Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Was für es Izugsliäd i Kile hend ier gwählt?
Was für es Izugsliäd i Kile hend ier gwählt?
 1 2 3 4 5
dodo10  am 18.10.2007

Re: Was für es Izugsliäd i Kile hend ier gwählt?

Guete Morge Jovia

Euse Grafiker hät sicher Ideen, mir möchtet ebe nöd eifach ohni Vorstellig zu Ihm ga. Hend scho es paar Ideen, mal luege was drus wird. Weted ebe au öpis schlichts, nüt so protzigs...aber wahrschindli ohni Foti

Mir hend au öpe 51 gladni Gäst, am Apéro werdeds öpe um di 120 Persone si, wobi elei vom chor scho min. 40 werded cho.

Ich freu mich jetzt scho mega druf!! Wet am liebste sofort afange bastle für chärtli und namenstäfeli! Aber da mir ja s'Motiv nonig gnau wüssed, chani au na kei Namenstäfeli bastle

Aber gli isch wuchenend und dänn gang ich mit im Schatz mal ine grossi Papeterie go stöbere, das mer na chli meh idee chönd sammle!
Jupie!!

Vo mir us chönt scho öpe April si, dänn heti scho gli dä Termin zum probeschinke und -frisur! Chönt go schueh poste und müesst nüme so lang warte!

Grüessli dodo10



jovia

nicht registriert

am 18.10.2007

Re: Was für es Izugsliäd i Kile hend ier gwählt?

Guete Morgo dodo10

Ja, mier hend au nid es Foti vo eys druff welle... Erstens machid dass fast alli und zweitens isch das nid so eyses Ding .

Wow, dass isch ja en grosse Chor - dass tönt sicher megaguet wenn die denn Ghospel singid.

D'Schwöster und ich sind jetzt au uf de Suechi nach Bastelmaterialie für d'Namens- und Tischchärtli - hend scho Vorstellige, aber nu nid s'Passende gfunde.

Hey, denn hend ier ja scho eppis vor am Wucheänd und i de Papeterie gsehd meh ächt sooo vill schöni Sache! D'Entscheidig wird für eych sicher nu schwär, vorallem wemmer dett äne gahd ohni grossi Vorstellige - wünsche vill Glück und Spass .

Gsehsch, du plangsch scho, stell dier mal mich vor - gahd nu zwei Mönet länger als bi eych - wünschti au es wäri scho biz spöter, wenigstens scho 08!!!

Hesch du nu kei Schueh?? Ich han meyni scho kauft, weil ich grad weyssi brucht han de Summer .

Grüässli
Jovia



dodo10  am 19.10.2007

Re: Was für es Izugsliäd i Kile hend ier gwählt?

Hoi Jovia

Nei, han ebe na kei schueh.... Han eifach nüt gfunde wo mir passt. Dörf ebe nöd en zhöche absatz ha, sust chumi ruggeweh über....Han ebe eh nöd so absatzschuhe-füess.. han mega schnell blattere und druckstelle. drum müend jetzt dänn scho schueh ane, dasi au gnue ziit han zum ilaufe.

Was füre art schueh häsch du? Riemli- oder gschlossni, oder denige wo vorne zue sind und hinde offe?? und was für ä farb?

Grüessli dodo10



jovia

nicht registriert

am 19.10.2007

Re: Was für es Izugsliäd i Kile hend ier gwählt?

Guete Morge dodo10

Ach so, denn muesch wirklich ines Fachgschäft und dich berate lah. Es gihd afigs ächt bequemi, schöni Schueh und im Notfall au super Pflaster vo de Apothek wäg bzw. gäge Druckstelle.

Ich han gaaaanz bequemi Schueh gfunde mit Absatz, aber nid zu schmalem und nid zu höchem. Sie sind vore gschlosse, hinne offe mit Riemli (aber elastische, bequeme, nid iängende). Sie sind nid ganz weyss (isch ja meys Chleid ai nid).

Ganz zuenigi han ich äbe nid welle, äbe ai wäg de Druckstelle a de Färse hinne. Bi ines Schuefachgschäft und dett hed es doch en ziemlichi Uswahl gha. Meyni hend jetzt Fr. 140.00 kostet und dass find ich ok, weil ich die ja ai susch chan alegge. Weiss aber nid öb meh jetzt momentan nu weyssi Schueh gfindet, villicht muesch ächt nu biz uf de Früelig warte. Hesch denn scho en Vorstellig oder bisch mal biz go umeluege?

Grüässli Jovia



dodo10  am 26.10.2007

Re: Was für es Izugsliäd i Kile hend ier gwählt?

Hoi Jovia

Sorry, dasi mi solang nöd gmeldet han, han müese min wiisheitszah go usenäh.. hät mi dänn ebe grad flach gleit...!

