| Passwort vergessen?
Sie sind nicht angemeldet.  Anmelden
Mühe Entscheidung zu treffen! Location
 1 2 3
17.09.08 13:56
madmadi 

Re: Mühe Entscheidung zu treffen! Location

Sunshine, d Krone isch jo Luxus pur! Also, viel ghobener chasch es jo gar ned ha!!!
Und so wit müend's jo das Ässe ned transportiere. Das esch secher au im Schloss obe top!

Lo di ned lo verunsichere, nur wel einisch öpper ned en Purzelbaum gmacht het über s Krone-Catering! Und die Person het jo au ned gseit, es sig ned guet gsi, oder? Velecht het dä oder die eifach irgend en Erwartig gha und isch denn enttüscht gsi, dass es ned so gsi esch. Aber so wie du gschrebe hesch, het är/sie jo gseit, es sig scho guet gsi (eifach ned zum Umgheie).

Wenn öich das Schloss gfallt (und es isch au absolut superschön) und ihr wetted dete hürote, so what!

Ond übrigens... git's ned no en zwöite Caterer för Feschtässe ufem Schloss? Ehr chönnted jo dä ou no afroge/usprobiere...

Grüessli
madmadi


Sit em 8. August 2008 glücklichi Ehefrau!

17.09.08 14:07
fonzi 
Re: Mühe Entscheidung zu treffen! Location

Madmadi hat recht, etwas viel besseres wirst Du nicht kriegen als Catering.
Die haben auch das know-how und machen das seit Jahren.

Ich glaube Krone ist exlusiv im Schloss Lenzburg. Da kann man keinen anderen haben.

Also hör auf, Dir den Kopf zu zerbrechen. Das wird perfekt.
Da habe ich keine Bedenken.

17.09.08 14:09
Sunshine78

nicht registriert

Re: Mühe Entscheidung zu treffen! Location

Hallo Madmadi

Gratulation zu dinere Hochziit! Wo händ ihr denne gfiiiret?

Jo mer isch jo selber au klar, dass dKrone absolut Top isch. Im Aargau isch sie ufjedefall sehr bekannt. Ich han eifach niemert kennt bisher wo obe im Schloss scho gässe het und die einzig wo ich denne gfroget han, seit mer denne ebe, dass sEsse guet, aber ned top gsi isch.

Genau de Ochse vo Lenzburg macht au no sCatering fürs Schloss. Nur de sig vor es Paar johr übernoh wurde (also vo de Eltere zum Sohn oder so) und die heiget nonig eso viiel erfahrig.

Mol luege was mer schlussendlech mache werdet... wie ich gseit han, bin ned eini wo so eifach en Entscheidig chan fälle. :-(

Grüessli
Sunny

17.09.08 14:32
Tara 

Re: Mühe Entscheidung zu treffen! Location

Hallo Sunshine78

Also i würd mir au nöd de Kopf drüber zerbreche. Mer z.B. hend im Schloss Brunnegg in Kreuzlinge gfired. Es isch alles tiptop gsi wo mers go aluege sind und döt au 2 mol g'esse hend, aber a üserem Hochzyt hets plötzlich achli be de Gastfreundlichkeit ghapperet wo mer vo dene gar nöd kennt het. Esse, Ambiente isch alles super gsi, aber irgendwie hets mit dem Service und em Wohlfühlfaktor a dem Tag nöd funktioniert. I ha zwar nöd viel mitübercho, be mega im Trance gsi wäg mer trotz allem eifach a geils Fescht gha hend und da darum nöd so gstört het. Obwohl ufgfalle isch es, wäg mer eifach anders kennt het. I ha mir wäge dem trotzdem nüt versaue loh, es isch üs ebe au scho be de Menuplannig ufgfalle, dass irgendwie öppis nüme döt stimmt, aber ändere hend mers au nüme wölle und chönne.

I denk, mer macht sich immer zviel Gedanke aber schlussendlich isch es doch de schönste Tag im Lebe gsi und i hets au nöd andersch wölle ha. Ha mis Schloss gha wo i mer immer gwünscht ha.

Grüssli

31.07./02.08.2008

Editiert 17.09.08

17.09.08 14:45
madmadi 

Re: Mühe Entscheidung zu treffen! Location

Sunny, gönd doch sösch au mol no in Ochse go ässe. Denn gsänder denn scho, ob si dete ned doch guet organisiert sind - schliesslech händ's jo jetzt doch scho "es paar Johr" Erfahrig.

No en Idee: froged doch be dene Restaurants nach Referänze - Brutpaar, wo Erfahrig händ mit em beträffende Restaurant. Be dene chonnsch velecht au nomol gwössni Ahaltspönkt öber, wo der/öich d Entscheidig erliechtere...

Mer händ im Chalet Pilatus in Neuechirch gfeschtet und händ s Catering vom Restaurant Metzgerhalle in Fahrwange gha - es Grillbuffet vom Feinschte und als Höhepunkt es Château briant! Es händ's alli globt und riese Fröid gha, dass si so viel händ chönne go hole, wie's händ welle. Be so ghobene Restis get's doch mängisch so chlini Portiönli - das hämmer ned welle riskiere!

