| Passwort vergessen?
Sie sind nicht angemeldet.  Anmelden
Langi Warteziet bis zum Apéro
 1
27.04.08 19:58
Manuela24

nicht registriert

Langi Warteziet bis zum Apéro

Hoi zämme

Ich han chli es Problem wegem Apéro. Am beste schilder ich eu mal üse planti Ablauf und denn gsehnd ihr, was s'Problem isch:

14.00 - 15.00 Uhr: Trauig
15.00 - 16.00 Uhr: Gratulatione entgege näh und Gruppeföteli
16.00 - 16.30 Uhr: Fahrt bis zum See
16.30 - 17.30 Uhr: Apéro uf em Schiff
17.30: Verabschiedig vo dä reine Apérogäst und mit dä gladene Gäst wird Richtig Restaurant gange

Mini Sorg isch jetzt, dass d'Lüt um 14 Uhr mit üs id Chile gönd, aber erst um 16.30 Uhr gits dä Apéro. Min Verlobte seit, dass ich mir kei Sorge söll mache, d'Gäst werdet scho nöd grad verdurste.

Aber wenn ich das suscht Kollegine verzell, isch immer d'Reaktion: Apéro erst um 16.30?!

Was würdet ihr mache?

Grad nach dä Kirche ufs Schiff gah und erst det d'Gratulatione entgegenäh und Föteli mache?

En Zwüsche-Apéro mache? D.h. nach dä Kirche eifach z.B. Champagner und Orangesaft abüte und z'Esse gits denn erst uf em Schiff?

Händ ihr no ä anderi Idee? Bin im Moment absolut ratlos...

Lg

Manuela

28.04.08 09:43
passiondream

nicht registriert

Re: Langi Warteziet bis zum Apéro

Hallo Manuela,

mer händ ziemli de glich Ablauf wie ihr, nume das es bi eus de Apéro e halb Stund früehner git. I denk nöt, dass d Gäst i dere Zyt würed verdurste, schliesslich sind sich die meiste ja viellicht au vom schaffe her gwöhnt, dass sie es Zytli müend ohni Flüssigkeit uscho. Vo dem her wür i säge, dass ihr a eurem Tagesablauf eigentlich nöt würkli öbis müend ändere. Und süscht wür i höchstens en chline Zwüsche-Apéro mache, sofern das vor de Chile überhaupt möglich isch. Aber i wür uf kei Fall euri ganze Tagesplan über de Hufe schmeisse.

Liebs Grüessli

Doris

28.04.08 13:07
Passion 

Re: Langi Warteziet bis zum Apéro

Hallo Manuela

Ig bi letscht Jahr amne Hochzytsapéro iglade gsi wo ou ersch öppe 2 Stund nach dr Chile het agfange. Äs isch im Juli gsi und sehr heiss. Mir si tatsächläch fasch verdurschtet wärend mir hei gwartet. Üs het das denn scho chli gstört.

Bi üs gits ds Apéro grad nach dr Chile. Mir wärde nachem Apéro de no mit dr Hochzytsgsellschaft wyterfahre und d Gruppeföteli mit ihne amne andere Ort mache. Dört wärde mir äuä de luege, das äs äs paar Fläche Wasser het, damit niemer Durscht het. Wenns heiss isch und d Sunne schiint wird das gloub no gschetzt. Üsi Trouzüge hei emu ou gfunge, das sigi wichtig.

Überlegit doch mal, öb dir villicht irgendwie noch chli öppis ds trinke weit parat ha nach dr Chile. Mues ja nid no Chips etc. gä. Aber öii Gescht müesse ja de warte wärend däm ir d Gratulatione entgäge näht und d Föteli gmacht wärde. Mit äme Glas Wasser wär das villicht chli agnämer und churzwiliger für si, vorallem wenns heiss isch.

Ig wünsche dir viel Erfolg bir Planig!

Grüessli
Passion

...wir trauen uns am 14.08.08 und 16.08.08...

28.04.08 13:58
nordliecht 
Re: Langi Warteziet bis zum Apéro

ich persönlich finde es auch eine lange zeit. wenn man bedenkt, dass die geladenen gäste ab ca. halb zwei uhr bis 16.30 nichts mehr trinken, sind das 3h. egal ob es heiss ist, ich würde fast verdursten. auch für euch als hochzeitspaar wird dies eine durstige zeit. dauergrinsen für die fotos, mit allen ein paar worte wechseln etc. macht doch durst
wenn ihr für die wartenden gäste wirklich keinen apero anbieten möchtet, während ihr fotografiert, dann wäre es wirklich eine alternative ihnen etwas kleines zu trinken auf einem tisch anzubieten.

wieso macht ihr die gruppenfotos nicht erst am apero ort und nehmt auch die gratulationen dort entgegen?


griässli
nordliecht


miär freyid eys uif de 6. septämber 2008 :-)

Editiert 28.04.08

28.04.08 14:45
Pfu

nicht registriert

Re: Langi Warteziet bis zum Apéro

Also ich finde auch, dass Ihr unbedingt was anbieten solltet.
Wie wäre es mit Pet-Fläschli verteilen und vielleicht Früchte aufstellen?
Bei Hitze fallen die Leute sonst noch in Ohnmacht.

28.04.08 17:41
Mariquieta 
Re: Langi Warteziet bis zum Apéro

Hallo Manuela
Ich würde auch etwas anbieten. Aus Erfahrung als Gast an einer Hochzeit weiss ich, dass es sehr unangenehm ist, wenn man warten muss und nichts zu trinken bekommt. Das lenkt die Gäste ab und verkürzt Wartezeiten.
lg

28.04.08 18:48
nordliecht 
Re: Langi Warteziet bis zum Apéro

in deutschen foren habe ich gesehen, dass sie so kleine tütchen mit z.b. ein mini säcklein erdnüsschen und fläschen mineral anbieten, da sie dort vielfach schon um 11.00 uhr heiraten.
damit du eine ahnung bekommst was ich meine, hier einen link (ist jedoch eine dankessäcklein, aber habe ich schon bei zig anderen als variante für knabberei bis zum eigentlich apero gesehen):


http://www.pixum.de/members/stefferl77/?...e85f0788818afb9

griässli
nordliecht


miär freyid eys uif de 6. septämber 2008 :-)

01.05.08 10:07
Manuela24

nicht registriert

Re: Langi Warteziet bis zum Apéro

Hoi zämme

Viele Dank für eui Antworte!

Ha mich jetzt entschiede, dass mer nebet dä Kirche en Tisch ufstelle werdet mit Getränk. Wenn d'Lüt denn us dä Kirche use chömet, werdet d'Trauzüge jedem es Glas id Hand gäh und d'Lüt werdet denn statt üs eifach normal z'gratuliere grad mit üs astosse.

Z'Esse und no meh Getränk gits denn uf em Schiff.

Lg

Manuela

 1
eigentlich   churzwiliger   Hochzytsgsellschaft   fotografiert   e85f0788818afb9   hochzeitspaar   Tagesablauf   gratulationen   dauergrinsen   schliesslich   Verabschiedig   Hochzytsapéro   gruppenfotos   verdurschtet   Gratulatione   Pet-Fläschli   Gruppeföteli   Warteziet   dankessäcklein   Zwüsche-Apéro