| Passwort vergessen?
Sie sind nicht angemeldet.  Anmelden
Meine Tipps für die Buchung des Fotografen
 1 2 3
17.10.06 08:11
Ivory 
Meine Tipps für die Buchung des Fotografen

also miar händ bim erschta fotograf wo miar verbi ganga sind gseit miar wellen üs nid vor dr kircha gseh und denn hät si gseit, si hegi schu viel lüt vum gegateil überzoga, wil ma am morga eifach meh ruah und zyt füranand hegi zum fötala. si nehmi dafür champis mit und nastüachli und holi z erscht dia einti, denn dia anderi person und denn treffendi miar uf anand ama romantischa ort und denn könn ma völlig usglassa und offa schmussa brüahla oder was au immer und sig nid ir kircha wo alli lüüt uf eim starren und somit nid unter druck/beobachtig. das hät üs iglüchtet zudem miar denn bim apéro meh zyt für üsi gäscht heben.

miar händ üs also scho fascht entschieda aber...

denn händ miar an fotograf gseh, wo für günschtigeri prisa viel viel besseri fotana hät gmacht. usserdem isch er bekannt. hät as grosses gschäft. so händ miar dr andera abgseit und er hät gseit, er verständi das guat, wenn miar üs nid vor dr kircha gseh wellen. er könn das schu bim apéro macha. das käm denn au viel günstiger für üs. do er denn weniger studn awesend sig. und er hät gseit, er könni üs zwüschadura 10 min entfüara zum as paar fötali macha. wenn miar nur biz fotogen sigen, kriagi er in 10 min ganz a huufa guati fötali ana. für das bruchi er nid a stund. und denn können miar wieder zu da gäscht und wenn er z gfühl hegi er bruchi glich nomol 10 min könn er üs jo au nomol as biz spöter für 10 min entfüara. das langi. usserdem bruchen miar nid 200 portraits vu üs!

also, umbedingt mim fotograf reda und wünsch mitteila. as wär schad, wenn ma im nochhinein öppis so bereut. und i han miar das immer so vorgstellt, dass mi min schatz erscht und würklich erscht ir kircha gseht!

DR NOCHTEIL ISCH EIFACH, GÄSCHT KÖMMEN DENN JE NOCH DEM GO GÜGGLSA bim apéro!!!

17.10.06 08:40
kki 

Re: Meine Tipps für die Buchung des Fotografen

Ich dänkä, s isch sicher schön, wämmer sich erscht i dä Chile gseht.
Mir händ eus defür entschiede, dass mir eus vor dä Chile scho gsehnd zum Föttele. Dänn düänd mir halt euses Träffä det chli bsunders gstalte. Und es isch scho so, dass mer dänn vill meh Ziit hät, mer isch no früsch (Schminki, Frisur, no kä verhüületi Auge ) und mer chan sich schön Ziit la. Nacher bim Apéro wänd mir eus Ziit für eusi Gäscht nä, dass si au öppis vo eus händ.
Für eus stimmt die Variante total und ich findes eigentli nur äs birebitzeli schad, dass mir eus nöd erscht i dä Chile gsehnd

17.10.06 08:40
sposa 

Re: Meine Tipps für die Buchung des Fotografen

das hett oise Fotograph au gseit,
aber mir wettid ois erscht idr Kirche gseh
und drumm machend mir d Fötteli nachher,
amne Ort wo d Gäscht nid hi chömend,
die törfed uf en Schiffrundfahrt

17.10.06 08:44
Ivory 
Re: Meine Tipps für die Buchung des Fotografen

as isch also au schwierig das entscheida.

uf jeda fall han i ellen betrix lippastift de hebet ewigs und au so guati lidschatta-waar so wasserfeschts und denn han i in mim täschli eifach no immer as kompakt-puder und so folia dia wo usgsehnd wia filter. zum da fettglanz abtupfa. uf das luagt da fotograf jo au.

so han i wenigstens am morga nid no viel los. wil miar händ am 1 scho chila und am morga bruch i jo zyt für da coiffeur. schminka tuan ich mi selber.

17.10.06 08:46
kki 

Re: Meine Tipps für die Buchung des Fotografen

ja, das isch bi mir dä Nachteil, mir hürated am 13:30, dä Fotograf hät gmeint, s wäri guet, wänn mir eus am 10:30 träffäd, wie lang gaht dä Coiffeur und s Schminke (und s aalegge)? Wahrschindli chani so uf di 7ni (spötischtens) zum Coiffeur sitze Janu, was tuet mer nöd alles für sin Hochziitstag

17.10.06 08:57
Ivory 
Re: Meine Tipps für die Buchung des Fotografen

@kki i glaub du muasch an dim hochzytstag am 4i am morga ufstoh!!!



(scherz)

17.10.06 09:06
kki 

Re: Meine Tipps für die Buchung des Fotografen

Aber weisch was Ivory, es chunnt gar nöd druf aa, welld wahrschindli vor Ufregig eh fascht käs Aug zuetuesch

17.10.06 09:12
Ivory 
Re: Meine Tipps für die Buchung des Fotografen

du seisch es... i bin jo jetzt schu nervös!

17.10.06 10:31
Teenspirit 

Re: Meine Tipps für die Buchung des Fotografen

euse fotograf hed eus das au vorgschlage, vorher föteli mache. Aber mer wänd d föteli ebe bim Schloss womer denn de Apero händ und s Ässe und vor de Trauig wämmer eus au ned gseh. Aber de apero gohd jo schliesseli öppe 3 Stund, do hämmer scho ziit för föteli. Müemmer denn sösch no mit de trauzüüge und tätschmeischter luege, dass d Gäscht beschäftiget sind.

Bide priise gids jo en mega underschid, hämmer gmerkt, mer händ jetzt en günschtige wo super föteli macht, s Album düemmer denn sälber gstalte.

17.10.06 10:35
Ivory 
Re: Meine Tipps für die Buchung des Fotografen

jo das denki genauso. miar sind au öppa vum halbi 3 bis am 5i oder halbi 6i döt. am 1 kircha denn zum apéro. also darum denki isch guat isch d kircha scho am 1 und s ässa am 7i. dazwüscha halt fahra vu kircha zum apéro öppa 10 min. und vom apéro zum z nacht öppa 15 min. und fötala und gratuliara und aperöla hät so an huufa zyt. oder?

 1 2 3
wasserfeschts   Polaroidkameras   fotograf   hobbyfotograph   lidschatta-waar   Hochzeitstag   tätschmeischter   S`TRAUMHOCHZEIT   Hochziitstag   günschtigeri   beschäftiget   kompakt-puder   Buchung   spötischtens   fotografübersicht   birebitzeli   Schiffrundfahrt   Hochzeitsfotos   Fotografen   Wahrschindli