| Was tun gegen die Nervosität??? |
|
|
1 2
|
baline  am 15.02.2007
Re: Was tun gegen die Nervosität???
also ich wird vermuetli au similisan oder/ und bachblüete-tröpfli bruche.... hani damals bi de LAP (scho chlini Ewigkeither) au gno und isch mer viel besser gange.
han aber no es "problem": bin recht nöch am wasser baut. mir chunnt scho s'augewasser wänn ich e fremdi bruut live gsehn... furchtbar, würkli... und mängmal chömmed scho fascht trändli, wänn ich da i dem forum ine so schöni sache läse tuen... ich dörf gar nöd a min grosse tag denke... als bruut isch mer ja sowieso im mittelpunkt, dänn no alli lüüt rundume, d'musig, uiui... 
** Zivil 20.07.2007 / Kirche 11.08.2007 **
|
|
|
babuseli  am 15.02.2007
Re: Was tun gegen die Nervosität???
Hallo baline
da gahts dir gnau glich wie mir. Mir chömed au sehr schnell Träne. Aber das isch ja au öbis schöns. Sind ja dänn ah dem Tag "Freudesträne". Ich wirde sicher ganz viel Packigä Nastücher bruche.
BABUSELI`s HOCHZEIT zivil 04.05.07kirchlich 12.05.07
|
baline am 15.02.2007
Re: Was tun gegen die Nervosität???
ja, das stimmt scho. es sind freudeträndli. aber irgendwiä chli... wot doch nöd mit verhüülte auge min hochziitstag verbringe! aber ich wirds überstah, villicht wirds dänn au nume halb so schlimm.. wer weiss..
min schatz und ich sind fascht es jahr im usland gsi und bi de abreis hani au dänkt, hül i mega fescht. aber sind nu es paar trändli cho, und au dänn, womer scho durch de zoll sind unds niemert meh gseh hät.. 
** Zivil 20.07.2007 / Kirche 11.08.2007 **
|
jackscor am 03.08.2007
Re: Was tun gegen die Nervosität???
ja, die schlaflose nächt... i ha ja im april no richtig tolli spitzeblattere bercho u churz drufabe ha i mi schlimmst troum beträffend em hochzyt ka... i ha wöue s chleid alege und ha mit entsetze müesse feststeue, dass es viu z kurz isch und knapp über de chnöi ufhört. drzue ha i när natürlich super schöni schienbei mit grooosse, rote blattere ka  uiuiui, das isch mir fei chli igfahre 
langsam aber sicher wirde ou ig nervös, bi die letschte monate so beschäftigt gsi, aues z organisiere, dass i gar nid so dr zyt drzue ka ha, drüber nachezdänke. jetzt, wo so ziemlich aues ready isch, wird i scho chli schlotterig. aber zum glück wird i die ganz zyt mi troumma a mire site ha u da wird d nervosität sicher schnäu verflüge.
i wünsche aune, wo jetzt de gli hüratet e positiv ufgregti zyt, gniessets!!
grüessli
jackscor
|
krindli am 03.08.2007
Re: Was tun gegen die Nervosität???
Hello
Ig has mittlärwilä hingär mir muäss sägä, dass diä letschtä Täg ganz schlimm si gsi! Ig bi so wahnsinnig närvös gsi, so han ig mi gar nüm kennt. Vor dr Chiuchä si mir vor luter Ufregig numä no Tränä abäglüfä, ig ha mi so uf dä Momänt gfröit!!!! Ha am Tag vorhär hani no chli Badrian gno, das het gnützt!!
Abär das ghört haut eifach drzuä u isch doch ou schön! Ig wünschä aunä, wos no vor sich hei guäti Nächt mit müglächscht wenig schlächtä Tröim  
Grüässli
Krindli
Wedding: 23.06.07
www.karinundstefan.ch
|
|
siri nicht registriert am 04.08.2007
Re: Was tun gegen die Nervosität???
also i bi 4 mönet vorem hochzit närvöser gsi als churz vorhär! di wuche u täg vorem hochzit bini voll ruehig gsi und has glasse uf mi chöne la zuecho. sogar grad vorem izug id chilche bini rächt ruehig gsi. u i bi süsch ini wo schnäll närvös isch! u das alls ohni irgendwelchi beruehigungsmitteli.
 27.4. / 5.5.07
|
|
|
1 2
|
Anmelden
