| Passwort vergessen?
Sie sind nicht angemeldet.  Anmelden
Schlosshochzeit am 2.5.09 - Unterhaltungsideen für die Gäste?
 1 2 3 4
12.08.08 11:27
Tara 

Re: Schlosshochzeit am 2.5.09 - Unterhaltungsideen für die Gäste?

So cool, internationali Hochzyt. I be ebe au a halbi Irin, min ma aber volle CH Mer hend au Gäst vo Ireland gha und die liebed CH-Hochzyte. Es got halt nöd immer nur ums suffe

Mer hend ca. 29'000 usgeh. De Ring sind be üs achli tür gsi ca. 5'500 und de Fotograf het üs au 3800 kostet. Aber Fotene sind mer uh wichtig gsi und döt han i nöd wölle spare.
Mer hend jetzt Flitterwucheaber dahei. Hend no wölle fertig irichte und de Garte mache. Sind ebe letscht johr scho in Dubai und China gsi, quasi üseri Flitterwuche vorgholt

12.08.08 12:06
lorelai1980 

Re: Schlosshochzeit am 2.5.09 - Unterhaltungsideen für die Gäste?

Mir händ ebe nach de Verlobig in Finnland am 19.7.08 d Ring zäme usgsuecht und wänd genau die Ring denn eifach graviere laa und links träge. Min Verlobte hät nie 2 Ring wele und ich han DE ring gfunde und wett gar kein andere neb de ane :)
Mit de Gravur sinds ja denn au "wie neu" und mer sind super z fride. D Ring gheied vom Budget demfall scho wägg. Mis Brutkleid hani selber kauft, das hani mir nöd wele nee und han niemert wele ha, wo mir driischwätzt mitem Priis und so. han lang gspart und die Freud han mer wele bhalte :).
Drum isch de Poste au nym im Budget.
Han jetzt nach dine Agabe euses Budget chli aapasst mitem Esse und Trinke ufem Schloss.
En grosse Poste wird eventuell no d Bodeseeschifffahrt.
Aber wenn de Vater vo mim Verlobte au no was wett biistüre ade Hochzit denn klapped das scho. Isch schliesslich es einmaligs Fest!

Das isch au no gschickt, mit Flitterwuche vorhole ;)
Mir händ ursprünglich gaaanz anderi Plän gha. Händ ends Jahr wele afange "üebe" idä Ferie, womer händ wele über Neujahr mache, und denn 2010 irgendwenn nachher mal hyrate. aber denn simmer plötzlich doch uf de Gschmack cho und jetzt gats de traditionelleri weg ;)
susch hettemer eusi Südsee-Reis au scho das Jahr gmacht. Jetzt gats nächste Mai denn id Flitterwuche *freu*

Als Fotografe hämmer 2 Gspänli wo sehr sehr künstlerisch und schön chönd fotografiere, und da machemer eifach es paar Termine ab im Tag.
Händ ihr nach de Chile gföttelet? De Aha Moment idä Chile isch ja suscht chli verpufft.

12.08.08 12:07
lorelai1980 

Re: Schlosshochzeit am 2.5.09 - Unterhaltungsideen für die Gäste?

Hallo Surri

Viele Dank für'd Infos und d Beträg, so chamer s Budget vill besser abschätze :)
Glg
Lorelai1980

12.08.08 13:06
Tara 

Re: Schlosshochzeit am 2.5.09 - Unterhaltungsideen für die Gäste?

Be mim Kleid han i au nöd wölle spare, het netto 2390 kostet aber mit Accesoires und Änderige bin i den au uf 3200 cho. Wo hesch dis Brautkleid kauft? I ha mis vom Meier in St. Galle. Ha scho immer gseit für me chunnt nur de Lade in Frog. De Fotograf het me und Schwöster vo 7.30 a begleited, also die ganz Entstehig bis zur fertige Braut. Mer sind denn rasch vor de Kirche no a halb Stund gstellti Fotene go mache. Min Schatz het me also vorher gseh. Üsere Fotograf macht ebe nöd gern gstellti Fotene. Die wo eifach so entstönd sind ebe scho di besteBe scho mega gspannt wie's worde sind, ha a paar dörfe scho uf sinere Kamera aluege. De Rest hend Gäst gmacht, die sind au guet worde. Wetter isch halt ideal gsi, nöd mega heiss und extrem sunnig, achli bewölkt etc.

12.08.08 13:33
lorelai1980 

Re: Schlosshochzeit am 2.5.09 - Unterhaltungsideen für die Gäste?

ja s wetter chan eim scho buchweh mache gell, supi dases bi dir verhebt hät und schön gsi isch!
ich denke mir mached uf all fäll e schön und e schlechtwetter variante vo allem (isch vor allem relevant bide schifffahrt, ergo dasmer dine platz händ für all) und bim apero (aber de chamer im schloss au dine mache, also ich mein de chlinner sektempfang) händ.

ich han mis brutchleid eher zuefällig gfunde. mini kollegin hyratet am 6.6.09 und isch go sueche vorere wuche und hät gfrägt obi well mitcho als berater.
und denn hanis dett ZAGG gfunde! total zuefällig.
es isch öbbe so tyr gsi wie dis und vo eddy k., aber uf das hani gar nöd gluegt, es isch eifach DAS kleid :)

ich überlegg mir jetzt allerdings, d brutschueh naimets andersch z kaufe, will mir gfalled die det überhaupt nöd bi Chez Janine. Bzw. generell nöd.
Und schliesslich chunt no en reifrock (merke grad wie ich gross und chli schribig mischle, ich mach glaub in chli wiiter :)) dezue und curlies für s haar, ohrring und es täschli und no de chli schleier...

das summiert sich denn scho.

