| Passwort vergessen?
Sie sind nicht angemeldet.  Anmelden
Restaurant Chur-Sargans-Walensee?
 1 2
23.07.08 21:48
Manuela24

nicht registriert

Re: Restaurant Chur-Sargans-Walensee?

@ Icewomen

Mir hüratet in dä Bruderklaus-Kapelle am Walenstadtberg. Und wo händ ihr?

Ich bin demfall gspannt uf d'Beratig vom Marco und dä Josy.

Ja er isch am Walästadtberg ufgwachse (er isch Jg 80). Und Du? Viellicht kennet ihr euch ja. Hät ja nöd viel Iwohner.

Lg

Manuela

Mir trauet üs am 29.05.09 & 06.06.09 :-)

26.07.08 20:26
Icewomen 

Re: Restaurant Chur-Sargans-Walensee?

Mir händ am 10.Mai 08 z Tscherlach hürotä mit em Kaplan Brunschwiler da mir au döt jetzt wohnen.Ich bin aber in Walenstadt ufgwachsä und bin Johrgang 81.Wohrschindli kenni ich ihn scho...wie heisst er denn?

Min Schwoger und mini zukünftig Schwögerin hüroten am 30.8.08 au am Walästadtberg da sie am Berg ufgewachsä isch.

27.07.08 20:17
Manuela24

nicht registriert

Re: Restaurant Chur-Sargans-Walensee?

Hoi Icewoman

Mir wüsset no nöd, welle Pfarrer mir ha werdet. Aber mir händ ja no viel Ziet.

Min Verlobte heisst Philipp. Sin Brüder heisst Ivo, er isch Jg. 78 und au mit em Marco id Schuel. Wie heissisch Du denn und Din Schwoger bzw. d'Schwögerin?

Lg

Manuela

Mir trauet üs am 29.05.09 & 06.06.09 :-)

28.07.08 16:12
Icewomen 

Re: Restaurant Chur-Sargans-Walensee?

Ja ich kenne din zukünftig Ma...er isch i mini Parallelklass.Musch em nu sägä vu dä Metzgerei Bernold denn söt er wüssä weri i bi.

Wägem Pfarrer isch es ä so das d Kaplan im Oktober 08 got da er Pfarrer z Balgach würd.Und den isch no d eigentli Pfarrer d Emil Hobi.

29.07.08 20:43
Manuela24

nicht registriert

Re: Restaurant Chur-Sargans-Walensee?

Er weiss jetzt wär Du bisch und laht en Gruess usrichte. D'Welt isch scho chli!

Sind ihr scho in dä Flitterwuche gsi oder händ ihr die no vor eu?

Lg

Manuela

Mir trauet üs am 29.05.09 & 06.06.09 :-)

29.07.08 21:32
Icewomen 

Re: Restaurant Chur-Sargans-Walensee?

Nei mir sind nonig gsi da i grad en frischä Job agfangä ha und so gönd mir dann im Herbst....irgendwo i dä Schwiz

17.08.08 22:26
meitli 

Re: Restaurant Chur-Sargans-Walensee?

Hallöchen mitenand
Isch ja lustig, dass dir öich fasch kennet :-)
Auso, mir si das Wuchenänd chli go umeluege und hei in Flumserberg ds Aparthotel Bruggmann aagluegt, die hei e wunderschöne Saal und üs würds äbe sehr gfalle so ir Höchi, vis-à-vis vo de Churfisten... Kennt öpper vo öich das Hotel oder isch sogar scho mal dert gsi? Bis itz hei mir sehr e guete Iidruck.
Grüessli vom glückleche
Meitli

 1 2
Chur-Sargans-Walensee   warscheinlich   zusammenlegen   Schwiegereltere   Parallelklass   schlussendlich   Walestadtberg   Restaurant   Gesellschaft   Walästadtberg   Sorbetteller   Hochzietstorte   Flitterwuche   Komischerwies   Walenstadtberg   Bruderklaus-Kapelle   Walenstadt   Sarganserland   Hochzytstortä   Charlottetruse