| Neeiin....meine Mens genau oder kurz vor dem Hochzeitstag, was tun?? :( |
|
|
1 2
|
mausi_90  am 01.04.2013
Neeiin....meine Mens genau oder kurz vor dem Hochzeitstag, was tun?? :(
Hey Mädels
Ich han mol ganz e anderi Frog, bi gad chli am verzwieflä.
Han usgrechnet dasi mini Mens genau oder ein Tag vor de Hochziet sött becho 
was chani do echt mache? i chans ned verschiebe mit de Pille welli mit Tempi messä due verhüäte!
Finds sowiso müähsam i han en Zyklus wo meistens 32-34 Täg duuret, also zimli lang und mir planed wohrschindli abem Auguscht s zweitä Chind. Drum ischs evtl. au doof mit Hormon z verschiebe well noher alles durenand isch. Usserdem duured mini Mens meistens 5-6 Täg da chunt na dezue.
I het ja nix degäge wens 2-3 Täg vor de Hochziet würed choo und langsam wieder am abklingä sind.
Och man das chas echt ned sii vorallem noher gönd mer ja gad id Ferie und denn heti mini Mens au na....
Het öper s gliiche Problem??Chanis echt irgendwie vorverschiebe und min Zyklus chli chürzä? weiss echt ned wasi söll machä! so öpis müähsams!
Danke scho mal für euri Antwortä und Tipps. 
|
|
|
snet  am 01.04.2013
Re: Neeiin....meine Mens genau oder kurz vor dem Hochzeitstag, was tun?? :(
Um ehrlich zu sein finde ich das jetzt nicht unbedingt ein Problem... Durch meinen Eingriff besteht z.Bsp auch die Gefahr, dass es erst gar nicht zur Hochzeitsnacht kommen kann.
Ich glaube nicht, dass du während deinem Hochzeitstag an deine Periode denken wirst oder er deswegen getrübt wird. Ausserdem heisst es doch immer, wenn man aufgeregt ist, dass sich die Periode durch das nach hinten verschiebt 
Und falls sie doch pünktlich kommen sollte, bist du ja in deinen Ferien nur marginal davon betroffen. Ist doch besser als mitten in den Ferien davon überrascht zu werden.
|
|
Lus nicht registriert am 01.04.2013
Re: Neeiin....meine Mens genau oder kurz vor dem Hochzeitstag, was tun?? :(
Hallo Mausi_90
Mi triffts ou  Mini Mens chunnt vorussichtlich genau a mim Hochzytstag. Da i ou nümme mit dr Pille verhüete chanis ou nid verschiebe. I ha zum Glück z Glück, das mini Mens relativ schwach isch und nach 3 Tag aues wider verbi isch. Glich närvts mi chli. i wirde scho es gnue grosses Kniep ufem WC ha mit em Chleid... de chani d Mens nid ou no grad bruche  
Aber wie d snet seit, wahrschindlech isch das am Hochzytstag ds chlinschte Problem
|
mausi_90 am 01.04.2013
Re: Neeiin....meine Mens genau oder kurz vor dem Hochzeitstag, was tun?? :(
Wenn mer Schmerzä het so wie ich und au susch ned so guet druf isch mit Stimmigsschwankige isch das echt ned toll am Hochzietstag. Also mi nervts schoo! Es isch susch scho müähsam mitem Chleid ufs WC und denn na all paar Stund go Tampons wechsle uf da hani echt kei Luscht.
Glaub au ned dasi so denn Luscht han ufe Hochzietsnacht eher na weniger weni d Mens han...
git viellicht so Fraue wo das ned gross stört und ebe wenn mes ned so starch het und vorallem nu 3 Täg denn ischs ned sone Sach. Aber finds scho gad chli müähsam vorallem ebe dasis denn ide Ferie womöglich au na 2-3 Täg han. Echt de dümmscht Zietpunkt! Jetzt hanis immer so um de 15. 16. im MOnet das wär ideal gsie well mir hürotet amne 22. aber da min Zyklus so lang isch schiebtses bis im Monet Juni schöön uf de 22. hindäre 
Aber wenn mer echt nüüt chan mache hoffi ganz fescht das sie scho zwei Täg vor de Hochziet chunt! Wens vo de Ufregig her würd nach hinderä verschiebe da wär für mii fasch na schlimmer well das wär s schlimmschte di ganze Feriewuche d Mens haa das goht gar ned und da Risiko bestoht ja au...
aach ez wünschti mer echt dasi Pille würd neh...
|
elea am 01.04.2013
Re: Neeiin....meine Mens genau oder kurz vor dem Hochzeitstag, was tun?? :(
mause gege d stemmigsschwankige ond d schmerze gehts tablette (hani au serig ond die werke super)! wörd mol de frauearzt froge ob er der öpis cha verschriebe...
