| Passwort vergessen?
Sie sind nicht angemeldet.  Anmelden
Klassicher Gesang an Trauung
 1
12.12.07 13:27
Pluto

nicht registriert

Klassicher Gesang an Trauung

Hallo zäme

Mer hend för üsi kirchlich Trauig en Sängerin organisiert. Sie bringt en Pianist mit, dä spielt de ofeme Keyboard.

D'Sängerin singt klassisches ond moderns. Mer gfallt s'Ave Maria so guet. Sie hed gmeint, bes jetzt heig sie entweder klassich oder nor modern gsonge, ned gemischt. Stimmt scho, en Linie drin wär ned schlächt, ned so es dürenand.M er gfallt s'Ave Maria so guet, dorom wär also de klassisch Wäg izschlo.

Ech könne mech aber be dem Gebiet gar ned us ond wett üch froge, öb er mehr Liedertipps hättid. Lieder womer guet verstohd ond ned so Opere-mässig.

Danke för euri Tipps.
LG Pluto

12.12.07 13:37
serry 
Re: Klassicher Gesang an Trauung

HI Pluto

Mehr gfallts AVE Maria äbe au meeega. Wett das Lied au onbedengt debii ha. (nor scho us religiöse Grönd, heheh...)
ech weiss gar ned, was onder Klassisch no fallt. Aber S Lied "Amazing Grace" gfendi au mega. Ech gfende äbe Gospel Songs sehr schön.
Aber ech gfende sowieso, dass mer doch cha traditionelli met moderne Lieder chan Meschle. Ech gfende ned, dass mer sech muess för öppis entscheide. Minnere Meinig no, spellts kei Rolle öb alt oder Modern. Send jo eh alles langsami Lieder....

Wer hend ehr bueched, wenn i froge daf?
Ech han äbe au öpper in Ussecht, wo de ma Klavier spellt ond d Frau sengt.
LG

Serry
Kirchliche Trauung 24.05.08

12.12.07 15:09
Pluto

nicht registriert

Re: Klassicher Gesang an Trauung

Hallo Serry

Franziska Wigger heisst sie. Sie hed scho oft an Operette mitgmacht, hed en tolli Stimm. Moderns macht sie nonig so langer, aber sie dod of Wunsch ou Sachen istudiere, wo sie nonig cha.

Ha ofem Internet chli omegluegt, ha no en anderi Sängerin agfrogt gha, aber die wär för's gliich Gäld ohni Pianist cho. Fendes guet wenn öber spielt ond's ned eifach ab CD chond.

Klassischi Sache gfalle mer in Kirchen scho guet, tönt immer so "Hühnerhaut-mässig". Moderns gfallt mer ou, mol luege was mer möchtid. Sie singt of Wunsch ou gemischt, das wär also ned s'Problem.

Ech be ebe mol ineme Kloster id Schuel ond d'Kirchelieder fasziniere mech sett chli meh, ha so es paar spezielli, weiss ned we sie heissid aber im Kirchenbüechli findi sie de sicher.

Hend ehr de Ablauf vo de Trauuig scho mitem Pfarrer agluegt? Mer send noni so wiit. Nimmt mi Wunder wie das ablauft. Ged ou amigs no so es "Ehegespräch". Werd eim "eingebläut" wasmer inere Ehe so zmache hed... chammer sech notfalls no umentscheide

Grüess
Pluto

13.12.07 10:12
serry 
Re: Klassicher Gesang an Trauung

HI Pluto

Aha, dini Sängeri könni ned, ach han en anderi en Ussecht vo music4you.ch
Gfend äbe au mega schön wennmer en Live-Uftrett cha gniesse. Es choschtet eifach zemmli vell Gäld. Mim Frönd brucht das ned onbedengt, er hed gmeint, me chön jo Musik eifach abloh....ts ts ts.. aber äbe, ech bestoh druf ! hihihihi

Besch imene Chloschter id Schuel? öhhhh, ghört mer au sälte...
Secher no speziell gsi. Ech ha gärn Chloschter ond Chelene. Strahlid för mech en Rueh ond Frede us.....

S Gspröch mettem Pfarrer hemmer au nonig gha, das machi erscht nögschts Johr, wahrschinlech Afangs Februar. Jo sägs ned, nemmt mi au wonder was er do z verzelle hed..... :0)

LG

Serry

Kirchliche Trauung 24.05.08

 1
Liedertipps   organisiert   traditionelli   Kirchelieder   Ehegespräch   klassisches   Klassicher   onbedengt   Opere-mässig   Chloschter   wahrschinlech   klassisch   umentscheide   Kirchliche   Live-Uftrett   Trauung   entscheide   Hühnerhaut-mässig   Kirchenbüechli   Klassischi