| Passwort vergessen?
Sie sind nicht angemeldet.  Anmelden
Was für es Izugsliäd i Kile hend ier gwählt?
 1 2 3 4 5
03.10.07 10:25
jovia

nicht registriert

Re: Was für es Izugsliäd i Kile hend ier gwählt?

Hi dodo 10
Das isch nateyrlich super dass ier Kontakt zumene Grafiker hend - die "cheibe" Chärtli sind nämlich glaub ich nu rächt tüür.
Es isch immer guet wemmer epper hed wo hilft - erstens isch es lustiger und zweitens chund meh nu schneller vorwärts .
Hend dänkt dass mier eys im November mal biz de Druckereie widmid... grins

Liäbs Grüässli
Jovia

03.10.07 15:51
dodo10 

Re: Was für es Izugsliäd i Kile hend ier gwählt?

Hoi Jovia

ja genau, das stimmt. Mir hend scho so vill verschiedeni chärtli aglueget, dass mer scho gar nüme wüssed, was mer sölled mache.
Wend au öpis schlichts. Eifach öpis wo zu eus passt.

Hend ihr ä hochziits-homepage? Sind eus ebe am überlege öb mer statt chärtli, iladige, wegbeschrieb, etc. sölled ä homepage mache uf wirheiraten.ch und eusi gäst so informiere. Aber irgendwie gfallt mir die "altmodisch" variante eifach besser!

Nimmsch du dä Name vo dim Schatz a wenn Ihr hüratet? oder bhaltisch din eigne?

Grüessli dodo10

03.10.07 16:56
jovia

nicht registriert

Re: Was für es Izugsliäd i Kile hend ier gwählt?

Hi dodo10

Ja genau, findes äbe au wichtig dass Kärtli irgendwie zu eim passid. Und mier wehnd nid so wirklich pompös und luxuriös fiire - es sell eifach (vorallem nateyrlich am Abe) es riesigs, lustigs, gmüetlichs, superschöns Fäst sey . Am Nami bzw. i de Chile wemmers ja traditionell, defür am Abe umso meh Party .

Nei, mier hend kei Hochzeyts-Homepage, isch ai nid so eyses Ding dänk ich. Vorallem find ich's uf jede Fall schöner Kärtli z'verschicke oder je nachdem nateyrlich denn ai z'becho - isch irgendwie doch nu persönlicher. Hüttzutag gahd ja susch scho vill übers Internet und Mail... aber nateyrlich säg ich ai immer - jedem das Seine .

Ich nieme de Name vo meym Schatz ah. Und du? Für mich isch das eigentlich immer scho klar gsi, usser är hätti ganz en abscheuliche Name gha *grins*.

Döhf ich frage wie alt ier sind? Ich ghöre hie inne zu de eltere Brüütli, bi aber nid weniger ufgregt wäg dem .

Liäbs Grüässli
Jovia

04.10.07 08:24
dodo10 

Re: Was für es Izugsliäd i Kile hend ier gwählt?

Guete Morge!

Mir hend eus gester abig def. entschiede, dass mir kei homepage mached. bliebed bim altbewährte.

Ich nimme au dä name vo mim schatz a. Isch für mich eigentlich au immer klar gsi, au wens irgendwie es komisches gfühl isch... aber es schöns!

Ich wird nächste wuche 23gi, ghör glaub eher na zu dä junge brüüt. Min schatz isch letzte monet 30gi worde. Hend en zimliche unterschied, aber eus stört das nöd. Nur mini muetter hät am afang chli komisch tue, hät sich aber inzwüsche dra gwöhnt und min schatz isch fast wie en sohn für mini eltere worde!

Wie alt sind ihr denn, weni dörf fröge??

grüessli dodo10

04.10.07 08:50
jovia

nicht registriert

Re: Was für es Izugsliäd i Kile hend ier gwählt?

Äbefalls guete Morge

S'altbewährte isch doch mängisch ai schön... ich find's Internet und alles super, aber bi bstimmte Sache bin ich denn doch nu "altmodisch" .

Ich find's ai es superschöns Gfühl denn wie mey Ma z'heisse und freue mich sehr druhf. Bi mier gahd es ja denn mit em Name anäh nimme allzulang, da mier ja zivil bereits Ändi Februar hüratit .

Hey, meyni Eltere hend de gleych Altersunterschied und sind sit 38 Jahr glücklich ghürate (übrigens hends im gleyche Alter wie ier ghürate, smile) - isch also es guets Zeiche . Ich ghöre hie zu de eltere Brüüt , bi 33gi und mey Schatz isch 30gi. Ha äbe de richtig erst nachemene "5jährige Fählgriff" kenneglehrnt und drum stimmt's jetzt für eys. Kennid eys sit eppe 5 - 6 Jahr, aber zäme simmer erst sitt 2 1/2 Jahr. Wie lang sind ier zäme?

Hesch du ai s'Gfühl Zeyt giengi langsamer verbey als au scho ...

Liäbs Grüässli
Jovia

04.10.07 09:22
dodo10 

Re: Was für es Izugsliäd i Kile hend ier gwählt?

