| Passwort vergessen?
Sie sind nicht angemeldet.  Anmelden
Was für es Izugsliäd i Kile hend ier gwählt?
 1 2 3 4 5
24.09.07 14:17
jovia

nicht registriert

Was für es Izugsliäd i Kile hend ier gwählt?

Hi zäme!
Hend ier s'traditionelle Hochziitsliäd gwählt oder es anders? Mier sind biz am studiere...

24.09.07 16:13
dodo10 

Re: Was für es Izugsliäd i Kile hend ier gwählt?

Hoi Jovia

Mir hend en Gospelchor wo i dä Chile wird singe. Mir chönd selber wähle, was für es lied mir bim Izug werded ha. Hend eus nonig ganz entschiede. Wird aber eher nüt so traditionells si, sondern eher öpis moderns.

Grüessli dodo10

24.09.07 17:36
jovia

nicht registriert

Re: Was für es Izugsliäd i Kile hend ier gwählt?

Hi Dodo

Ou dass isch lessig. Hätt mier äbe au so eppis vorgstellt, aber erstens isch eysi Chile rächt chley und de würdis ziemlich sicher nid so guet töne und zweitens isch ja das ai nu rächt en tüüri Sach so en Gospelchor, oder? Hend eys äbe überleid das epper allei würd singe eventuell - für de Abe hemmer äbe scho en "Band" .

Wenn hüratit ier denn?

Liäbs Grüässli
Jovia

25.09.07 11:51
dodo10 

Re: Was für es Izugsliäd i Kile hend ier gwählt?

Hoi Jovia

Mir hüratet am 14.6.08 kirchlich und wenn möglich am 12.6.08 zivil.

En Chor isch rächt tüür, das stimmt. Da ich aber selber i däm Chor mitsinge, isch es für eus gratis!! Sind mega froh, es chostet ja süst scho gnueg.

Was hend ihr für ä band für am abig?? Mir sind eus nonig ganz schlüssig.

Wenn hüratit ihr? und wo? häsch schleid scho?

Grüessli dodo10

25.09.07 15:50
jovia

nicht registriert

Re: Was für es Izugsliäd i Kile hend ier gwählt?

Hoi Dodo

Ah so, das isch nateyrlich super mit em Chor . Gospel i de Chile isch nämlich eifach genial.

Mier hüratit am 29.02.08 zivil und 19.07.08 kirchlich - isch alles scho fix und reserviert . S'zivile findet in Stans NW statt und s'kirchliche in Pontresina im Oberengadin.

Am Abe hemmer es Duo vo zwei Männer. Sie spielid live uf de Gitarre und de einti singt. Die restliche Instrumänt wie Bass, Schlagzüg usw. chemid vonere "Maschine". Sie spielid alles querbeet vo Dire Straits, Pink Floyd, Elvis Presley, AC/DC über Plüsch bis zu hochdütsche Songs. De Sänger hed en mega Stimm und mier sind froh dass mier sie "becho" hend . Was hend ier eych denn vorgstellt?

Ja, s'Chleid han ich scho kauft und es isch superschööööööönnnn und ich bin mega froh dass ich das gseh han, inegschlofe bin und's grad passt hed . Hesch du s'Chleid scho?

Wo hüratit ier denn?

megaliäbs grüässli
jovia

25.09.07 16:34
dodo10 

Re: Was für es Izugsliäd i Kile hend ier gwählt?

Hoi Jovia

Mir sind eus nonig sicher öb mir en dj wend, oder ä band, oder eifach vom ipod (findi zwar scho chli schad), aber ebe mal luege was denn usechunt.

Ich han mis chleid au scho. Isch mer öpe glich gange wie dir. Bin inegschlofe und han müese säge ja das isches!!

Mir hüratet zivil in Wettige und kirchlich in leuggern. Kännt eigentli niemer. isch es chlises städtli i dä nöchi vo dä dütsche grenze. hät dört ä nachbildig vo dä grotte in lourdes (fr). isch ja en wallfahrtsort. und in leuggern staht ä nachbildig vo däre grotte. d.h. wens wetter mitmacht chömer dusse hürate. bin jetzt scho ganz nervös!!
Gsehsch du din maa erst i dä chile oder scho vorher??

Hät er dich gfröget oder henders zäme beschlosse??


Liebs Grüessli dodo

25.09.07 16:51
jovia

nicht registriert

Re: Was für es Izugsliäd i Kile hend ier gwählt?