12.08.08 13:44
Tara 

Re: Schlosshochzeit am 2.5.09 - Unterhaltungsideen für die Gäste?

I ha au eis vo Eddyk gha Nr. 1293 da sind so mega schöni Kleider. Schuh han i vo Rainbow gha Version "Amber" isch wie en Turnschuh gsi mega bequem und het 198.-- kostet. Ha mis Kleider gad geschter wieder us de Reinigung gholt und has hüt morge gad wieder muesse aluege. Mega schön mit der elend lange Schleppe. Wörs am liebste gad wieder alege und wieder träume

12.08.08 15:35
lorelai1980 

Re: Schlosshochzeit am 2.5.09 - Unterhaltungsideen für die Gäste?

nei :)! de zuefall :)
doof, dasmer mit de nummere uf eddy k. uf de website nöd chan naluege, weles chleid...das het mich jetzt no wunder gno. aber ich bin sicher es isch wunder schön, ich han mich dureklickt mal bi allne vorere wuche und es git fast keis wo nöd hammermässig schön wär.
ou ja du sprichsches grad aa...s reinige. chamer das i jedi reinigung bringe eigentlich? isch das tüür? und generell - du bhaltisch dis kleid, oder?
ich find mer müest vill me glegeheite ha ide CH, zums chleid wieder bruche. in D macheds doch mega vill so brutkleider-ball-abige. das söttmer mal ufzieh in winti/ züri! :) es git sicher vill fraue
wo nur druf warted, dases ihres traumkleid därfed usführe.

ja wäg de schueh muesi no luege. ich därf ebe eh nur schueh ha mit 1cm absatz will min zuekünftige und ich sind glich gross und ich wett ja nöd usgse näbed ihm wie es hochhus *lol* ;)
aber und dem reifrock und dem chleid woni han gsetmer eh d schueh nie. drum chaufi so elfebei oder cremefarbigi schueh mit 1cm absatz, wenns mer entgege chömed.

händ ihr das eigentlich au gmacht mit de hochzitstorte, dass ihr die oberst torte mit hei gno händ, zum sie igfrüüre und am 1. hochzitstag esse?
fragen über fragen, muesch säge wenn' d nym magsch antworte :)


12.08.08 22:32
Tara 

Re: Schlosshochzeit am 2.5.09 - Unterhaltungsideen für die Gäste?

Wenn uf de Homepage vo Eddyk gosch go luege und denn uf Eddyk clicksch, muesch ufs page 3 und denn chasch jo Kleider aklicke und denn zeigts dir Nr. und süs gisch mer dini e-mail dure (chasch mer jo en Gästebuch itrag mache) und denn chan i dir äs Föteli schicke i mim Kleid. Mini Schuh hend au kein mega Absatz gha, min Ma und i sind ebe au fascht glich gross.

a Hochzytstorte hend mir gha aber die isch praktisch ufgesse worde. Hend also kei mithei gno.

Du i hilf gern de Lüt wieder, a Hochzyt organisiere isch scho no schwierig. Tue gern mini Erfahrige weitergeh, denn chan i au weiterträume

Wäg de Reinigung, s'Kleid chasch i jedi Textilreinigung bringe. Het 120.-- kostet. Also verkaufe tuen ich's glaub nöd, obwohl min Maa seit wär dochs beste, aber i find das isch sehr speziell für me und i wills nöd hergeh. Mini schwöschter machts au nöd wo letscht johr ghürote het.

13.08.08 07:59
lorelai1980 

Re: Schlosshochzeit am 2.5.09 - Unterhaltungsideen für die Gäste?

da zeigt sich wieder mal "die tücke des objektes" - mitem falsche browser ufgmacht gset mer d nummere nöd, miteme richtige scho (explorer...) :)
WUNDERSCHÖN isch dis chleid!! und sone schön langi schleppe...

und jetzt weissi grad no weli "nummere" mis chleid hät, das han ich bis jetzt au nöd gwüsst :)
mis isch s BE4 ;)
chan s chum erwarte is chez janine z fahre und s nomal aa haa... ich mueses nur no chli chlinner mache laa obe und en chnopf zum d schleppe "versorge" und thats it, längi und alles hät gsesse wie aagosse zum glück.
d kollegin hät det no recht druf zahlt mit ganz viele arbeitsstunde vode schniderin.

das chani u guet naaempfinde, ich bin genau die gsi wo immer gseit hät "ich miet mis chleid" und "ich verkaufs denn wieder" aber ich zwiifle mitlerwiile scho ;)

es schöns tägli dir und danke villmal für all dini uskünft - die chemisch reinigung isch tatsächlich nöd so tyyr wienis befürchtet hett.

glg
Lorelai1980

13.08.08 08:06
Tara 

Re: Schlosshochzeit am 2.5.09 - Unterhaltungsideen für die Gäste?

Wunderschön! Die Kleider hend eifach öppis speziell und sind mega bequem zum träge Mis hends bstellt, isch 5 Monat gange und denn hends au nur obe müsse apasse aber wäg so viel Stickerei het, hets doch 200.-- kostet

Wünsch dir no viel Spass bim Plane

 1 2 3 4
Schlosshochzeit   Unterhaltungsideen   Hochzeit   skandinaavilaisen   Schloss   Kirchliche   durchschnittsbudget   medienwissenschaft   vielleicht   Prinzessinekleid   finnland   eigentlich   brutkleider-ball-abige   verheiratet   Bodeseeschifffahrt   organisatorischen   Vorbereitungszeit   überglückliche   Lorelai1980   Schönwettervariante