Han mir eigentlich au öpe so schueh vorgstellt, wie du dini beschriebe häsch. Au hinde offe und vorne gschlosse. Han na nöd gross umeglueget, wird im Früehlig ga.
Fr. 140.00 find ich nöd vill, die Schueh chasch ja nacher wieterbruche.
Häsch du dini Schueh au öpe ä nr. grösser kauft??

Liebs Grüessli dodo10



jovia

nicht registriert

am 26.10.2007

Re: Was für es Izugsliäd i Kile hend ier gwählt?

Hi dodo10 *freu*

Oje, hoffe gahd dier jetzt aber wieder besser??? Hesch ne miesse useoperiere?

Würd ai erst im Früelig go luege, jetzt hed es ja settigi eh nimme wirklich gross ume. Ha meyni ai im Früesummer kaift.

Wieso e Numere grösser? Hm, nei, meyni hend meyni normal Schuegrössi, aber es chund nateyrlich immer nu ufs Modell usw. ah. Würd eifach go probiere - nimm dier gnueg Zeyt, laif lang gnueg im Gschäft ume und denn gmerksch es denn sicher. Ich ha immer Mieh mit Schueh gfinde, aber bi ines Fachgschäft, guet berate worde und die hend denn ai passt. Bi aber ai biz umegloffe und han biz im Gschäft "umetanzt" . Göhnd ier eigentlich nu ine Tanzkurs vorem Hochzeyt oder chend iers?

Liebs Grüessli Jovia



dodo10  am 29.10.2007

Re: Was für es Izugsliäd i Kile hend ier gwählt?

Hoi Jovia

Nei, han en nöd müese useoperiere, aber er hät 3 wurzle gha und hät uh fest ghebt!

Weg dä Schueh häts bi mir ebe gheisse ich sölls ä nr. grösser näh, dass au am abig na passed. Aber ich glaub ich gangs eifach am spötere Namittag go poste, dänn söt das glaub au ga. Was meinsch du??

Ja mir gönd na in Tanzkurs. Chönd überhaupt nöd Walzer tanze, alles was Standard isch, isch eus zimli fremd usser Rock'n'Roll.
Müend ihr au na ga oder chönd ihrs scho?

Grüessli dodo10



jovia

nicht registriert

am 29.10.2007

Re: Was für es Izugsliäd i Kile hend ier gwählt?

Hi dodo10

Ui, dass tönt schmärzhaft , aber jetz hesch ne wenigstens dusse .

Zitat:




Ah okay, ha das nu nie ghört wäge de Schuenumere - isch sicher wäg de "gschwullnige" Füess. Ich ha d'Schueh aber ai am Nami kauft und gluegt dass sie nid weiss nid wie chalt sind (was bi mier eigentlich fast immer de Fall isch ) und hend tiptop passt. Würdi ai wie du seisch eifach nid grad am Morge gah, sondern ai am Nami wenn scho biz gloffe bisch.

Mier göhnd wahrschinlich ai nu ine Tanzkurs, obwohl mey Schatz nid grad soooooo Fan devo isch . Ich chan paar Tänz, aber är äbe überhaupt nid. Är isch i de Disco eher de "mit-Chopf-Wipper" grins. Na ja, jetzt mal biz umeluege was es so hed. Wett äbe wenn denn nur so en Crash-Tanzkurs, wo nur paar Mal gahd und nid allzu tüür isch. Göhnd ier ine richtige Tanzkurs oder ai eine für Hochzeytspaar?

Hey, bi eych gahd es ja nimme soooo lang, hend ier eych jetzt für Chärtli chenne entscheide? Ich bi nu nid bim Drucker gsi, muess z'erst nu e Teil vom Text biz übersetze "lah" und denn gahn ich mal go Offertene ihole. Aber mier verschickid sie ja erst im Januar / Februar und denn hed es scho nu Zeyt. Wenn verschickid ier si?

Liäbs Grüässli
Jovia



dodo10  am 31.10.2007

Re: Was für es Izugsliäd i Kile hend ier gwählt?

Hoi Jovia

Mir gönd wahrschindli bi dä Migros Klubschuel in Hochziitstanzkurs.
Chostet nur Fr. 25.00 gaht aber au nur 1x1.5 std. Aber wemers nonig chöntet würd ja au na es zweits Mal dinelige.

Nei mir hend eus au nonig für Chärtli chöne entscheide. Es git so vill wo eus gfalled.
Mir verschickeds au öpe Endi Januar, bevor mir id ferie gönd. Ich weiss gar nöd wenn mir eus chöntet ziit irichte. Mir sind jedes Wuchenend usbuechet. Jetzt wird dänn na eusi Chuchi gmacht, d.h. mir wohned öpe 10 täg bi mine eltere...Zum Glück hend scho es paar kollege vo eus ghürate, dänn chömer dört na chli go idee hole.

Grüessli dodo10



 1 2 3 4 5

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.