Hoi Dodo

Hey, bisch ai grad hie inne gsi dass so schnell gschriebe hesch? Ich bin eppedie hie inne .

Dörf ich frage wie deys Chleid denn usgsehd? Ich glaube eifach genau so muess es sey bim usläse, nur denn isch me sich absolut sicher - dänk ich jedefalls .

Wettige isch aber Wettingen gmeint, oder nid? Nei, s'andere Örtli seid mier gar neyd. Hoffe nateyrlich für eych dass ier dusse chend hürate, tönt nämlich megaschön . Ich gseh mey ma erst i de Chile, ha das unbedingt welle weil das für eys sicher en superschöne Momänt wird sey. Die meiste gsehnd sich ja vorhär wägem fötele, aber mier hend eys gäg das entschiede. Wie machid ier das?

Ja, wäg de Abig-Unterhaltig isch das so en Sach... mey Schatz stahd sehr uf Musig und vo demhär isch bi eys en DJ nid in Frag cho, sondern nur Live-Musig. Aber ich dänke es isch eifach wichtig dass me für sich s'passende gfindt und uissuecht.

Hmmm... wie isch da bi eys gange... also übers hürate gredt hemmer eigentlich scho vorem offizielle Atrag, aber han scho eine welle . De hed är mier denn i eysne Summerferie ganz schön gmacht . Und bi eych?

Chemid ier denn vo Wettige?

Es liäbs Grüässli
jovia

01.10.07 14:35
dodo10 

Re: Was für es Izugsliäd i Kile hend ier gwählt?

Hoi Jovia

wie mis chleid usgseht... isch na schwär zum beschriebe:
isch 1-teilig, soberteil isch bestickt mit ganz vill chrälleli, dä rock isch ganz schlicht, ohni stickerei, isch aber us mehrere schichte. isch broche wiis, nöd ganz wiis.

Mir hend eus jetzt für en dj entschiede. Hoffentli isch dä guet.

Ich gseh min Zuekünftige au erst i dä chile. Hend eus au gege sfötele vorher entschiede.

Ja, es isch scho Wettingen gmeint. Mir wohned au dört.

Min Schatz hät mir en mega Atrag gmacht. Hend ja zwar scho entschiede gha, dass mir werded hürate, aber ich bin völlig paff gsi, was er gmacht hät!

Wens di wundernimmt, gang doch mal im Forum unter hüratsaträg,
hüratsatrag speziell go luege

Wo wohned ihr dänn?

lg dodo10

01.10.07 15:06
jovia

nicht registriert

Re: Was für es Izugsliäd i Kile hend ier gwählt?

Hoi Dodo10

Hey, deys Chleid tönt schön. Ich weiss wie schwierig das isch zum beschreybe...

Wohär hend ier denn de DJ? Kennid ier de persönlich oder usem Internet?

Wow, de Hüratsatrag isch ja wirklich eppis ganz Speziells gsi . De vergissid ier ganz bestimmt nie und vo dem chend ier ai eychne Änkle nu verzelle .

Mier wohnid in Nidwalde, grad am Vierwaldstättersee . Kennsch die Umgäbig biz? Hey, ha mal en Schwarm vo Wettinge gha, aber das isch sicher fast 16 Jahr här .

Ich find das eifach schön wemmer sich erst i de Chile gsehd... und fürs fötele hed meh sicher nu Zeyt spöter. Mier wettid eh nid 5000 Föteli - liäber biz weniger, defür schöni und spezielli .

Liäbs Grüässli
Jovia

01.10.07 15:12
dodo10 

Re: Was für es Izugsliäd i Kile hend ier gwählt?

Hey Jovia

Mir gönd, wenn irgendwie möglich, dä dj no go alose...
Hend en us em Internet. Isch au da im Forum uftaucht und hät sehr gueti Kritik übercho.

Kenn mi am vierwaldstättersee scho chli us, bin mit mine eltere früehner vill gsi. Wo wohned ihr denn gnau in Nidwalde?

Liebs Grüessli dodo10

 1 2 3 4 5
sooooooooooooooooooooo   eigentlich   Grüessli   Vierwaldstättersee   xundheitsbedingt   absatzschuhe-füess   Bastelmaterialie   nateyrlich   Wienachtschärtli   Altersunterschied   Grüässli   Izugsliäd   chärtli   hochziitserfahrig   sicherheitshalber   Hochziitstanzkurs   eierschale-champagnerfarbig   hochziits-homepage   superschööööööönnnn   Hochzeyts-Homepage