ond wege de hochzitsnacht... semmer ehrlich die wenigste hend sex ide hchzitsnacht. nach somene lange ond astrengende tag lauft bide weigste no öpis... aso verschieb doch eifach dini hochzitsnacht om en woche ;)
ond wege de mens selber wördi velecht eifach es betz stärcheri/grösseri tampos bruche alsd sosch nemmsch. so füehlsch di es bez secherer... ond wegem wechsle wördi en gueti fröndin (oder dis mami) iweih dass si der s chleid hebt wenn du ne dusch wechsle...
ond was bi mer scho funktioniert het ond bi mine kolegine au esch dass d mens wörkli chasch dorwellensstärchi verschiebe. dönd domm aber mengisch gohts. dass der eifach seisch, höt döf si ned cho. nd mengisch esch de chopf wörkli stercher ;)
|
mausi_90 am 01.04.2013
Re: Neeiin....meine Mens genau oder kurz vor dem Hochzeitstag, was tun?? :(
und wie heissed dini Tablette wo du häsch?
das weg de Hochzietsnacht stimmt, finds trotzdem gad obermüähsam das sie genau denn mönd cho! i hasse d Mens!! me fühlt sich eifach ned so wohl denn-...werd gnueg ufgregt sii dasi da ned au na chan bruchä... wenn mer ebe öpis chent mache das allgemein de Zyklus chli chürzt wäri au susch froh zum noher schwanger werde...
Phuu also zum Tampon wechsle nimmi am liebschte min Schatz mit, bi ihm isch mer das ehrlich gseit am wenigste peinlich! Binre Kollegin oder bi mim Mami chani das glaub weniger... :S
viellicht bini au eifach kompliziert...
ich wünscht eifach sie chemt paar Tag vor de Hochziet... noher au na d Mens bide Reis z ha und ide Ferie isch echt doof! weni sie nur ade Hochziet nochli het mit dem chenti umgah
|
LucyLu  am 01.04.2013
Re: Neeiin....meine Mens genau oder kurz vor dem Hochzeitstag, was tun?? :(
Hallo mausi_90
ich wür ma de Frauearzt frage, es git soviel ich weiss Tablette wo mer chan d'Mens verschiebe aber ich weiss wlürklich nüm wie die heisse. Aber es gaht sicher nöd ohni Hormon. Aber da chan dir ä Fachperson sicher am beste helfe
|
mausi_90 am 01.04.2013
Re: Neeiin....meine Mens genau oder kurz vor dem Hochzeitstag, was tun?? :(
LucyLu:
Hallo mausi_90
ich wür ma de Frauearzt frage, es git soviel ich weiss Tablette wo mer chan d'Mens verschiebe aber ich weiss wlürklich nüm wie die heisse. Aber es gaht sicher nöd ohni Hormon. Aber da chan dir ä Fachperson sicher am beste helfe
Ja i werd morn sicher mol alüte und froge was mer chan mache. Merci
|
elea am 02.04.2013
Re: Neeiin....meine Mens genau oder kurz vor dem Hochzeitstag, was tun?? :(
weiss grad ned uswendig wie mini schmerztablette heisse. muss mol go noh luege weni dehai be.
aber a dinere stell wördi so oder so mol zom FA goht. ebe eventuell chaner der au öpis go wo dini täg verschiebe, ond de wer de ganz chommer wege nüt gsi ;)
|
sonne13 am 02.04.2013
Re: Neeiin....meine Mens genau oder kurz vor dem Hochzeitstag, was tun?? :(
mausi_90, es gid glaub so tablette wo d'mens chasch usezögere... kenn mi aber ned uus. ich verstoh dich aber sehr guet. woni no pille gnoh ha hani weder schmärze no starchi bluetige gha und das isch alle eifach so dure gange, das hed mi ned gross gstört. inzwüsche weissi wieder seeeehr gnau, wieso ich damals mit de pille aagfange ha d'schmärze sind zum teil fascht nid zum ushaute, und das isch jetzt halt ohni pille poschtwändend zrugg. ich wott mi nid beschwere drüber, das isch halt so, aber wenn under so starche beschwärde liidsch denn hend die natürli sehr en grosse iifluss uf de hochziitstag... (d'hochziitsnacht isch mer ziemli wurscht - ich glaub au dass mir denn ziemli dure werded sii) mich leids mängisch fascht zäme, ich ha au chreislaufzämebrüüch und es isch mer vor schmärze total übel. mit ponstan gohts denn alle grad mol so, aber au ned wirkli guet. drumm nähmtis mi au no wunder:
elea: was für tablette wirked denn bi dir so guet?
ich hoff du finsch e lösig mausi! ich fang lieber no gar ned aa zelle...
|
|
|
1 2
|
Anmelden
