Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Schlosshochzeit am 2.5.09 - Unterhaltungsideen für die Gäste?
Schlosshochzeit am 2.5.09 - Unterhaltungsideen für die Gäste?
 1 2 3 4
lorelai1980  am 11.08.2008

Schlosshochzeit am 2.5.09 - Unterhaltungsideen für die Gäste?

Liebe Alle

Wer von Euch plant selbst eine Schlosshochzeit bzw. war schon auf einer oder hat Ideen, wie man zwischen 16:30 etwa und dem Abendessen (nach 19:00) die Gäste unterhalten könnte?
Das Schloss hat einen tollen Schlossgarten (Schönwettervariante) und eine wunderschöne Terasse. Falls es nicht schön wäre, kann man Räume mieten oder im Speisesaal etwas machen.

Bin gespannt auf eure kreativen Ideen,
liebe Grüsse und eine schöne Vorbereitungszeit euch allen,

Lorelai1980



surri  am 11.08.2008

Re: Schlosshochzeit am 2.5.09 - Unterhaltungsideen für die Gäste?

Sali Lorelai1980

Au mir hürtot und fiere nächst Johr uf eme Schloss und zwar am 22. August. Wie wärs mit altertümlichi Musik. I ha emol e Fier uf Schloss Oensingen erlebt wo e Musiker mit alte Instrument uftrette isch. Isch echt no witztig gsi.
Mir händ uns überleiht e Schlossführig z' mache oder e Luftbaloon Wettbewerb oder e Schnitzeljagt ganz nach allte Pfaditraditon. S' Thema wäre mir. Wievil wüsse d' Gäst übers Brutpaar.
Und viellicht händ jo euchi Tätschmeister oder Trauzüge au no öbis plant.

Viel vergnüege bim plane



Ps: uf wellem Schloss hürotet Ihr?



lorelai1980  am 12.08.2008

Re: Schlosshochzeit am 2.5.09 - Unterhaltungsideen für die Gäste?

Salut Surri

Mir hyratet am Bodensee im Schloss Wartegg (www.wartegg.ch).
Dini Idee mit de Schnitzeljagd tönt super, vor allem will de Schlosspark det gross isch!
Und sones Quiz chöntmer ja au nach drin verlagere wenn's regne würd...danke vilmal für de Tipp!

Bisch scho wiit mitem Vorbereite? Isch scho e spannendi ziit :)

Lg
Lorelai1980



Tara  am 12.08.2008

Re: Schlosshochzeit am 2.5.09 - Unterhaltungsideen für die Gäste?

Zitat:



Hallo Lorelai1980

Mer hend üsers Fescht im Schloss Brunnegg in Kreuzlinge gha und sit noch de Kirche uf die vieri zum Apéro im Schlossgarte. De Apéro isch denn bis ca 17.30 gange und denn sind Gäste wo übernachtet hend i Dracheburg in Gottlieben go ichecke und uf die siebni wieder cho. Mer hend kei spezielli Unterhaltig gha während am Apéro und es het tiptop passt, Wetter isch schön gsi und Lüt hend sich alli chönne mitenand unterhalte. Mer sind ebe kei grossi Gsellschaft gsi, nur 46 Lüt. Am obig hem mir denn a irische Band gha und Stimmig isch fröhlich und ungezwunge gsi. Es brucht mängisch nöd viel zum Gsellschaft unterhalte. Zviel isch ebe au nöd guet, wäg denn chunnt au Stress under de Gäste uf. Es isch eifach a Traumhochzyt gsi

Grüssli

Verhürotet sit am 2.8.08




lorelai1980  am 12.08.2008

Re: Schlosshochzeit am 2.5.09 - Unterhaltungsideen für die Gäste?

Liebi Tara

Hei s Schloss Brunnegg simmer under anderem au go aluege - isch uu schön!
Für eus häts schlussendliche eifach logistisch besser passt, will d Kirche in Rorschach so näch vom Schloss isch und zudem chunt mer nach de Kirche grad schnell ufs Bodeseeschiff (det wämmer Aperööle und e Rundfahrt mache mit eusne über 100 Aperogäst). Mir werdet au öbbe 50-55 Lüt sii ufem Schloss am Schluss, susch häts denn au kein Platz me zum Tanze.
Ich bin ebe au der Meinig, dases nöd allzu vill brucht. Drum hoffi mir findet bald en Musiker,
bzw. es Duo oder so für de abig, und dasmer no e lässigi Idee händ für d Aperoziit (im Schlossgarte oder indoor).
:)
Därf ich dich grad no was fräge, du wo du scho ghyrate häsch? Wieviel händ ihr grechnet fürs Esse und Trinke für euri 46 Gäst? Ich han grob was im Budget drin aber en Erfahrigswert wär schono cool zum chöne verhandle und so.

Glg
Lorelai1980



Tara  am 12.08.2008

Re: Schlosshochzeit am 2.5.09 - Unterhaltungsideen für die Gäste?

