so gmacht, dass mir am Abig eifach d'Eltere iglade händ. Mir fanget aber scho am morge am 10 ah ond s'Abigprogramm startet erscht öppe of die 7ni. Mir händ dänkt, dass d'Chind bis det sicher debii sind, mer am Abig im Restaurant aber mit de Eltere wänd fiire ond ned möchtet, dass sie "nur" of d'Chind müend luege sondern de Abig chönd gnüsse.

Für die eine isch es keis Problem, mini Schwö zum Biispiel tuet sich aber chli schwer demit. Mir händs eifach mal so gseid ond wenn sie ihri Chind am Abig gliich mitnimmt, denn isch das au ok. Mir händ eifach keis Onterhaltigsprogramm für die chliine.

Ond wäg em Chind hüete:
En gueti Fründin vo minere zukünftige Schwögerin hüratet au glii ond het s'gliich Problem gha wie du. Ich känne sie eigentlich meh oder weniger nor vom gseh, aber sie händ mich gfraget, ob ich of ihre Sohn chönti luege, will sie soscht ebe au niemer händ. Ich werde drum mit em Chliine a de Trauig ond em Apéro debii sii ond am Abig, wenn d'Gsellschaft gaht go ässe, gang ich mit em Chliine hei. Finde das eigentlich no en gueti Lösig.

Villicht kännsch ja öpper, wo en guete Babysitter het? Oder soscht gits doch in Dörfer so Babysitterliste. Wenn ehr ja ned das Jahr hüratet, chönted ihr mit em "neue" Babysitter chli üebe...



silver83  am 31.07.2009

Re: Kinder zum Fescht am Aabe ilade??

bi üs sind alli chind igladä. aber es isch bis etz au immer so glöst worä, dass dä gaumer (znani, zgotti, oder ä tantä) dchind noch em zvieri oder noch em znacht abkolt hen. so hens au chönä derbi sie und delterä hen glich no chönä so lang blibä wies hen wöllä.

ich werd 2 "babysitter" mietä für mini hz zur entlastig. bi üs sind öppä 12 chind zwüschet 1 und 7i und den chöns chli molä und spielä und zämä am chindertisch ässä wens wön. han au 2 chind, etz no 4 und 2 bis mier hüroten 5 und3 und den schlofens im hotelzimmer oberem resti und mier hen den no z babyphone und chön witer fästä

was deltärä mit ihrnä chind machen isch jo eigentli au nid dis problem. schliessli ischs es hochzit und kei chinderparty. ich bin scho an hochzitä gsi wo chind gar nid igladä gsi sind.



Sid am 13.02.2009 verhürotet und am 02.10.2010 isch üserä grossi tag



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.