Hoi Jovia

Ich finds au schön nacher wie mim maa zheisse, freu mi au scho druf!
Bi mir gads na "zimli" lang bis ich heisse wie min schatz. mir hüratet wenn möglich am 12.6.08 zivil. aber euses standesamt isch mega doof. die nämed kei reservierige a, wie fast alli andere. d.h. mir wüssed fäng mitti märz 08 öb das datum gaht!!!

im moment vergaht ziit würkli nöd... mir hend vor allem niemer i dä umgebig mit hochziitserfahrig..! eusi trauzüge sind serste mal trauzüge, ich bin einzelchind, mim schatz sini schwö het nöd vor zhürate, sini eltere sind trännt, und mini sind au sit meh als 30 jahr verhüratet. Mini best Kollegin hät zwar vor 3 jahr ghüratet, aber sie isch italienerin, und die mached ja bekanntlich zimli extremi, grossi fäscht, wo nöd i euses budget inepasst!

drum ischs mer im moment na glich, wenn dziit nöd so schnell vergaht...
hend dänn warschindli na gnueg stress uf dä schluss ane.

wo holed ihr alli infos her? Organisiered ihr au alles mit dä trauzüge zäme oder hend ihr en externe planer?

grüessli dodo10

04.10.07 09:34
jovia

nicht registriert

Re: Was für es Izugsliäd i Kile hend ier gwählt?

Hallo dodo 10

Du bisch ja au vill da inne - wie ich . Erst Mitti März chönd ier reserviere??? Bi eys isch ab September 07 für Januar/Februar 08 und ab Oktober 07 fürs ganze Jahr 08. Find ich au guet so, de chamer biz besser plane und weiss ai s'Datum gnau. Was hend ier denn so am zivile plant? Mit Familie oder allei?

Mier ichhend rundume einige Leyt mit Hochziitserfahrig und denn redid mier eppedie mit ihne drüber oder ich gah äbe da ihne und tusche mich mit anderne Brüütlis uhs . Nä nei, mier machid das sälber - ich liäbe Sache organisiere und drum isch das für mich supergenial . Mey Schatz würd ai hälfe, isch aber nid ganz so begabt uf dem Gebiet und ich ha ai vill meh Zeyt als är.

Chasch dui vom Gschäft uis is Internet?

Liäbs Grüässli
Jovia

04.10.07 10:01
dodo10 

Re: Was für es Izugsliäd i Kile hend ier gwählt?

Hallo

Mir hend am zivile nüt grosses vor. scho mit mine und sine eltere aber au nöd meh.
mir mached dänn ja sgrosse fäst wenn mir kirchlich hüratet.

Bi eus isch ebe au ziit echli sproblem bim organisiere...
mir schaffed beidi 100%, hend immer zimli vill los will mer es ross hend. das git halt eifach arbet.

Ja, ich dörf im gschäft is internet. Min chef isch sehr kulant. solang ich mini arbet mache (mues mich eifach a termine halte vo offerte) und zurziit hani fast nüt (bin sekretärin) seit er nüt. mues ja eh da si öbi öpis zdue han oder nöd.

Dörfsch du während em schaffe nöd is netz??

Mir sind am eusem Hochzitstag genau 5 Jahr zäme!

Hend während dä LAP natürli nüt bessers zdue gha, als eus zverliebe , min schatz hät dänn grad die zweit lehr abgschlosse und ich mini erst!

grüessli

04.10.07 13:49
jovia

nicht registriert

Re: Was für es Izugsliäd i Kile hend ier gwählt?

Hello again

Mier hend ai neyd grosses vor am zivile - eifach d'Eltere und alli Gschwüsterti mit Chind (sind alles i allem 14 Persone). Ufs Standesamt göhnd mier aber nur mit de Trauzüüge, d'Familie gsemmer spöter im Restaurant wo mier sie zum Ässe iladid.

Wenn nateyrlich bedi schaffid und nu es zitufwändigs Hobby hend isch es sicher "schwieriger" zum Zeyt zfinde wägem organisiere und erledige vomene Hochzeyt.

Find ich aber flott vo deym Chef. Bi mier gsehd's äbe nu biz anders uhs, ich schaffe Teilzeyt vo dihei uhs und ha drum gar kei Chef näbedrah . Nieme d'Arbet hei und erledige sie... sie muess eifach fristgrächt uhse jewiils am Freytig. Drum schaff ich mängisch au am Sunntig (wenn's wüests Wätter isch) oder am Abe wenn mey Schatz z.B. in Usgang gahd. Isch nateyrlich grad biz "Luxus"... aber es bruicht ai Disziplin dass meh trotz allne Freiheite ai d'Arbet richtig macht .

Wow, das isch aber lessig dass ier grad a eychem Jahrestag chönd bzw. tüend hüürate . Und 5 Jahr isch ja ai gnueg lang zum "teste" - obwohl e Garantie gid es halt glich nie...

Sind ier katholisch?

Grüässli
Jovia

05.10.07 08:06
dodo10 

Re: Was für es Izugsliäd i Kile hend ier gwählt?

Hoi Jovia

Mir gönd mit eltere und schwöster vo mim schatz us standesamt. sind nöd so vill lüt.

Das isch aber ä gueti lösig, mit teilziit schaffe dihei. Klar disziplin bruchts, aber das würdi jetzt au na mache...!

Mir sind katholisch, min fründ isch allerdings us dä chile usträte. Hürate tüemer aber katholisch.

und Ihr??

Grüessli dodo10

 1 2 3 4 5
hochziits-homepage   Grüässli   nateyrlich   Vierwaldstättersee   xundheitsbedingt   absatzschuhe-füess   sicherheitshalber   Bastelmaterialie   Izugsliäd   superschööööööönnnn   sooooooooooooooooooooo   Hochzeyts-Homepage   chärtli   Wienachtschärtli   Hochziitstanzkurs   Altersunterschied   eierschale-champagnerfarbig   eigentlich   Grüessli   hochziitserfahrig