Hi Lorelai1980

Also mer hend zerscht mit Fr. 200 pro Person grechnet. Also Esse, Apéro und Getränke. Isch achli viel aber mer hend wölle uf de sichere Seite si. Hend Rechnig no nöd übercho vom Schloss, aber i denk die wird mit allem drum und dra ca. Fr. 8'000.-- si. also ca. Fr. 175 pro Person. Menu isch um die Fr. 85.-- gsi und de Apéro Fr. 10.-- und den chunnt jo no Getränke und Verlängerig dazu. Öb viel Alkohol trunke worde isch, cha i nöd beurteile. Be regelrecht in Trance gsi a dem Tag, aber es isch warm gsi und i glaub lüt hend no soviel Alkohol trunke.

Kirchliche Trauig isch be üs in Hohentanne gsi be Bischofszell. Sind ursprünglich us Goldach, wohned jetzt aber in Winterthur. Schloss Wartegg hend mir übrigens au zerscht reserviert gha, hetted gern Wartensee gha aber die sind jo usbuched für praktisch 1 1/2 Johr.

Grüssli



lorelai1980  am 12.08.2008

Re: Schlosshochzeit am 2.5.09 - Unterhaltungsideen für die Gäste?

Du bisch demfall au en Fan vo so alte Gebäude gell ;)?
Isch ja au wunderschön! Das isch genau sonen chli-Meitli Traum gsi vo mir so z hyrate.
Danke dir villmal für alli Agabe, das hilft mer echt wiiter.
Ich denke wenn all Aperogäst tatsächlich chömed, denn chömed löcke 150 oder sogar chli mee.
Aber mir händ denkt mir spared nöd am Apero, sondern nemed denn eifach en chlinnere (50/55) Personekreis wiiter mit ufs Schloss gell.
In Winti wohnsch du? So cool, ich han bis vor 1,5J au det gwohnt, zmitzt idä Altstadt bim Kafisatz zue. Isch scho herrlich dete. Jetzt suechemer im Herbst uf de Früehlig denn au e neuii Wohnig, die wird ois langsam z chli will mer wänd ja denn au mal a Nachwuchs denke ;)
Winti stat au uf eusere Liste, hauptsach schnell uf Züri, wägem schaffe...
Das wird mer au lustig werde, no rasch Zügle vorem hyrate :)



Tara  am 12.08.2008

Re: Schlosshochzeit am 2.5.09 - Unterhaltungsideen für die Gäste?

I ha scho immer wölle uf emene Schloss hürote so a richtigi Prinzessine Hochzyt Ha den au a Prinzessinekleid usgsucht cha mit Diadem. Mer hend nur gladinie Gäst gha, üsers Ziel isch gsi, dass mer mit allne chönnt schwätze und da hend mer au erreicht so.
Mer hend ende Mai zügled. Isch en riese Stress gsi mit de Hochzyt. Sind jetzt in Seen und wohned imene Hüsli damit mer au gnueg Platz hend Schaffe tuen i ebe au sit afangs April in Zürich Altstette



lorelai1980  am 12.08.2008

Re: Schlosshochzeit am 2.5.09 - Unterhaltungsideen für die Gäste?

das isch ja ideal, vo winti uf altstette häts doch einigi züg, oder? super, dass das so guet für eu klapped hät mitem zygle und de hochzit au!
isch e ufregendi ziit jetzt, s plane und zygle, und au dass mir nächst jahr grad idä hochzitsnacht wänd afange "üebe" :)

das wo du seisch mitem underhalte das wämmer au so mache, mir wänd drum en lange apero mit de rundfahrt ufem bodesee. det hämmer schön ziit für alli.
es isch ebe so, dass ich finnin bin und min verlobte halb CH halb FRZ. vo mir chömed sicher die engste gspänli us de CH au as fest, und denn chömed sicher no einigi verwandti us finnland, die müend scho ufs fest. und denn vo mim zuekünftige halt au familie us de innerschwiiz und vilicht au us FRZ. obwohl det schmeissemer später denn no en sektempfang im summer :).
to make a long story short: mir müend eus eifach uf e maximali gästezahl festlegge will mer susch eifach über s budget useschüssed.
ich bin drum doktorandin und verdiene nonig d welt :), aber das gat scho :)

händ ihr sones CH durchschnittsbudget gha( das isch ja bi 25'000 30'000 CHF)?
mir versuecheds bi 20'000 z halte, ohni hochzitsreis aber. die wämmer eus vode gäst schenke laa.



surri  am 12.08.2008

Re: Schlosshochzeit am 2.5.09 - Unterhaltungsideen für die Gäste?

Sali Lorelai

Mir hürote und fiere uf em Schloss. Dorum hanni kei Chriche muesse sueche. Mir händ scho s`Catering für s' Apero und für e Obe. I bi im Moment uf dr Suechi nach Unterhaltig für e Obe.
E Sängerin hets üs bis jetzt atho. Sunscht hanni avo Chartli bastle für di Zivili. E Fotograf hei mir au scho. Aber uns fehlt no e freie Theolog oder e Pfarrer. Mir hürote ebe im Garte vom Schloss. Mir si obe 100 lüt für s' Apero und 45 für s'ässe. Mir rächne öbe 150 Franke für s' ässe pro Person mit Getränk. Das sind ca. 7000 Franke und für s' Apero hämmer ca 2400.- Franke grächnet. Hoff das hilft dir.

Lg Surri



 1 2 3 4

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.