Und danke für d Gratulation! Wünsche dir no viel Spass bem Vorbereite und Organisiere und viel gueti Entscheidige!

Grüessli
madmadi


Sit em 8. August 2008 glücklichi Ehefrau!

17.09.08 14:53
pearl 
Re: Mühe Entscheidung zu treffen! Location

Liebe Sunshine78,

nur nicht reinreden lassen! Ich meine, noch eine schönere Location hättet ihr euch wirklich nicht ausssuchen können! WOW!!!!!! Nur weil eine Person dir gesagt hat, dass sie das Essen nicht so toll fand willst du dir jetzt Stress machen? Das hat echt keinen Sinn. Vertrau auf deinen Instinkt! Ihr wart doch überzeugt von dem Catering, sonst hättet ihr sicher den Vertrag nicht unterschrieben. Und sollte auch nur einer deiner Gäste sich beschweren, dann steck ihn in den Kerker. Verdammt, das ist DEINE Hochzeit und ihr wollt im Schloss feiern und ihr wollt das Catering!
Du würdest ja auch nicht auf deine Lieblingsblumen verzichten nur weil jemand diese nicht besonders mag. Vertrau mir, ihr macht das genau richtig. Wenn es für euch stimmt würde ich es dabei belassen und mich nicht noch verrückt machen mit einer zusätzlichen Suche.
Du bist die Braut die sich alles traut

Liebe Grüsse Pearl

Das warten hat eine Ende: Zivil 23.April 2009, Kirchlich 02.Mai 2009

17.09.08 14:56
fonzi 
Re: Mühe Entscheidung zu treffen! Location

Sorry, das stimmt jetzt eifach nöd, dass Restaurant mit ere ghobnere Chuchi zwenig z'ässe serviere. S'einte het mit em andere eifach kein zämmehang. Sorry, do mues ich mich eifach mol wehre.

17.09.08 15:23
Pluto

nicht registriert

Re: Mühe Entscheidung zu treffen! Location

Also ech has ou scho oft erläbt, dass es ide exquisitere Restaurants ned so viel ofem Teller hed. Super schön ond ausgefallen s'Essen dekoriere esch ide tüürere Restaurant normal. Dementsprechend dod mer ou weniger druf, söscht god das gar ned guet metem schön dekoriere. Mer gefallt en schön dekorierte Menüteller (das Auge isst ja mit), aber zuwenig droff passts mer ou ned. Hingäge esch en zu überladene Teller ou eher auslandend.

Has zwor ou scho erkläbt dassi inere normale Beiz ned vell gha ha. Oft spare sie chli ade Stärkebeilagen. 3 Kroketten zo Fleisch ond Gemüse esch scho chli mager.

Am besten Probeessen. Wemmer de Eindruck hed es sig zu wenig, grad fragen öb mer förs Hochzigessen chli meh chönnt ha - oder de ömu Nachservice. De hend ou d'Manne genug, för d'Frauen längets jo meistens scho.

Be mim Schwager esch zwor ou so ned guet usecho am Hochzig. Trotzdem dass sie gseid hend sie wette chli meh ofem Teller, hed's ned klappet. Aber am verhongere nehmi a esch glich niemer gsi.

* Wir haben am 26. Juli 2008 geheiratet *

17.09.08 15:50
madmadi 

Re: Mühe Entscheidung zu treffen! Location

Jaja Fonzi, es isch jo ned überall so, aber es chonnt doch mängisch vor... und ich stimme de Pluto voll zue - es gseht natürli schöner us, wenn de Täller ned so vollpackt isch und genau uf das achte natürli ghobneri/exquisiteri Lokal. Dass do en Handwärcher ned grad satt wird devo, söll jo au ned en Vorwurf si.... bitte ned agriffe fühle...

Grüessli
madmadi


Sit em 8. August 2008 glücklichi Ehefrau!

17.09.08 21:59
Kaz 

Re: Mühe Entscheidung zu treffen! Location

Hoi Sunny

Mini Schwöster het eres Fäst ufem Schloss Lenzburg gha, und au met em Catering vodä Chrone... ich und dä Meiste andere (vo allne 80 weissis nömme) aber dä Meiste hets gmundet!! Und öberhaubt, händ alli Gäst dä Glich gschmack?? Nei... also kei Sorge!! Top wahl und wie scho ganz vellmal erwähnt, i eu mueses passe!!

05.05.09 / 09.05.09 Juhui nömme so lang wie au scho :-)

 1 2 3
Catering-Partner   unterschrieben   Schloss   Hochziitsgesellschaft   Änderungswünsche   Zitronentortelli   treffen   Catering   entscheidungsfreudiger   Restaurant   Dementsprechend   Entscheidgungen   Hochzeitsfeier   Location   Selbstverständlichkeit   Entscheidung   Melonen-Garpaccio   Gastfreundlichkeit   Lieblingsblumen   Erfahrungsberichten